ജി.ഷഹീദ്

പ്രശസ്തപത്രപ്രവർത്തകൻ. മാതൃഭൂമിയിൽ 42വർഷം സേവനമനുഷ്ഠിച്ചു. ന്യൂഡൽഹി ചീഫ് റിപ്പോർട്ടറും കോഴിക്കോട് ബ്യൂറോ ചീഫുമായിരുന്നു. 2014മുതൽ 2020വരെ കൊച്ചി ബ്യൂറോചീഫ്,മാതൃഭൂമി ന്യൂസ് പ്രത്യേകപ്രതിനിധി. നിയമരം​ഗത്ത് വിപുലമായ ബന്ധങ്ങൾ. ലളിതവും ഹൃദ്യവുമായ നിയമറിപ്പോർട്ടുകൾ വായനക്കാരുടെ മാത്രമല്ല അഭിഭാഷകരുടെയും ന്യായാധിപരുടെയും പ്രശംസനേടി. 1998-ൽ നിയമസമീക്ഷ അവാർഡ് നേടി. പരിസ്ഥിതി,ശാസ്ത്രം,സിനിമ മേഖലകളെക്കുറിച്ചും എഴുതുന്നു. കൊച്ചി ന്യൂവേവ് ഫിലിം സൊസൈറ്റി സജീവ അം​ഗമായിരുന്നു. നെൽസൺ മണ്ടേലയ്ക്കൊപ്പം പോരാടി ദക്ഷിണാഫ്രിക്കയ്ക്ക് സ്വാതന്ത്ര്യം നേടിക്കൊടുത്ത രണ്ടുമലയാളികളെക്കുറിച്ചുള്ള 'മണ്ടേലയോടൊപ്പം പോരാടിയ രണ്ട് മലയാളികൾ' എന്ന ശ്രദ്ധേയ​ഗ്രന്ഥത്തിന്റെ രചയിതാവ്. ഇന്ത്യയിലെ നിരവധി വന്യമൃ​ഗസങ്കേതങ്ങൾ സന്ദർശിച്ചെഴുതിയ ഫീച്ചറുകൾ മാതൃഭൂമി യാത്ര,ഫ്രണ്ട് ലൈൻ തുടങ്ങിയവയിൽ പ്രസിദ്ധീകരിച്ചു. കൊച്ചി മാമം​ഗലത്ത് താമസിക്കുന്നു.