ചർച്ചയായി 'ഗ്ലോ​ബ് ട്രോ​ട്ട​ർ'; രാജമൗലി-മ​ഹേ​ഷ് ബാ​ബു ചിത്രത്തിന്‍റെ പേരു പ്രഖ്യാപിച്ചോ..?

ഇ​തു​വ​രെ SSMB29 എ​ന്ന​റി​യ​പ്പെ​ട്ടി​രു​ന്ന എ​സ്.​എ​സ്. രാ​ജ​മൗ​ലി-മ​ഹേ​ഷ് ബാ​ബു ചിത്രത്തിന്‍റെ പേര് സംവിധായകൻ രാജമൗലി പ്രഖ്യാപിച്ചോ..? 'ഗ്ലോ​ബ് ട്രോ​ട്ട​ർ' എ​ന്ന പേ​രോടെ ചിത്രത്തിന്‍റെ പോസ്റ്റർ രാജമൗലി പങ്കുവച്ചതാണ് ചിത്രത്തിന്‍റെ പേരിനെക്കുറിച്ചുള്ള ചർച്ചകൾ ചൂടുപിടിപ്പിച്ചത്. ഇതു ഔ​ദ്യോ​ഗി​ക പേ​രാ​ണോ എ​ന്നുള്ള സ്ഥിരീകരണമൊന്നും ഇതുവരെയില്ല.

ചി​ത്ര​ത്തിന്‍റെ പോസ്റ്റർ നി​ർമാ​താ​വും ന​ട​നും മറ്റ് അണിയറപ്രവർത്തകരും തങ്ങളുടെ സോ​ഷ്യ​ൽ മീ​ഡി​യ അ​ക്കൗ​ണ്ടു​ക​ളിൽ പങ്കുവച്ചു. #Globetrotter എ​ന്ന പു​തി​യ ഹാ​ഷ്‌​ടാ​ഗോടെയാണ് താരങ്ങൾ പോസ്റ്റർ പ​ങ്കു​വച്ചത്. ഇ​ത് സി​നി​മ​യു​ടെ ഔ​ദ്യോ​ഗി​ക ത​ല​ക്കെ​ട്ടാ​ണോ, പ്ര​മോ​ഷ​ണ​ൽ ഹാ​ഷ്‌​ടാ​ഗാ​ണോ എ​ന്ന് ഉ​റ​പ്പി​ല്ല. എ​ന്നാ​ൽ 2025 ന​വം​ബ​റിൽ ചിത്രത്തിന്റെ ഫസ്റ്റ് റിവീൽ പ്രഖ്യാപിച്ചിട്ടുണ്ട്.

ശനിയാഴ്ച മ​ഹേ​ഷ് ബാ​ബു​വി​ന്‍റെ ജ​ന്മ​ദി​ന​ത്തി​ൽ, ഇ​ൻ​സ്റ്റാ​ഗ്രാ​മി​ൽ സ​മാ​ന​മാ​യ പോ​സ്റ്റു​ക​ൾ രാജമൗലിയും മഹേഷ് ബാബും പ​ങ്കി​ട്ടു. പോസ്റ്ററിൽ മ​ഹേ​ഷി​ന്‍റെ ​നെഞ്ചിന്‍റെ ക്ലോ​സ്അപ്പ് ആ​യി​രു​ന്നു. നെഞ്ചിൽ മുറിവേറ്റ ചെറിയ പാടുകളും രക്തം പുരണ്ടിരിക്കുന്നതും കാണാം. ശി​വനും ത്രി​ശൂ​ലവും ന​ന്ദി​യും ചേർന്ന ഒരു ലോക്കറ്റും മഹേഷ് ബാബു ധരിച്ചിട്ടുണ്ട്. "എ​ല്ലാ​വ​രു​ടെ​യും സ്നേ​ഹ​ത്തി​ന് ന​ന്ദി... നി​ങ്ങ​ളെ​ല്ലാ​വ​രെ​യും പോ​ലെ ഞാ​നും 2025 ന​വം​ബ​റി​നായി ആ​കാം​ക്ഷ​യോ​ടെ കാ​ത്തി​രി​ക്കു​ന്നു...' എന്ന് മഹേഷ് ബാബു അടിക്കുറിപ്പിൽ എഴുതി.

എന്നാൽ, ചി​ത്ര​ത്തെ​ക്കു​റി​ച്ചു​ള്ള കൂ​ടു​ത​ൽ വി​വ​ര​ങ്ങ​ൾ പ​ങ്കുവ​ച്ചി​ട്ടി​ല്ല. മ​ഹേ​ഷി​നൊ​പ്പം ചി​ത്ര​ത്തി​ൽ അ​ഭി​ന​യി​ക്കു​മെ​ന്ന് അ​ഭ്യൂ​ഹ​മു​ള്ള പ്രി​യ​ങ്ക ചോ​പ്ര ത​ന്‍റെ സോ​ഷ്യ​ൽ മീ​ഡി​യ​യി​ൽ പോ​സ്റ്റ് പ​ങ്കു​വ​ച്ചി​ട്ടി​ല്ല. ചി​ത്ര​ത്തി​ന്‍റെ ഭാ​ഗ​മാ​ണെ​ന്ന് സ്ഥി​രീ​ക​രി​ച്ച പൃ​ഥ്വി​രാ​ജ് സു​കു​മാ​ര​നും ഇ​തേ​ക്കു​റി​ച്ച് വ്യ​ക്ത​മാ​ക്കി​യി​ട്ടി​ല്ല. തന്‍റെ പ്രി​യ​പ്പെ​ട്ട ഛായാ​ഗ്രാ​ഹ​ക​ൻ കെ.​കെ. സെ​ന്തി​ൽ കു​മാ​റി​ന് പ​ക​രം 'സീതാരാമ'ത്തിന്റെ ക്യാമറാമാൻ പി.എസ്.വിനോദിനെയാണ് രാജമൗലി പുതിയ ചിത്രത്തിനായി തെരഞ്ഞെടുത്തിട്ടുള്ളത്. രാ​ജ​മൗ​ലിയുടെ മ​ഗ​ധീ​ര, ബാ​ഹു​ബ​ലി -ദി ​ബി​ഗി​നിം​ഗ്, ആ​ർ​ആ​ർ​ആ​ർ തു​ട​ങ്ങി​യ നി​ര​വ​ധി ബ്ലോ​ക്ക്ബ​സ്റ്റ​റു​ക​ളു​ടെ ഛായാ​ഗ്രാ​ഹ​ക​ൻ സെ​ന്തി​ൽ കു​മാ​റാ​യി​രു​ന്നു​.

രാജമൗലിയുടെ പുതിയ ചിത്രം സ​മീ​പ​കാ​ല​ത്ത് നി​ര​ന്ത​രം വാ​ർ​ത്ത​ക​ളി​ൽ ഇ​ടം നേ​ടി​യിരുന്നു. ലൊക്കേഷനിൽനിന്നുള്ള ഒരു വീഡിയോ പുറത്തുവന്നത് വലിയ അഭ്യൂഹങ്ങൾക്ക് വഴിവെച്ചിരുന്നു.