ഇന്ത്യൻ,അറേബ്യൻ സംസ്കാരങ്ങളെ ആക്ഷേപിച്ചതിൽ പ്രതിഷേധം, 'ടു ​ദ് മൂ​ൺ'​ ടീസർ പിൻവലിച്ചു

കെ-​ഡ്രാ​മ 'ടു ​ദ് മൂ​ൺ'​ ടീ​സ​റി​നെ​തി​രേ ലോ​ക​മെമ്പാ​ടും വ്യാ​പ​ക പ്ര​തി​ഷേ​ധം ഉ​യ​ർ​ന്ന​തി​നു തൊ​ട്ടു​പി​ന്നാ​ലെ ക്ഷ​മാ​പ​ണം ന​ട​ത്തി ദ​ക്ഷി​ണ കൊ​റി​യ​ൻ ബ്രോ​ഡ്കാ​സ്റ്റി​ങ് ക​മ്പ​നി​യാ​യ എം​ബി​സി. ഇ​ന്ത്യ​ൻ, അ​റേ​ബ്യ​ൻ സം​സ്കാ​ര​ങ്ങ​ളെ ആ​ക്ഷേ​പി​ക്കു​ന്ന​രീ​തി​യി​ലു​ള്ള​താ​യി​രു​ന്നു ടീ​സ​ർ. ഓ​ഗ​സ്റ്റ് 20ന് ​പു​റ​ത്തി​റ​ങ്ങി​യ ടീസർ മണിക്കൂറുകൾക്കുള്ളിൽ വൈറലായിരുന്നു.

ടീ​സ​റി​ൽ ന​ട​ന്മാ​രാ​യ ലീ ​സ​ൺ-​ബി​ൻ, റാ ​മി-​റാ​ൻ, ജോ ​എ-​റാം, കിം ​യ​ങ്-​ഡേ എ​ന്നി​വ​ർ അ​റ​ബ്, ഇ​ന്ത്യ​ൻ വ​സ്ത്ര​ങ്ങ​ളു​ടെ ആ​ശ​യ​ക്കു​ഴ​പ്പ​മു​ണ്ടാ​ക്കു​ന്ന കോസ്റ്റ്യൂം ആണ് ഉപയോഗിച്ചത്. ഇൻഡോ-അറബ് മിശ്രിതം എന്നുവേണമെങ്കിലും പറയാം. സ്ത്രീ ​ക​ഥാ​പാ​ത്ര​ങ്ങ​ൾ ഇ​ന്ത്യ​യി​ൽ പ​ര​മ്പ​രാ​ഗ​ത​മാ​യി പ്രാ​ധാ​ന്യ​മു​ള്ള ബി​ന്ദി (വിവാഹിതരായ സ്ത്രീകൾ തൊടുന്ന സിന്ദൂരം) യും അ​റ​ബ് ശൈ​ലി​യി​ലു​ള്ള ശി​രോ​വ​സ്ത്ര​ങ്ങ​ളും ധ​രി​ച്ചി​രു​ന്നു. വേഷം ധരിച്ച് നൃ​ത്തവും അരേങ്ങേറി. ഇ​ന്ത്യ​ൻ,അറബ് പാ​ര​മ്പ​ര്യ​ങ്ങ​ളെ അപമാനിക്കുന്നതാണിതെന്നായിരുന്നു വിമർശനം.

മ​രു​ഭൂ​മി​യി​ലെ പ്ര​കൃ​തി​ദൃ​ശ്യ​ങ്ങ​ൾ, പ​ഴ​യ ശി​ലാകെ​ട്ടി​ട​ങ്ങ​ൾ എ​ന്നി​ങ്ങ​നെയുള്ളവ ഉപയോഗിച്ച പ​ശ്ചാ​ത്ത​ലവും വി​മ​ർ​ശ​ന​ത്തി​ന് ഇ​ട​യാ​ക്കി. കെ-​ഡ്രാമയുടെ ക​ഥാ​ഗ​തി​യു​മാ​യി യാ​തൊ​രുവിധ ബ​ന്ധ​​മി​ല്ലെ​ങ്കി​ലും അ​റ​ബ്, ഇ​ന്ത്യ​ൻ സം​സ്കാ​ര​ങ്ങ​ളെ അപമാനിക്കുന്ന തരത്തിലുള്ളതാണിതെന്നായിരുന്നു സോഷ്യൽമീഡിയയിലെ പൊതുവികാരം. ക​റു​ത്ത വ​ർ​ഗ​ക്കാ​ർ​ക്കെ​തി​രേ വം​ശീ​യ​ത പുലർത്തുന്ന കൊറിയക്കാർ ഇപ്പോൾ മിഡിൽ ഈ​സ്റ്റി​നോ​ടും ഇ​ന്ത്യ​ക്കാ​രോ​ടും വം​ശീ​യ​മാ​യി പെ​രു​മാ​റു​കയാണെന്നും ചിലർ ആരോപിച്ചു. പ്രതിഷേധം തങ്ങളുടെ പുതിയ റിലീസിനെ പ്രതികൂലമായി ബാധിക്കുമെന്ന് മനസിലാക്കിയ എം​ബി​സി ടീ​സ​ർ നീ​ക്കം ചെ​യ്യു​ക​യും ഔ​ദ്യോ​ഗി​ക​മാ​യി ക്ഷ​മാ​പ​ണം ന​ട​ത്തു​ക​യുമായിരുന്നു.