കാ​ല​ത്തി​ന്‍റെ ചു​ഴി​യി​ൽ കു​ടു​ങ്ങാ​ൻ തയ്യാ​റെ​ടു​ക്കൂ... ഇനി ഒടിടിയിൽ ആ 'സംഭവം'

തി​യേ​റ്റ​റു​ക​ളി​ൽ വി​സ്മ​യം തീ​ർ​ത്ത ​ടൈം-​ലൂ​പ്പ് മി​സ്റ്റ​റി ത്രി​ല്ല​ർ ഇ​നി ഒ​ടി​ടി​യി​ലേ​ക്ക്. അ​സ്‌​ക​ർ അ​ലി​യെ നാ​യ​ക​നാ​ക്കി ന​വാ​ഗ​ത​നാ​യ ജി​ത്തു സ​തീ​ശ​ൻ മം​ഗ​ല​ത്ത് ഒ​രു​ക്കി​യ 'സം​ഭ​വം അ​ധ്യാ​യം ഒ​ന്ന്' വി​ഷു​ക്കൈ​നീ​ട്ട​മാ​യി പ്രേ​ക്ഷ​ക​രി​ലേ​ക്കെ​ത്തു​ന്നു. ഏ​പ്രി​ൽ 15ന് ​ജി​യോ ഹോ​ട്ട്സ്റ്റാ​ർ ചി​ത്രം സ്ട്രീ​മി​ങ് ആ​രം​ഭി​ക്കും.

കേ​ര​ള-​ത​മി​ഴ്‌​നാ​ട് അ​തി​ർ​ത്തി​യി​ലെ കാ​ടിന്‍റെ പ​ശ്ചാ​ത്ത​ല​ത്തി​ലാ​ണ് ഈ മി​സ്റ്റ​റി, ഫാ​ന്‍റ​സി ത്രി​ല്ല​ർ ഒരുക്കിയത്. ഒ​രി​ക്ക​ൽ പോ​യാ​ൽ ആ​രും തി​രി​ച്ചു വ​രാ​ത്ത ആ ​നി​ഗൂ​ഢ മേ​ഖ​ല എ​ന്ത് ഒ​ളി​പ്പി​ക്കുന്നു എന്നതാണ് സസ്പെൻസ്. ഹൊ​റ​ർ ഘ​ട​ക​ങ്ങ​ളും ഫാ​ന്‍റ​സി​യും ഒ​ത്തു​ചേ​രു​ന്ന ചി​ത്രം മ​ല​യാ​ള​ത്തി​ൽ അ​ത്ര പ​രി​ചി​ത​മ​ല്ലാ​ത്ത ടൈം ​ലൂ​പ്പ് എ​ന്ന പ്ര​മേ​യ​ത്തെ​യാ​ണ് ആ​സ്പ​ദ​മാ​ക്കി​യി​രി​ക്കു​ന്ന​ത്.

നവാഗതനായ ജിത്തു സതീശൻ തിരക്കഥ രചിച്ച് സംവിധാനം ചെയ്യുന്ന ഈ ചിത്രം നല്ല സിനിമ പ്രൊഡക്ഷൻസ് നിർമിക്കുന്നു. അസ്ക്കർ അലി, വിനീത് കുമാർ, സിദ്ധാർത്ഥ് ഭരതൻ, സെന്തിൽ കൃഷ്ണ, അസ്സിം ജമാൽ എന്നിവർ ഈ ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു. ഏറെ ശ്രദ്ധ നേടിയ 'സംഭവം' എന്ന ഷോർട്ട് ഫിലിമിനെ ആസ്പദമാക്കിയുള്ളതാണ് ഈ ചിത്രം. മാ​ർ​ച്ച് ആ​റി​ന് തി​യേ​റ്റ​റു​ക​ളി​ൽ എ​ത്തി​യ​പ്പോ​ൾ ല​ഭി​ച്ച ആ​വേ​ശ​ക​ര​മാ​യ പ്ര​തി​ക​ര​ണം ഡി​ജി​റ്റ​ൽ സ്ക്രീ​നിലും ആ​വ​ർ​ത്തി​ക്കുമെന്നാണ് അണിയറക്കാരുടെ പ്രതീക്ഷ.

പൂർണ്ണമായും കാടിൻ്റെ പശ്ചാത്തലത്തിലുള്ള 'സംഭവം അദ്ധ്യായം ഒന്ന്' എന്ന ചിത്രത്തിൻ്റെ ചിത്രീകരണം പാലക്കാട്ടെ ധോണി ഫോറസ്റ്റിലായിരുന്നു. കേരള -തമിഴ്നാട് അതിർത്തിയിലെ ഒരു വനപ്രദേശം. അതിനുള്ളിൽ കയറിയവരാരും പിന്നീട് പുറംലോകം കണ്ടിട്ടില്ല. ഇതിൻ്റെ നിഗൂഢതകൾ എന്തെന്ന് ചിത്രം അന്വേഷിക്കുന്നു. ഏറെ സസ്പെൻസ് നിലനിർത്തിയുള്ള ചിത്രം ആക്ഷന് ഏറെ പ്രാധാന്യം നിറഞ്ഞതാണ്. പാലക്കാട്,തിരുവനന്തപുരം,വൈക്കം,വെള്ളൂർ എന്നിവിടങ്ങളിലായിട്ടാണ് ചിത്രീകരണം പൂർത്തിയായത്.

ചിത്രത്തിന്റെ കോ പ്രൊഡ്യൂസർ- നവീൻ ഊട്ട, എക്സിക്യൂട്ടീവ് പ്രൊഡ്യൂസർ- ആഷ്‌ന റഷീദ്, ചായഗ്രഹണം- നവീൻ നജോസ്, എഡിറ്റിങ്- അർജുൻ പ്രകാശ്, ബാക്ക്ഗ്രൗണ്ട് സ്കോർ- ഗോഡ് വിൻ തോമസ്, ഓഡിയോഗ്രഫി- വിഷ്ണു ഗോവിന്ദ്, മേക്കപ്പ്- പട്ടണം റഷീദ്, വസ്ത്രാലങ്കാരം- സമീറ സനീഷ്, പ്രൊഡക്ഷൻ കൺട്രോളർ- പ്രവീൺ എടവണ്ണപ്പാറ, ആർട്ട് ഡയറക്ടർ- സുജിത്ത് കൊല്ലനണ്ടി, സംഘട്ടനം- അഷ്‌റഫ്‌ ഗുരുക്കൾ, സ്റ്റിൽസ്- നിദാദ് കെ. എൻ, ചീഫ് അസോസിയേറ്റ് ഡയറക്ടർമാർ- മെൽബിൻ മാത്യു, അനൂപ് മോഹൻ,പബ്ലിസിറ്റി ഡിസൈൻസ്- യെല്ലോ ടൂത്ത്സ്,