സർപ്രൈസ് സമ്മാനമായി 'പ്രകമ്പനം' ഒടിടിയിൽ

ഒടിടി പ്രേക്ഷകർക്ക് സർപ്രൈസ് നൽകിക്കൊണ്ട് സൂപ്പർഹിറ്റ് മലയാളം ഹൊറർ കോമഡി 'പ്രകമ്പനം' സ്ട്രീമിങ് തുടങ്ങി. സീ 5-ൽ ആണ് 'പ്രകമ്പനം' കാണാനാകുക. അപ്രതീക്ഷിതമായാണ് ചിത്രം ഒടിടി സ്ട്രീമിങ് ആരംഭിച്ചത്. അടുത്ത കാലത്ത് പൊട്ടിച്ചിരിയോടെ സിനിമാലോകം ഇരുകൈയും നീട്ടി ഏറ്റെടുത്ത ചിത്രമാണ് ‘പ്രകമ്പനം’. കേരളത്തിലെ 90 തിയേറ്ററുകളിൽ ആദ്യ ഷോ പ്രദർശിപ്പിച്ചതിന് പിന്നാലെ എക്സ്ട്രാ ഷോകളുടെ കുതിച്ചു ചാട്ടമായിരുന്നു കണ്ടത്. ഏതാണ്ട് നാല്പതുകോടിയിലധികം രൂപയാണ് ചിത്രം തിയേറ്ററുകളിൽ നിന്ന് സ്വന്തമാക്കിയത്.

എറണാകുളത്തെ ഒരു ക്യാമ്പസും കണ്ണൂരും പശ്ചാത്തലമാക്കി വിജേഷ് പാണത്തൂർ ഒരുക്കിയിരിക്കുന്ന ഒരു ഫുൾ-പാക്ക്ഡ് എന്റർടെയ്നറാണ് ‘പ്രകമ്പനം’. വലിയ താരനിര ഇല്ലാതിരുന്നിട്ടും പ്രേക്ഷകർക്ക് ചിത്രം നൽകിയത് രണ്ടുമണിക്കൂർ നീണ്ട ചിരിയുടെ പൊടിപൂരമാണ്.

നവരസ ഫിലിംസും കാർത്തിക് സുബ്ബരാജിന്റെ സ്റ്റോൺ ബെഞ്ച് സ്റ്റുഡിയോയും ചേർന്നാണ് ചിത്രം അവതരിപ്പിക്കുന്നത്. ‘നദികളിൽ സുന്ദരി യമുന’യ്ക്ക് ശേഷം വിജേഷ് പാണത്തൂർ സംവിധാനം ചെയ്യുന്ന ഈ ചിത്രം, ശ്രീജിത്ത് കെ. എസ്, കാർത്തികേയൻ എസ്, സുധീഷ് എൻ എന്നിവർ ചേർന്നാണ് നിർമ്മിക്കുന്നത്. കഥ സംവിധായകന്റേതും, തിരക്കഥയും സംഭാഷണവും നവാഗതനായ ശ്രീഹരി വടക്കന്റേതുമാണ്.

ഗണപതി, സാഗർ സൂര്യ, അമീൻ എന്നിവർ കേന്ദ്ര കഥാപാത്രങ്ങളായി എത്തിയ ചിത്രത്തിൽ ശീതൾ ജോസഫ് ആണ് നായിക.കലാഭവൻ നവാസ്, രാജേഷ് മാധവൻ, മല്ലിക സുകുമാരൻ, അസീസ് നെടുമങ്ങാട്, പി. പി. കുഞ്ഞികൃഷ്ണൻ, ഗായത്രി സതീഷ്, ലാൽ ജോസ്, പ്രശാന്ത് അലക്സാണ്ടർ, സനീഷ് പല്ലി, കുടശ്ശനാട് കനകം എന്നിവരടങ്ങുന്ന വൻ താരനിരയും ചിത്രത്തിന്റെ മറ്റൊരു ആകർഷണമാണ്. മലയാളത്തിലെ പ്രമുഖ ഇൻഫ്ലുവൻസേഴ്സും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്.

സംഗീതം: ബിബിൻ അശോക്,പശ്ചാത്തല സംഗീതം: ശങ്കർ ശർമ,ഛായാഗ്രഹണം: ആൽബി ആന്റണി,എഡിറ്റിങ്: സൂരജ് ഇ. എസ്,ആർട്ട് ഡയറക്ഷൻ: സുഭാഷ് കരുൺ,ചീഫ് അസോസിയേറ്റ് ഡയറക്ടർ: അംബ്രൂ വർഗീസ്, പ്രൊഡക്ഷൻ കൺട്രോളർ: നന്ദു പൊതുവാൾ,ലൈൻ പ്രൊഡ്യൂസർ: അനന്തനാരായൺ, പ്രൊഡക്ഷൻ മാനേജർമാർ: ശശി പൊതുവാൾ, കമലാക്ഷൻ,സൗണ്ട് ഡിസൈൻ: കിഷൻ മോഹൻ (സപ്ത),ഫൈനൽ മിക്സ്: എം. ആർ. രാജകൃഷ്ണൻ,ഡി. ഐ: രമേഷ് സി. പി,വി. എഫ്. എക്സ്: മെറാക്കി,വസ്ത്രാലങ്കാരം: സുജിത്ത് മട്ടന്നൂർ,മേക്കപ്പ്: ജയൻ പൂങ്കുളം,പിആർഒ: മഞ്ജു ഗോപിനാഥ്,പബ്ലിസിറ്റി ഡിസൈൻ: യെല്ലോ ടൂത്ത്,സ്റ്റിൽസ്: ഷാഫി ഷക്കീർ, ഷിബി ശിവദാസ്,ഡിജിറ്റൽ മാർക്കറ്റിങ്: ഒബ്സ്ക്യൂറ എന്റർടെയ്ൻമെന്റ്.