ഒടുവിൽ മമ്മൂട്ടിയുടെ ഡിറ്റക്ടീവ് ഡൊ​മി​നി​ക് ഒടിടിയിലേക്ക്

'ഡൊ​മി​നി​ക് ആ​ൻ​ഡ് ദ് ​ലേ​ഡീ​സ് പേ​ഴ്‌​സ്' എ​ന്ന മി​സ്റ്റ​റി ത്രി​ല്ല​റി​ലൂ​ടെ​യാ​ണ് മ​മ്മൂ​ട്ടി 2025ന് ​തു​ട​ക്കം കു​റി​ച്ച​ത്. റി​ലീ​സി​നു​മുമ്പു​ത​ന്നെ മി​ക​ച്ച പ്രേ​ക്ഷ​ക ശ്ര​ദ്ധ നേ​ടി​യ ചി​ത്ര​മാ​യി​രു​ന്നു 'ഡൊ​മി​നി​ക്'. തമിഴ് ഹിറ്റ് ഡയറക്ടർ ഗൗ​തം വസു​ദേ​വ് മേ​നോ​ന്‍റെ മ​ല​യാ​ള​ത്തി​ലെ അ​ര​ങ്ങേ​റ്റ ചി​ത്രമെന്നതും ചിത്രത്തിന്റെ പ്രധാന്യം വർധിപ്പിച്ചു. എന്നാൽ, ജ​നു​വ​രി 23ന് ​തിയ​റ്റ​റു​ക​ളി​ൽ എ​ത്തി​യ ചി​ത്ര​ത്തി​നു സ​മ്മി​ശ്ര പ്ര​തി​ക​ര​ണ​ങ്ങ​ളാ​ണ് ല​ഭി​ച്ച​ത്. ബോക്സ്ഓഫീസിൽ വലിയ ചലനങ്ങൾ സൃഷ്ടിക്കാൻ കഴിഞ്ഞില്ലെങ്കിലും, ഡി​റ്റ​ക്ടീ​വ് ചിത്രങ്ങളുടെ ശൈ​ലി​യി​ലു​ള്ള ആ​ഖ്യാ​നവും മമ്മൂട്ടിയുടെ അസാമാന്യപ്രകടനത്തെയും പ്രേക്ഷകർ അഭിനന്ദിച്ചു.

ഒടിടി റിലീസിനായി പ്രേക്ഷകർ ഏറെ കാത്തിരുന്ന മമ്മൂട്ടിച്ചിത്രവുമാണ് 'ഡൊ​മി​നി​ക്'. ഇപ്പോൾ കാത്തിരിപ്പിനെല്ലാം വിരാമമിട്ടുകൊണ്ട് ചിത്രം ഒടിടി സ്ട്രീമിങ് ആരംഭിക്കുകയാണ്. ഡിസംബർ 19ന് സീ5-ൽ ചിത്രം സ്ട്രീമിങ് ആരംഭിക്കും. അണിയറക്കാർതന്നെയാണ് ഡിജിറ്റൽ പ്രദർശനത്തിന്‍റെ വിവരങ്ങൾ പുറത്തുവിട്ടത്. നേരത്തെ ആമസോൺ പ്രൈം ചിത്രത്തിന്‍റെ പകർപ്പവകാശം സ്വന്തമാക്കിയെന്ന റിപ്പോർട്ട് പുറത്തുവന്നിരുന്നു.

മമ്മൂട്ടിയും ഗൗതം വസുദേവ് മേനോനും ആദ്യമായി ഒന്നിക്കുന്ന ചിത്രം മികച്ച കഥാസന്ദർഭങ്ങൾ കൊണ്ടും ശ്രദ്ധിക്കപ്പെട്ടിരുന്നു. പോലീസിൽനിന്നു സ്വയംവിരമിച്ച ശേഷം പ്രൈവറ്റ് ഡിറ്റക്ടീവ് ആ‍യി പ്രവർത്തിക്കുന്ന ഡൊമിനിക് എന്ന കഥാപാത്രത്തെയാണ് മമ്മൂട്ടി അവതരിപ്പിച്ചത്. ഒരു പഴ്സിന്‍റെ ഉടമയെ തേടിയുള്ള അന്വേഷണവും അത് പിന്നീട് വലിയ തിരോധാന സംഭവങ്ങളിലേക്ക് എത്തിച്ചേരുന്നതുമാണ് സിനിമയുടെ ഇതിവൃത്തം. ഗോകുൽ സുരേഷ്, സുഷ്മിത ഭട്ട്, ഷൈൻ ടോം ചാക്കോ, വിജി വെങ്കിടേഷ്, സുദേവ് ബാബു, ലെന, മീനാക്ഷി എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.