ആക്ഷനും ആവേശവും ഒത്തുചേർന്ന് 'പൊങ്കാല' ഫൈറ്റ് മൊണ്ടാഷ് ഗാനം

പ്രേക്ഷകർ കാത്തിരിക്കുന്ന ‘പൊങ്കാല’ എന്ന ചിത്രത്തിലെ ഫൈറ്റ് മൊണ്ടാഷ് ഗാനം റിലീസ് ചെയ്തു. പൂർണ്ണമായും റാപ്പ് മ്യൂസിക് അടിസ്ഥാനമാക്കിയുള്ള ഈ പാട്ട്, ചിത്രത്തിന്റെ ആക്ഷൻ രംഗങ്ങളും ആന്തരിക സംഘർഷങ്ങളും കോർത്തിണക്കിയുള്ളതാണ്. സംഗീതം ഒരുക്കിയത് രഞ്ജിൻ രാജ്. റാപ്പും വരികളും ഇമ്പാച്ചിയുടേതാണ്. പാടിയതും ഇമ്പാച്ചിതന്നെ. പുറത്തിറങ്ങി ഒരുദിവസം തികയും മുമ്പേ എട്ടുലക്ഷം വ്യൂസ് ആണ് യൂട്യൂബിൽ പാട്ടിന് കിട്ടിയത്.

ശ്രീനാഥ് ഭാസി, ബാബുരാജ്, കിച്ചു ടെല്ലസ്, സൂര്യ കൃഷ്, ഇന്ദ്രജിത്ത് ജഗ്ജിത്, മുരുകൻ മാർട്ടിൻ എന്നിവരാണ് ചിത്രത്തിൽ പ്രധാന വേഷങ്ങളിൽ അഭിനയിക്കുന്നത്. ഈ പാട്ട്, ആവേശകരമായ ആക്ഷൻ രംഗങ്ങൾക്കൊപ്പം, 'പൊങ്കാല'യുടെ തീപാറുന്ന കഥാപശ്ചാത്തലത്തെയും പ്രതിഫലിപ്പിക്കുന്നു. സാമൂഹികവും രാഷ്ട്രീയവുമായ അടിത്തറയിൽ രൂപപ്പെട്ട ശക്തമായ കഥയാണ് ചിത്രം പറയുന്നത്.

'മഞ്ഞുമ്മൽ ബോയ്സ്' എന്ന ഹിറ്റ് ചിത്രത്തിനു ശേഷം ഒരു നടന്ന സംഭവത്തെ ആസ്പദമാക്കിയുള്ള മറ്റൊരു ശ്രീനാഥ് ഭാസി ചിത്രമാണ് 'പൊങ്കാല.' ആക്ഷൻ കോമഡി ത്രില്ലർ ശ്രേണിയിൽ പെടുന്ന ചിത്രത്തിന്റെ ഷൂട്ടിങ് വൈപ്പിൻ, ചെറായി ഭാഗങ്ങളിലായിരുന്നു.

എ.ബി ബിനിൽ കഥയും തിരക്കഥയും രചിച്ച് സംവിധാനം ചെയ്യുന്ന 'പൊങ്കാല' ഗ്ലോബൽ പിക്ചേഴ്സ് എന്റർടൈന്മെന്റ്, ജൂനിയർ 8 ബാനറിൽ ദീപു ബോസും അനിൽ പിള്ളയും ചേർന്ന് നിർമ്മിക്കുന്നു. കോ- പ്രൊഡ്യൂസർ ഡോണ തോമസ്. 2000 കാലഘട്ടത്തിൽ ഹാർബർ പശ്ചാത്തലമാക്കി വൈപ്പിൻ മുനമ്പം തീരദേശത്ത് നടന്ന സംഭവത്തെ ആസ്പദമാക്കി പറയുന്ന ചിത്രത്തിൽ യാമി സോനാ,സുധീർ കരമന, സമ്പത്ത് റാം, അലൻസിയർ, ജീമോൻ ജോർജ്, സ്മിനു സിജോ, ശാന്തകുമാരി, രേണു സുന്ദർ എന്നിവരും പ്രധാന കഥാപാത്രങ്ങളായെത്തുന്നു.

ഛായാഗ്രഹണം- ജാക്സൺ,എഡിറ്റർ- അജാസ് പുക്കാടൻ,മേക്കപ്പ് - അഖിൽ ടി.രാജ്, കോസ്റ്റ്യൂം-സൂര്യാ ശേഖർ, ആർട്ട്- നിധീഷ് ആചാര്യ, പ്രൊഡക്ഷൻ കൺട്രോളർ- സെവൻ ആർട്സ് മോഹൻ, ഫൈറ്റ് മാഫിയ ശശി, രാജാ ശേഖർ, പ്രഭു ജാക്കി. കൊറിയോഗ്രാഫി- വിജയ റാണി, സ്റ്റിൽസ്- ജിജേഷ് വാടി,ഡിസൈൻസ് അർജുൻ ജിബി, ഡിജിറ്റൽ മാർക്കറ്റിങ്- ഒബ്സ്ക്യൂറ എന്റർടെയ്ൻമെന്റ്സ്, പിആർ- മഞ്ജു ഗോപിനാഥ്.