ഏത് മോഡ്...?ഇനി 'കറുപ്പി'ലെ 'ഗോഡ് മോഡ്!!'

പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന സൂര്യയുടെ പുതിയ ചിത്രമായ 'കറുപ്പി'ലെ 'ഗോഡ് മോഡ്' എന്ന ഗാനത്തിന്റെ ലിറിക്‌ വീഡിയോ ദീപാവലി ദിനത്തിൽ റിലീസ് ചെയ്തു. ഗ്രാമോത്സവത്തിലെ ആഘോഷങ്ങൾ നിറഞ്ഞ സൂര്യയുടെ അടിപൊളി ഗാനം പ്രേക്ഷക ഹൃദയങ്ങൾ കീഴടക്കുകയാണ്.

'കറുപ്പി'ന്റെ സംഗീതസംവിധാനം നിർവ്വഹിച്ചിരിക്കുന്നത് സായ് അഭ്യങ്കറാണ്. ഗോഡ് മോഡ് ഗാനത്തിന്റെ വരികൾ വിഷ്ണു ഇടവനാണ് എഴുതിയത്. ആർജെ ബാലാജി സംവിധാനം ചെയ്യുന്ന 'കറുപ്പി'ൽ തൃഷ നായികയായി അഭിനയിക്കുന്നു. 2005 ന് ശേഷം സൂര്യയ്ക്കൊപ്പം വീണ്ടും തൃഷ അഭിനയിക്കുന്ന ചിത്രം കൂടിയാണ് 'കറുപ്പ്'. ഇന്ദ്രൻസ്, യോഗി ബാബു, ശിവദ, സ്വാസിക, നട്ടി, സുപ്രീത് റെഡ്ഡി, അനഘ മായ രവി എന്നിവർ 'കറുപ്പി'ലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നു.

ഛായാഗ്രഹണം-ജി.കെ.വിഷ്ണു, എഡിറ്റിങ്-കലൈവാണൻ, കലാസംവിധാനം-അരുൺ വെഞ്ഞാറമൂട്. ഷോഫി, സാൻഡി ടീമിന്റെ കൊറിയോഗ്രഫിയും അൻപറിവിന്റേയും വിക്രം മോറിൻ്റെയും ആക്ഷൻ കൊറിയോഗ്രാഫിയും 'കറുപ്പി'ൻ്റെ പ്രത്യേകതയാണ്. ഡ്രീം വാരിയർ പിക്‌ചേഴ്‌സിൻ്റെ ബാനറിൽ എസ്ആർ പ്രഭുവും എസ്ആർ പ്രകാശ് ബാബുവുമാണ് നിർമ്മാണം. പിആർ ആൻഡ് മാർക്കറ്റിങ്: പ്രതീഷ് ശേഖർ.