ദേ​ശീ​യ​ത​യു​ടെ ഈണമാ​യി റി​പ്പ​ബ്ലി​ക് ദി​ന​ത്തി​ൽ കീ​ര​വാ​ണിയുടെ 'വ​ന്ദേ​മാ​ത​രം'

ചലച്ചിത്രലോ​ക​ത്തെ ഓ​സ്ക​ർ തി​ള​ക്ക​ത്തി​നു പി​ന്നാ​ലെ, ഇ​ന്ത്യ​ൻ ജ​ന​ത​യു​ടെ ഹൃ​ദ​യ​മി​ടി​പ്പാ​യ 'വ​ന്ദേ​മാ​ത​രം' എ​ന്ന ദേ​ശഭക്തി​ഗാ​ന​ത്തി​ന് പു​തി​യ സം​ഗീ​താ​വി​ഷ്കാ​രം ന​ൽ​കാ​ൻ ഒ​രു​ങ്ങി എം.​എം. കീ​ര​വാ​ണി. ബ​ങ്കിം ച​ന്ദ്ര ചാ​റ്റ​ർ​ജി അ​ന​ശ്വ​ര​വ​രി​ക​ൾ ര​ചിച്ചതിന്‍റെ 150-ാം വാ​ർ​ഷി​കാ​ഘോ​ഷ​ങ്ങ​ളു​ടെ ഭാ​ഗ​മാ​യാ​ണ് റിപ്പബ്ലിക് ദിനത്തിൽ കീ​ര​വാ​ണി ​സം​ഗീ​ത​വി​രു​ന്ന് ഒ​രു​ക്കു​ന്ന​ത്.

കേ​ന്ദ്ര സാം​സ്കാ​രി​ക മ​ന്ത്രാ​ല​യ​ത്തി​നു കീ​ഴി​ൽ ഒ​രു​ങ്ങു​ന്ന ഈ ​ബൃ​ഹ​ദ് സം​ഗീ​ത ശില്പത്തി​ൽ രാജ്യത്തിന്‍റെ നാനാഭാഗങ്ങളിൽനി​ന്നു​ള്ള 2,500 ക​ലാ​കാ​ര​ന്മാ​രാ​ണ് അ​ണി​നി​ര​ക്കു​ന്ന​ത്. വൈ​വി​ധ്യ​ങ്ങ​ളു​ടെ ഇ​ന്ത്യ​യെ ഒ​രൊ​റ്റ ഈ​ണ​ത്തി​ൽ കോ​ർ​ത്തി​ണ​ക്കു​ന്ന ഈ ​സം​ഗീ​ത യാ​ത്ര​യെ​ക്കു​റി​ച്ച് കീ​ര​വാ​ണി ത​ന്നെ​യാ​ണ് സോ​ഷ്യ​ൽ മീ​ഡി​യ​യി​ലൂ​ടെ ആ​രാ​ധ​ക​രെ അ​റി​യി​ച്ച​ത്. 'ന​മ്മു​ടെ രാ​ജ്യ​ത്തിന്‍റെ ആ​ത്മാ​വി​നെ ആ​ഘോ​ഷി​ക്കാ​ൻ ന​മു​ക്ക് ഒ​ന്നി​ക്കാം. റി​പ്പ​ബ്ലി​ക് ദി​ന പ​രേ​ഡി​ൽ വ​ന്ദേ​മാ​ത​ര​ത്തി​ന് സം​ഗീ​തം ന​ൽ​കാ​ൻ ക​ഴി​ഞ്ഞ​തി​ൽ ഞാ​ൻ അ​തീ​വ സ​ന്തു​ഷ്ട​നും അ​ഭി​മാ​നി​ത​നു​മാ​ണ്...'-കീ​ര​വാ​ണി എ​ക്സി​ൽ കു​റി​ച്ചു.

ഇ​ത്ത​വ​ണ​ത്തെ റി​പ്പ​ബ്ലി​ക് ദി​നത്തിനു മ​റ്റൊ​രു പ്ര​ത്യേ​ക​ത കൂ​ടി​യു​ണ്ട്. യൂ​റോ​പ്യ​ൻ കൗ​ൺ​സി​ൽ പ്ര​സി​ഡന്‍റ് അന്‍റോ​ണി​യോ ലൂ​യി​സ് സാന്‍റോ​സ് ഡാ ​കോ​സ്റ്റ, യൂ​റോ​പ്യ​ൻ ക​മ്മീ​ഷ​ൻ പ്ര​സി​ഡന്‍റ് ഉ​ർ​സു​ല വോ​ൺ ഡെ​ർ ലെ​യ​ൻ എ​ന്നി​വ​രാ​ണ് പ​രേ​ഡി​ൽ മു​ഖ്യാ​തി​ഥി​ക​ളാ​യി എ​ത്തു​ന്ന​ത്. ലോ​ക​നേ​താ​ക്ക​ളു​ടെ സാ​ന്നി​ധ്യ​ത്തി​ൽ കീ​ര​വാ​ണി​യു​ടെ ഈ​ണം മു​ഴ​ങ്ങു​ന്ന​ത് ഇ​ന്ത്യ​ൻ സി​നി​മാ ലോ​ക​ത്തി​നും അ​ഭി​മാ​ന​നി​മി​ഷ​മാ​ണ്.

'ആ​ർ​ആ​ർ​ആ​ർ' എ​ന്ന ചി​ത്ര​ത്തി​ലൂ​ടെ ഓ​സ്ക​ർ പു​ര​സ്കാ​രം ഇ​ന്ത്യ​യി​ലെ​ത്തി​ച്ച കീ​ര​വാ​ണി, സി​നി​മാ സം​ഗീ​ത​ത്തി​ൽനി​ന്ന് ദേ​ശീ​യ​ത​യു​ടെ വി​ശാ​ല​മാ​യ ക്യാ​ൻ​വാ​സി​ലേ​ക്ക് മാ​റു​മ്പോ​ൾ രാ​ജ്യം കാ​തോ​ർ​ക്കു​ന്ന​ത് മ​റ്റൊ​രു മാ​ന്ത്രി​കാ​നു​ഭ​വ​ത്തി​നാ​ണ്. ജ​നു​വ​രി 26-ന് ​ക​ർ​ത്ത​വ്യ​പ​ഥി​ൽ മു​ഴ​ങ്ങു​ന്ന ആ ​സ്വ​ര​രാ​ഗ​ങ്ങ​ൾ​ക്കാ​യി എല്ലാ ഭാരതീയരും കാത്തിരിക്കുകയാണ്.