കു​മാ​ർ സാ​നു​വി​നൊ​പ്പ​മു​ള്ള എ​ഐ ചി​ത്രം: രൂക്ഷ പ്രതികരണവുമായി കു​നി​ക്ക

ബി ടൗണിലെ പ്രിയ ഗാ​യ​ക​ൻ കു​മാ​ർ സാ​നു​വുമൊത്തുള്ള എ​ഐ ചി​ത്രം സോ​ഷ്യ​ൽ മീ​ഡി​യ​യി​ൽ പ്ര​ച​രി​ച്ച​തി​നെ​തി​രെ രൂക്ഷ പ്രതികരണവുമായി മുൻകാമുകിയും ന​ടിയുമായ കു​നി​ക്ക സ​ദാ​നന്ദ്​ രം​ഗ​ത്ത്. 'ഷ​രം ക​രോ' (അ​ല്പ​മെ​ങ്കി​ലും നാ​ണ​മു​ണ്ടോ) എ​ന്നു ചോ​ദി​ച്ചു​കൊ​ണ്ടാ​ണു താ​രം ത​ന്‍റെ എ​ക്സ് അ​ക്കൗ​ണ്ടി​ലൂ​ടെ രൂ​ക്ഷ​മാ​യി പ്ര​തി​ക​രി​ച്ച​ത്.

കു​മാ​ർ സാ​നു നി​ല​വി​ൽ സ​ന്തോ​ഷ​ക​ര​മാ​യ കു​ടും​ബ​ജീ​വി​തം ന​യി​ക്കു​ന്ന ആ​ളാ​ണെ​ന്നും കു​മാ​ർ​സാ​നു​വി​നെ​യും ത​ന്നെ​യും അ​നാ​വ​ശ്യ​വി​വാ​ദ​ങ്ങ​ളി​ലേ​ക്കു വ​ലി​ച്ചി​ഴ​യ്ക്കു​രു​തെ​ന്നും കു​നിക്ക വ്യ​ക്ത​മാ​ക്കി. വ്യ​ക്തി​ഗ​ത അ​വ​കാ​ശ​ങ്ങ​ൾ ലം​ഘി​ക്കു​ന്ന​വ​ർ​ക്കെ​തി​രെ മാ​ന​ന​ഷ്ട​ത്തി​നു കേ​സ് കൊടുക്കുമെന്നും അ​വ​ർ കൂ​ട്ടി​ച്ചേ​ർ​ത്തു.

അ​ടു​ത്തി​ടെ ബി​ഗ് ബോ​സ് 19-ൽ ​വ​ച്ചാ​ണ് കു​മാ​ർ സാ​നു​വു​മാ​യു​ള്ള ത​ന്‍റെ പ​ഴ​യ​കാ​ല ബ​ന്ധ​ത്തെ​ക്കു​റി​ച്ച് കുനിക്ക വീ​ണ്ടും സം​സാ​രി​ച്ച​ത്. എ​ന്നാ​ൽ ആ​രെ​യെ​ങ്കി​ലും അ​പ​മാ​നി​ക്കാ​ന​ല്ല, മ​റി​ച്ച് ജീ​വി​ത​ത്തി​ലെ അ​തി​ർ​വ​ര​മ്പു​ക​ളെ​ക്കു​റി​ച്ച് സ​ഹ​മ​ത്സ​രാ​ർ​ഥി​ക​ളെ ബോ​ധ്യ​പ്പെ​ടു​ത്താ​നാ​ണ് ത​ന്‍റെ അ​നു​ഭ​വം പ​ങ്കുവ​ച്ച​തെ​ന്ന് അ​വ​ർ പി​ന്നീ​ടു വി​ശ​ദീ​ക​രി​ച്ചു. ത​ക​ർ​ന്ന വി​വാ​ഹ​വും വൈ​കാ​രി​ക പ്ര​തി​സ​ന്ധി​ക​ളും നേ​രി​ടു​ന്ന ഘ​ട്ട​ത്തി​ലാ​ണ് സാ​നുജി​യു​മാ​യി അ​ടു​പ്പ​ത്തി​ലാ​യ​തെ​ന്നും ആ ​ബ​ന്ധ​ത്തി​ൽ ത​നി​ക്ക് യാ​തൊ​രു കു​റ്റ​ബോ​ധ​വു​മി​ല്ലെ​ന്നും കുനിക്ക പ​റ​ഞ്ഞിരുന്നു.

നേരത്തെ ന​ൽ​കി​യ അ​ഭി​മു​ഖ​ത്തി​ൽ തന്‍റെയും കു​മാ​ർ സാ​നു​വിന്‍റെ​യും ബ​ന്ധ​ത്തെ​ക്കു​റി​ച്ച് കുനിക്ക വി​ശ​ദ​മാ​യി സം​സാ​രി​ച്ചി​രു​ന്നു. ഊ​ട്ടി​യി​ൽ വ​ച്ചു​ള്ള ഒ​രു അ​പ്ര​തീ​ക്ഷി​ത കൂ​ടി​ക്കാ​ഴ്ച​യാ​ണ് ആ​റ് വ​ർ​ഷം നീ​ണ്ട ബ​ന്ധ​ത്തി​നു തു​ട​ക്ക​മി​ട്ട​ത്. കു​മാ​ർസാ​നു ക​ടു​ത്ത വി​ഷാ​ദ​ത്തി​ലൂ​ടെ ക​ട​ന്നു​പോ​യി​രു​ന്ന സ​മ​യ​ത്ത് വ​ലി​യ വൈ​കാ​രി​ക പി​ന്തു​ണ നൽകിയെന്നും കുനിക്ക തുറന്നുപറഞ്ഞിരുന്നു. ത​ങ്ങ​ൾ ദന്പതികളെപ്പോലെയാണു ക​ഴി​ഞ്ഞി​രു​ന്ന​തെ​ന്നും കുനിക്ക വെളിപ്പെടത്തിയിരുന്നു. എ​ന്നാ​ൽ, കു​മാ​ർ സാ​നു​വിന്‍റെ അ​ന്ന​ത്തെ ഭാ​ര്യ റീ​ത്ത ഭ​ട്ടാ​ചാ​ര്യ ഈ ​ബ​ന്ധം അ​റി​ഞ്ഞ​തോ​ടെ കാ​ര്യ​ങ്ങ​ൾ സ​ങ്കീ​ർണ​മാ​യി. കുനിക്ക-കുമാർസാനു ബന്ധം വലിയ വിവാദങ്ങളിലേക്കു വഴിവച്ചതിനെത്തുടർന്നാണ് ഇ​രു​വരും വേ​ർ​പി​രി​ഞ്ഞത്.