വമ്പൻ ക്രൂവുമായി മോഹൻലാൽ- തരുൺ മൂർത്തി- ആഷിഖ് ഉസ്മാൻ ചിത്രത്തിന് നാളെ തുടക്കം

മലയാള സിനിമയിലെ വമ്പൻ വിജയമായിരുന്ന തുടരും എന്ന ചിത്രത്തിനു ശേഷം അടുത്ത മോഹൻലാൽ- തരുൺ മൂർത്തി ചിത്രത്തിന് വെള്ളിയാഴ്ച തുടക്കം. L366 എന്ന് താത്കാലികമായി പേരിട്ട ചിത്രത്തിന്റെ അണിയറ പ്രവർത്തകർ ആരൊക്കെയാണെന്ന് കണ്ട് ഞെട്ടിയിരിക്കുകയാണ് ആരാധകർ. തുടരും സിനിമയിലെ പല അണിയറ പ്രവർത്തകരും ഈ സിനിമയിലും തുടരും. ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ആദ്യമായി എത്തുന്ന മോഹൻലാൽ ചിത്രവും ഇതായിരിക്കും. തൊടുപുഴയാണ് പ്രധാന ലൊക്കേഷൻ

ചിത്രത്തിന്റെ തിരക്കഥ ഒരുക്കുന്നത് രതീഷ് രവി ആണ്, തുടരും ഉൾപ്പെടെ മോഹൻലാലിന്റെ സൂപ്പർഹിറ്റ് സിനിമകൾക്ക് ക്യാമറ ചലിപ്പിച്ച ഷാജി കുമാറാണ് ഛായാഗ്രഹണം നിർവഹിക്കുന്നത്. സംഗീതം ജേക്‌സ് ബിജോയ്, സഹസംവിധാനം- ബിനു പപ്പു, എഡിറ്റിങ്- വിവേക് ഹര്‍ഷന്‍, സൗണ്ട് ഡിസൈൻ- വിഷ്ണു ഗോവിന്ദ്, ആർട്ട്‌ ഡയറക്ടർ- ഗോകുല്‍ദാസ്, കോസ്റ്റ്യൂം- മഷര്‍ ഹംസ, മേക്കപ്പ്- റോണെക്‌സ് സേവ്യര്‍,പ്രൊഡക്ഷൻ കൺട്രോളർ- സുധര്‍മന്‍ വള്ളിക്കുന്ന്.

ഷൂട്ടിങ് പൂർത്തിയാക്കി പോസ്റ്റ് പ്രൊഡക്ഷൻ നടന്നുകൊണ്ടിരിക്കുന്ന ആഷിഖ് ഉസ്മാൻ ചിത്രമായ മോളിവുഡ് ടൈംസിനു ശേഷം വരുന്ന ചിത്രം ഇതായിരുന്നു., ദൃശ്യം 3 ക്ക് ശേഷം ചിത്രീകരണം ആരംഭിക്കുന്ന മോഹൻലാൽ ചിത്രവും ഇതായിരിക്കും.