എൺപതുകളുടെ ആഘോഷത്തിനിടെ 'റിയൽ ഒജി' ട്രെൻഡി ഫോട്ടോയുമായി ഷിബു ബേബി ജോൺ

എൺപതുകളിലെ റെട്രോ ചിത്രങ്ങൾ ആണ് ഇപ്പോൾ ഇൻസ്റ്റ​ഗ്രാമിലും ഫേസ്ബുക്കിലും നിറയെ. ചാറ്റ് ജിപിടിയോടെ സഹായത്തോടെ നിർമിച്ച സ്വന്തം ചിത്രങ്ങൾ കൊണ്ട് എൺപതുകളെ ആഘോഷിക്കുകയാണ് എല്ലാവരും. അതിനിടെ മോഹൻലാലിനൊപ്പമുള്ള പഴയ ഒരു ഒറിജിനൽ ചിത്രവുമായി വന്ന് സോഷ്യൽമീഡിയയെ ഞെട്ടിച്ചിരിക്കുകയാണ് വനം മന്ത്രി ഷിബു ബേബി ജോൺ.

എന്നാൽ എയ്റ്റീസ് ട്രെൻഡ് അല്ല, തൊണ്ണൂറുകളിലെ ഒറിജിനിൽ ചിത്രമാണെന്ന ക്യാപ്ഷനോടെയാണ് ഷിബു ബേബി ജോൺ ചിത്രം പങ്കുവച്ചിരിക്കുന്നത്. 'ട്രെൻഡിനൊപ്പം നീങ്ങാൻ ഞങ്ങൾക്ക് എഐ യ്ക്ക് പുറകേ പോകേണ്ട കാര്യമില്ല..ഞാനും ലാലുമൊക്കെ അന്നേ ട്രെൻഡിയാ.. ഇതാ ഒരു റിയൽ 90's ട്രെൻഡ്'- ഫോട്ടോ പങ്കുവച്ച് മന്ത്രി കുറിച്ചു. കാ​ല​ങ്ങ​ളാ​യു​ള്ള ബ​ന്ധ​വും പ​ര​സ്പ​ര ബ​ഹു​മാ​ന​വും പ്ര​തി​ഫ​ലി​ക്കു​ന്ന ചി​ത്ര​ങ്ങ​ൾ വൈ​റ​ലാ​യ​തോ​ടെ നി​ര​വ​ധി​യാ​ളു​ക​ളാ​ണ് പോ​സ്റ്റി​ന് താ​ഴെ ആ​ശം​സ​ക​ളു​മാ​യി എ​ത്തു​ന്ന​ത്.

വിന്റേജ് മോഹൻലാലിനെയാണ് ഫോട്ടോയിൽ കാണാനാകുന്നത്. 'പക്ഷേ', 'ഉള്ളടക്കം', 'മണിച്ചിത്രത്താഴ്' തുടങ്ങിയ സിനിമകളിൽ കണ്ട കണ്ണടവച്ച ലാലിന്റെ അതേഛായ. റെട്രോ ഫോട്ടോപ്രളയത്തിനിടെ ഇതൊരു 'റിയൽ ഒജി' ഫോട്ടോയാണെന്നാണ് ലാൽ ആരാധകർ പറയുന്നത്.

മോഹൻലാലുമായി വർഷങ്ങളായി ആത്മബന്ധം സൂക്ഷിക്കുന്നയാളാണ് ഷിബു ബേബി ജോൺ. ഇരുവരും ത​മ്മി​ലു​ള്ള ഊ​ഷ്മ​ള​മാ​യ സൗ​ഹൃ​ദത്തിന്‍റെ 'കളർടോണി'ലാണ് ഇ​പ്പോ​ൾ സ​മൂ​ഹ മാ​ധ്യ​മ​ങ്ങ​ളി​ൽ ആ​രാ​ധ​ക​രു​ടെ ശ്ര​ദ്ധ ക​വ​രു​ന്ന​ ചിത്രം.

മോഹൻലാൽ നായകനായ ലി​ജോ ജോ​സ് പെ​ല്ലി​ശേരി ചി​ത്രം 'മ​ലൈ​ക്കോ​ട്ടൈ വാ​ലി​ബ​ൻ' നി​ർ​മി​ച്ചത് ജോ​ൺ മേ​രി ക്രി​യേ​റ്റീ​വ്സി​ന്‍റ ബാ​ന​റിൽ ഷി​ബു ബേ​ബി ജോ​ൺ ആണ്. ദി​ലീ​ഷ് പോ​ത്ത​ൻ സം​വി​ധാ​നം ചെ​യ്യു​ന്ന മോഹൻലാൽചിത്രം നെടുങ്കണ്ടം മിറാക്കിൾ നിർമിക്കുന്നത് മന്ത്രിയുടെ മകൻ അച്ചു ബേബി ജോൺ ആണ്.