'വവ്വാലി'ലേക്ക് ലെവിൻ സൈമൺ ജോസഫും

യുവതാരം ലെവിൻ സൈമൺ ജോസഫ് 'വവ്വാൽ' എന്ന ചിത്രത്തിലേക്ക്. ഈ സിനിമയിലെ ആദ്യ മലയാളി സാന്നിധ്യവുമാണ് ലെവിൻ. ലെവിൻ സൈമണിന്റെ എട്ടാമത്തെ ചിത്രമാണ് 'വവ്വാൽ'. ഇത് വരെ കാണാത്ത,പ്രേക്ഷകർ ആഗ്രഹിക്കുന്ന 'ഒന്ന് ' അതെന്തായാലും ഇതിൽ സംഭവിക്കും എന്നാണ് പോസ്റ്റർ പുറത്തുവിട്ടുകൊണ്ട് അണിയറപ്രവർത്തകർ പറയുന്നത്.

ഓൺഡിമാൻഡ്‌സ് പ്രൊഡക്ഷൻസിന്റെ ബാനറിൽ ഷഹ്‌മോന്‍ ബി. പറേലില്‍ സംവിധാനം ചെയ്യുന്ന രണ്ടാമത്തെ ചിത്രമായ 'വവ്വാലി'ൽ മറ്റു പ്രമുഖ താരങ്ങളും അഭിനയിക്കുന്നു. മനോജ് എം.ജെ ഛായാഗ്രഹണം നിർവ്വഹിക്കുന്നു. സംഗീതം-ജോൺസൺ പീറ്റർ,എഡിറ്റർ-ഫാസിൽ പി ഷാമോൻ, പ്രൊഡക്ഷൻ ഡിസൈനർ-ജോസഫ് നെല്ലിക്കൽ, മേക്കപ്പ്-സന്തോഷ് വെൺപകൽ, വസ്ത്രാലങ്കാരം-ഭക്തൻ മങ്ങാട്, സ്റ്റിൽസ്-രാഹുൽ തങ്കച്ചൻ,പരസ്യകല-കോളിൻസ് ലിയോഫിൽ, ചീഫ് അസോസിയേറ്റ് ഡയറക്ടർ-ആഷിഖ് ദിൽജിത്ത്,പിആർഒ-എ.എസ് ദിനേശ്. താരനിർണ്ണയം പൂർത്തിയാകുന്ന സിനിമയുടെ ചിത്രീകരണം ഉടൻ ആരംഭിക്കും.