കെ.ജി.ജോർജ് സിനിമാറ്റിക് അവാർഡുകൾ സമ്മാനിച്ചു

വിഖ്യാത സംവിധായകൻ കെ.ജി.ജോർജിന്റെ സ്മരണയ്ക്കായി ഏർപ്പെടുത്തിയ കെ.ജി.ജോർജ് സിനിമാറ്റിക് അവാർഡുകൾ സമ്മാനിച്ചു. വിവിധ വിഭാ​ഗങ്ങളിലായി അഭിനേതാക്കളും അണിയറ പ്രവർത്തകരും പുരസ്കാരങ്ങൾ സ്വീകരിച്ചു. അഭിനേതാക്കളായ ബാലു വർ​ഗീസ്,നിരഞ്ജ് മണിയൻ പിള്ള,ദേവനന്ദ,ബോബി കുര്യൻ,ആൻ മെർലറ്റ്,​​ഗൗരി കിഷൻ,സംവിധായകരായ ജിസ് ജോയ്,അമൽ കെ.ജോയ്,മനു രാധാകൃഷ്ണൻ,കൃഷ്ണദാസ് മുരളി,ടി.വി.രഞ്ജിത് തുടങ്ങിയവരാണ് പുരസ്കാരങ്ങൾ ഏറ്റുവാങ്ങിയത്.

ഗുമസ്ഥൻ,​ഗു,തലൻ,പല്ലൊട്ടി 90 കിഡ്സ്,ഒരു ഭാരത സർക്കാർ ഉത്പന്നം,ഭരതനാട്യം,പണി എന്നീ സിനിമകൾ വിവിധ വിഭാ​ഗങ്ങളിൽ അവാർഡിന് അർഹമായി.

കെ.ജി.ജോർജിന്റെ മകൾ താരാ കെ.ജോർജിന്റെ നേതൃത്വത്തിൽ അറോറ ഫിലിം കമ്പനിയുമായി ചേർന്നാണ് അവാർഡ് വിതരണച്ചടങ്ങ് സംഘടിപ്പിച്ചത്. ഇവിഎം സ്കോഡ ആയിരുന്നു സ്പോൺസർ. സീ കേരളം ചാനൽ പാർട്ണറും. നടൻ കൈലാഷ് ആയിരുന്നു അവതാരകൻ.