50 കോ​ടി തി​ള​ക്ക​ത്തി​ൽ സൈജു കുറുപ്പിന്‍റെ 'മോ​ഹി​നിയാ​ട്ടം'

തി​​യേറ്റ​റു​ക​ളെ ചിരിപ്പറമ്പാക്കിയ സൈ​ജു കു​റു​പ്പി​ന്‍റെ "ഭ​ര​ത​നാ​ട്യം 2: മോ​ഹി​നി​യാ​ട്ടം' ആ​ഗോ​ള​ത​ല​ത്തി​ൽ 50 കോ​ടി ക്ല​ബ്ബി​ൽ ഇ​ടം​പി​ടി​ച്ചു. സൈ​ജു കു​റു​പ്പി​ന്‍റെ ക​രി​യ​റി​ലെ ഏ​റ്റ​വും വ​ലി​യ വി​ജ​യ​ങ്ങ​ളി​ൽ ഒ​ന്നാ​യി ചിത്രം മാ​റി. തിയേ​റ്റ​റി​ലെ വ​മ്പ​ൻ വി​ജ​യ​ത്തിനു പി​ന്നാ​ലെ നെ​റ്റ്ഫ്ലി​ക്സി​ൽ എ​ത്തി​യ ചി​ത്രം അ​വി​ടെ​യും ച​രി​ത്രം കു​റി​ക്കു​ക​യാ​ണ്. സ്ട്രീ​മിങ് ആ​രം​ഭി​ച്ച് മണിക്കൂറുകൾക്കുള്ളിൽ ഇ​ന്ത്യ​യി​ലെ ട്രെ​ൻ​ഡിം​ഗ് ലി​സ്റ്റി​ൽ ഒ​ന്നാം സ്ഥാ​ന​ത്തെ​ത്താ​ൻ മോ​ഹി​നി​യാട്ട​ത്തി​നു കഴിഞ്ഞു. ഒ​ടി​ടി പ്രേ​ക്ഷ​ക​ർ​ക്കി​ട​യി​ലും ചി​ത്ര​ത്തി​നു മി​ക​ച്ച പ്രതികരണമാണു ലഭിക്കുന്നത്.

സൈ​ജു കു​റു​പ്പിന്‍റെ അ​ഭി​ന​യ ജീ​വി​ത​ത്തി​ലെ 150-ാമ​ത്തെ ചി​ത്രം എ​ന്ന സ​വി​ശേ​ഷ​ത​യും ഇ​തി​നു​ണ്ട്. സൈ​ജു​വും സു​രാ​ജ് വെ​ഞ്ഞാ​റ​മൂ​ടും സ്ക്രീ​നി​ൽ ഒ​ന്നി​ച്ചെ​ത്തി​യ​പ്പോ​ഴു​ള്ള കെ​മി​സ്ട്രി​യാ​ണ് സി​നി​മ​യു​ടെ ന​ട്ടെ​ല്ല്. ആ​ദ്യ ഭാ​ഗ​ത്തെ​ക്കാ​ൾ മി​ക​ച്ച തി​ര​ക്ക​ഥ​യും ആ​വി​ഷ്കാ​ര​വു​മാ​ണ് ര​ണ്ടാം ഭാ​ഗ​ത്തിന്‍റേതെ​ന്ന് പ്രേ​ക്ഷ​ക​ർ ഒ​ന്ന​ട​ങ്കം സാ​ക്ഷ്യ​പ്പെ​ടു​ത്തു​ന്നു.

കൃ​ഷ്ണ​ദാ​സ് മു​ര​ളി​യു​ടെ സം​വി​ധാ​ന മി​ക​വി​ൽ ഒ​രു​ങ്ങി​യ ചി​ത്ര​ത്തി​ൽ ജ​ഗ​ദീ​ഷ്, വി​ന​യ് ഫോ​ർ​ട്ട്, ക​മ​ലാ​ര​ഞ്ജി​നി തു​ട​ങ്ങി​യ വ​ലി​യൊ​രു നി​ര ത​ന്നെ​യു​ണ്ട്. തോ​മ​സ് തി​രു​വ​ല്ല ഫി​ലിം​സും സൈ​ജു കു​റു​പ്പ് എ​ന്‍റ​ർ​ടെയ്ൻ​മെന്‍റ്സും ചേ​ർ​ന്നാണു ചി​ത്രം നി​ർ​മിച്ചി​രി​ക്കു​ന്ന​ത്. ലി​നി മ​റി​യം ഡേ​വി​ഡ്, അ​നു​പ​മ ബി. ​ന​മ്പ്യാ​ർ എ​ന്നി​വ​രാ​ണ് നി​ർ​മാ​താ​ക്ക​ൾ.