രാത്രിയിലെ ആ കാഴ്ചയ്ക്ക് പിന്നിലെന്ത്? 'അവിഹിത'കഥ പറഞ്ഞ് ടീസർ

രാത്രിയിൽ കൂട്ടുകാരുമൊത്തുള്ള മദ്യപാനം കഴിഞ്ഞ് മടങ്ങുന്ന ചെറുപ്പക്കാരൻ. വീട്ടിലേക്കുള്ള വഴിയിൽ അയാൾ ഒരു കാഴ്ച കാണുന്നു. അതിന്റെ കഥയാണ് അവിഹിതം. ഉണ്ണി രാജ, രഞ്ജിത്ത് കങ്കോൽ എന്നിവരെ പ്രധാന കഥാപാത്രങ്ങളാക്കി സെന്ന ഹെഗ്ഡെ സംവിധാനം ചെയ്യുന്ന 'അവിഹിതം' എന്ന ചിത്രത്തിന്‍റെ ടീസർ തന്നെ ചിത്രത്തിന്റെ കഥാതന്തുവിനെക്കുറിച്ച് വ്യക്തമായ സൂചന നല്കുന്നു. പൃഥ്വിരാജ്,ഫഹദ് ഫാസിൽ എന്നിവരുടെ സോഷ്യൽ മീഡിയ അക്കൗണ്ടിലൂടെയായിരുന്നു ടീസർ റിലീസ്.

ചിത്രത്തിന്റെ ടൈറ്റിൽ പോസ്റ്റർ നേരത്തെ റിലീസായിരുന്നു. NOT JUST A MAN’S RIGHT എന്ന ടാഗ് ലൈനോടെ അവതരിപ്പിക്കുന്ന ചിത്രത്തിന്‍റെ തിരക്കഥ, സംഭാഷണം അംബരീഷ് കളത്തറ, സെന്ന ഹെഗ്ഡെ എന്നിവർ ചേർന്ന് എഴുതുന്നു. ഇ-ഫോർ എക്സ്പിരിമെന്‍റ്സ്, ഇമാജിൻ സിനിമാസ്, മാരുതി ടാക്കീസ് (മുകിൽ)എന്നീ ബാനറിൽ മുകേഷ് ആർ മേത്ത, ഹാരിസ് ദേശം, പി.ബി. അനീഷ്, സി.വി സാരഥി, സെന്ന ഹെഗ്ഡെ എന്നിവർ ചേർന്നാണ് ചിത്രം നിർമിക്കുന്നത്. 'തിങ്കളാഴ്ച നിശ്ചയ'ത്തിലൂടെ ശ്രദ്ധേയനായ സെന്ന ഹെ​ഗ്ഡേ കാഞ്ഞങ്ങാടിന്റെ പശ്ചാത്തലത്തിലാണ് ഇത്തവണയും ചിത്രമൊരുക്കുന്നത്.

ഛായാഗ്രഹണം- ശ്രീരാജ് രവീന്ദ്രൻ, രമേഷ് മാത്യൂസ്, ക്രിയേറ്റീവ് ഡയറക്ടർ- ശ്രീരാജ് രവീന്ദ്രൻ, എഡിറ്റർ- സനാത് ശിവരാജ്, സംഗീതം- ശ്രീരാഗ് സജി, എക്സിക്യൂട്ടീവ് പ്രൊഡ്യൂസർ- സുധീഷ് ഗോപിനാഥ്, കല- കൃപേഷ് അയ്യപ്പൻകുട്ടി. ലൈൻ പ്രൊഡ്യൂസർ- ശങ്കർ ലോഹിതാക്ഷൻ, കോസ്റ്റ്യൂം ഡിസൈൻ- മനു മാധവ്, മേക്കപ്പ്- രഞ്ജിത്ത് മനാലിപ്പറമ്പിൽ, സൗണ്ട് ഡിസൈൻ- രാഹുൽ ജോസഫ്, സേഥ് എം ജേക്കബ്, വിതരണം- ഇ ഫോർ എക്സ്പിരിമെന്‍റ്സ്