യക്ഷിക്കഥ പറയുന്ന 'അമാനുഷികം' പൂർത്തിയായി,ആ​ഗസ്റ്റിൽ റിലീസ്

നമോ പിക്ചേഴ്സിന്റെ ബാനറിൽ നിതീഷ് കെ നായർ സംവിധാനം ചെയ്യുന്ന 'അമാനുഷികം' എന്ന ചിത്രത്തിന്റെ ചിത്രീകരണം തൃശ്ശൂരിൽ പൂർത്തിയായി. 'പോക്കിരി രാജ', 'കാണ്ഡഹാർ','ഭാസ്കർ ദി റാസ്കൽ' തുടങ്ങി ഏതാനും ചിത്രങ്ങളിലൂടെ ശ്രദ്ധേയനായ ജോമോൻ ജോഷി നായകനാവുന്നു. ഒരു യക്ഷിയുടെ പേരിൽ അറിയപ്പെടുന്ന ഗ്രാമത്തിൽ കാലങ്ങളായി യക്ഷിയെ തളച്ച ആണി ആരോ ഊരുന്നത് മൂലം ആ ഗ്രാമത്തിൽ സംജാതമാകുന്ന കോലഹലങ്ങൾ ഒരു മുഴുനീളെ കോമഡിയിൽ ദൃശ്യവത്കരിക്കുന്ന ചിത്രമാണ് 'അമാനുഷികം'.

കിരൺ രാജ്,ഡോ.രജിത് കുമാർ,കുളപ്പുള്ളി ലീല,കുടശ്ശനാട് കനകം,നന്ദ കിഷോർ, കോബ്ര രാജേഷ്, രേണു സുധി,ഗിരീഷ് പെരിഞ്ചേരി, കൃഷ്ണകുമാർ, സനിൽ മട്ടന്നൂർ, പ്രവീൺ ചാലക്കുടി, റാഫി,സോണി അട്ടച്ചാക്കൽ,രാഹുൽ മണ്ണർകാട്,മനോജ് മഹാദേവ്,അജിത്ത് ചേർത്തല,രാമകൃഷ്ണൻ തുടങ്ങിയവരും അഭിനയിക്കുന്നു.

തിരക്കഥ സംഭാഷണം- സുധീഷ് പെരുമ്പള്ളി,ഛായാഗ്രഹണം- ബിൻസീർ, സംഗീതം-റെജൻ രഘു,ഗാനരചന-അഖിൽ പൊന്നപ്പൻ,എഡിറ്റർ-ആശിഷ് ശിവൻ, ചീഫ് അസോസിയേറ്റ് ഡയറക്ടർ-സന്ദീപ് പട്ടാമ്പി, അസോസിയേറ്റ് ഡയറക്ടർ-നന്ദു ജി നായർ,അസിസ്റ്റൻ്റ് ഡയറക്ടർ-അച്ചു രാജഗോപാൽ, മേക്കപ്പ്-കൃഷ്ണൻ പെരുമ്പാവൂർ,കല-ജയൻ നെല്ലങ്കര, വസ്ത്രാലങ്കാരം- സഞ്ജയ് മാവേലി, പ്രൊഡക്ഷൻ കൺട്രോളർ-മനോജ് മഹാദേവ്, പ്രൊഡക്ഷൻ മാനേജർ-പ്രവീൺ ചാലക്കുടി,സ്റ്റിൽസ്-സോണി മാത്യു, ഡിസൈനിങ്- ബൈജു ബാലകൃഷ്ണൻ. ഹൊറർ-കോമഡി ചിത്രമായ 'അമാനുഷികം' ആഗസ്റ്റിൽ തിയേറ്ററുകളിൽ എത്തും.