- Industry NewsIndustry News
- Exclusives
- Specials
- Premium
- Reviews
- OTT
- Padam Feed
- Music
സൂപ്പര്ഹീറോ പ്രേമികളുടെ നെഞ്ചകം കീഴടക്കി ടോം ഹോളണ്ട് ചിത്രം 'സ്പൈഡര്മാന്: ബ്രാന്ഡ് ന്യൂ ഡേ' ഇന്ത്യന് ബോക്സ് ഓഫീസില് അഭൂതപൂര്വമായ ചരിത്രവിജയം കുറിച്ച് മുന്നേറുന്നു. റിലീസ് ചെയ്ത് വെറും 12 ദിവസങ്ങള് കൊണ്ട് ഇന്ത്യയില് നിന്ന് മാത്രം 500 കോടി രൂപ ഗ്രോസ് കളക്ഷന് നേടുന്ന ആദ്യ ഹോളിവുഡ് ചിത്രമെന്ന റെക്കോര്ഡാണ് ഈ മാര്വല് ചിത്രം സ്വന്തമാക്കിയത്.
ജൂലായ് 30-ന് തിയേറ്ററുകളിലെത്തിയ ചിത്രം ആദ്യ രണ്ട് ദിവസത്തിനുള്ളില് 100 കോടിയും, എട്ടാം ദിനത്തില് 400 കോടിയും പിന്നിട്ടിരുന്നു. തുടര്ന്നുള്ള രണ്ടാം വാരാന്ത്യത്തിലെ തകര്പ്പന് മുന്നേറ്റത്തോടെയാണ് ഇന്ത്യയിലെ കളക്ഷന് 500 കോടി കടന്നത്. ഇംഗ്ലീഷിന് പുറമെ ഹിന്ദി, തമിഴ്, തെലുങ്ക്, മലയാളം, കന്നഡ എന്നീ ഭാഷകളില് ഒരേസമയം റിലീസ് ചെയ്തതാണ് ചിത്രത്തിന് ഇന്ത്യയൊട്ടാകെ വന് ജനപ്രീതി നേടിക്കൊടുത്തത്.
ആഗോളതലത്തിലും തിയേറ്ററുകളെ ഇളക്കിമറിക്കുന്ന കുതിപ്പാണ് ചിത്രം നടത്തുന്നത്. ഇതുവരെ 1.67 ബില്യണ് ഡോളറിലധികം കളക്ഷന് നേടിയ ചിത്രം വളരെ വേഗത്തില് രണ്ട് ബില്യണ് ഡോളര് തികയ്ക്കുമെന്നാണ് ബോക്സ് ഓഫീസ് പ്രവചനങ്ങള്.
ഡെസ്റ്റിന് ഡാനിയല് ക്രെറ്റണ് സംവിധാനം ചെയ്ത ചിത്രത്തില് ടോം ഹോളണ്ടിനൊപ്പം സെന്ഡയ, ജേക്കബ് ബാറ്റലോണ്, ജോണ് ബെര്ന്താള്, ഫ്ലോറന്സ് പ്യൂ, മരീസ ടോമൈ, മാര്ക്ക് റഫലോ തുടങ്ങിയ വന് താരനിരയാണ് അണിനിരന്നിരിക്കുന്നത്. ഡോ. സ്ട്രേഞ്ചിന്റെ മന്ത്രവാദത്തിനുശേഷം പീറ്റര് പാര്ക്കറെ ലോകം മറന്നുപോകുന്ന കഥാപശ്ചാത്തലത്തില് നിന്നും ആരംഭിക്കുന്ന ചിത്രം പ്രേക്ഷകര്ക്ക് സമ്മാനിക്കുന്നത് വേറിട്ടൊരു ബിഗ് സ്ക്രീന് അനുഭവം തന്നെയാണ്.