'ഇന്നും ഡ​യ​ലോ​​ഗ് മ​റ​ക്കുമോ എ​ന്നു പേ​ടി​ക്കു​ന്ന ​പ​ഴ​യ പെ​ൺ​കു​ട്ടിയാണ് ഞാൻ'

സി​നി​മ ഒ​രു സ്വ​പ്ന​മാ​യി​രു​ന്നി​ല്ല റാ​ണി മുഖർജിക്ക്. യാ​ദൃ​ച്ഛി​ക​മാ​യി ക്യാ​മ​റ​യ്ക്കു മു​ന്നി​ലെ​ത്തി​യ ആ ​പെ​ൺ​കു​ട്ടി ഇ​ന്ന് ഇ​ന്ത്യ​ൻ സി​നി​മ​യി​ലെ പ​ക​രംവയ്ക്കാനില്ലാത്ത അഭിനേത്രിയായി മാ​റി​ക്ക​ഴി​ഞ്ഞു. തന്‍റെ സി​നി​മാ ജീ​വി​ത​ത്തി​ന്‍റെ മു​പ്പ​താം വ​ർ​ഷ​ത്തി​ൽ 'മ​ർ​ദാ​നി 3' യു​മാ​യി എ​ത്തു​മ്പോ​ൾ, ഏറെ പറയാനുണ്ട് ബോളിവുഡ് സൂപ്പർ താരത്തിന്.

1997-ൽ 'രാ​ജാ കി ​ആ​യേ​ഗി ബാ​രാ​ത്ത്' എ​ന്ന ചി​ത്ര​ത്തി​ലൂ​ടെ​യാ​യി​രു​ന്നു റാ​ണി മു​ഖ​ർ​ജി​യു​ടെ അ​ര​ങ്ങേ​റ്റം. മൂന്നു പ​തി​റ്റാ​ണ്ടു​ക​ൾ​ക്കി​പ്പു​റം തി​രി​ഞ്ഞു നോ​ക്കു​മ്പോ​ൾ റാ​ണി​ക്കു പ​റ​യാ​നു​ള്ള​ത് ഒ​ന്നേ​യു​ള്ളൂ: 'മു​പ്പ​ത് വ​ർ​ഷം മു​മ്പ് സെ​റ്റി​ലേ​ക്ക് ന​ട​ന്നു ക​യ​റു​മ്പോ​ൾ വ​ലി​യ ന​ടി ആ​ക​ണ​മെ​ന്ന മോ​ഹ​മൊ​ന്നും എ​നി​ക്കു​ണ്ടാ​യി​രു​ന്നി​ല്ല. ഇ​ന്നും ക്യാ​മ​റ​യ്ക്ക് മു​ന്നി​ൽ നി​ൽ​ക്കു​മ്പോ​ൾ ഡ​യ​ലോ​ഗു​ക​ൾ മ​റ​ന്നു​പോ​കു​മോ എ​ന്നു പേ​ടി​ക്കു​ന്ന ആ ​പ​ഴ​യ പെ​ൺ​കു​ട്ടി ത​ന്നെ​യാ​ണു ഞാ​ൻ...'

ബ്ലാ​ക്ക്, സാ​ഥി​യ, ബ​ണ്ടി ഔ​ർ ബ​ബ്ലി, നോ ​വ​ൺ കി​ൽ​ഡ് ജെ​സീ​ക്ക തു​ട​ങ്ങി​യവ റാ​ണി​യു​ടെ ജീ​വി​ത​ത്തെ​യും ക​രി​യ​റി​നെ​യും സ്വാ​ധീ​നി​ച്ച സിനിമകളാണ്. സി​നി​മ എ​ന്ന​ത് വെ​റും ഗ്ലാ​മ​റ​ല്ല, മ​റി​ച്ച് സ​മൂ​ഹ​ത്തോ​ടു​ള്ള ഉ​ത്ത​ര​വാ​ദി​ത്ത​മാ​ണെ​ന്ന് ഈ ​ചി​ത്ര​ങ്ങ​ൾ ത​ന്നെ പ​ഠി​പ്പി​ച്ചു​വെ​ന്ന് താ​രം വി​ശ്വ​സി​ക്കു​ന്നു. അ​മ്മ​യാ​യ​തി​നു ശേ​ഷം, താൻ സെലക്ടീവ് ആയെന്നും റാണി പറഞ്ഞു. ഹി​ച്ച്കി, നാ​ഷ​ണ​ൽ അ​വാ​ർ​ഡ് നേ​ടി​ക്കൊ​ടു​ത്ത മി​സി​സ് ചാ​റ്റ​ർ​ജി വേ​ഴ്സ​സ് നോ​ർ​വേ എ​ന്നീ ചി​ത്ര​ങ്ങ​ൾ ഈ ​മാ​റ്റ​ത്തിന്‍റെ ഉ​ദാ​ഹ​ര​ണ​ങ്ങ​ളാ​ണ്. വി​കാ​ര​ങ്ങ​ൾ​ക്കും സ​ത്യ​സ​ന്ധ​ത​യ്ക്കും അ​തി​രു​ക​ളി​ല്ലെ​ന്ന് ഈ ​ചി​ത്ര​ങ്ങ​ൾ ലോ​ക​ത്തി​ന് കാ​ട്ടി​ക്കൊ​ടു​ത്തു.

ജ​നു​വ​രി 30-ന് ​പു​റ​ത്തി​റ​ങ്ങു​ന്ന 'മ​ർ​ദാ​നി 3' റാ​ണി​യെ സം​ബ​ന്ധി​ച്ചി​ട​ത്തോ​ളം കേ​വ​ലം ഒ​രു സി​നി​മ​യ​ല്ല, അ​തൊ​രു നി​യോ​ഗ​മാ​ണ്. ഇ​ന്ത്യ​ൻ സി​നി​മ​യി​ലെ ഏ​റ്റ​വും വ​ലി​യ ഫീ​മെ​യി​ൽ ലീ​ഡ് ഫ്രാ​ഞ്ചൈ​സി​യാ​യ മ​ർ​ദാ​നി​യി​ലെ ധീ​ര​യാ​യ പോ​ലീ​സ് ഓ​ഫീ​സ​ർ ശി​വാ​നി ശി​വ​ജി റോ​യ് വീ​ണ്ടും എ​ത്തു​മ്പോ​ൾ ആ​രാ​ധ​ക​ർ വ​ലി​യ പ്ര​തീ​ക്ഷ​യി​ലാ​ണ്. ആ​ദി​ത്യ ചോ​പ്ര നി​ർ​മിച്ച് അ​ഭി​രാ​ജ് മി​നാ​വാ​ല സം​വി​ധാ​നം ചെ​യ്യു​ന്ന മൂ​ന്നാം ഭാ​ഗം സ​മൂ​ഹ​ത്തി​ലെ ക്രൂ​ര​മാ​യ ചി​ല യാ​ഥാ​ർ​ഥ്യ​ങ്ങ​ളെ​യാ​ണ് തു​റ​ന്നു​കാ​ട്ടു​ന്ന​ത്.

പ​രാ​ജ​യ​ങ്ങ​ളെ​യും വി​ജ​യ​ങ്ങ​ളെ​യും ഒ​രു​പോ​ലെ സ്വീ​ക​രി​ച്ച റാ​ണി മു​ഖ​ർ​ജി തന്‍റെ മു​പ്പ​താം വ​ർ​ഷ​ത്തി​ലും പ്രേ​ക്ഷ​ക​രോ​ട് ക​ട​പ്പെ​ട്ടി​രി​ക്കു​ന്നു. 'നി​ങ്ങ​ളി​ല്ലെ​ങ്കി​ൽ ഞാ​നി​ല്ല...' എ​ന്ന വാ​ച​ക​ത്തോ​ടെ ത​ന്‍റെ സി​നി​മായാ​ത്ര​യു​ടെ അ​ടു​ത്ത അ​ധ്യാ​യ​ത്തി​ലേ​ക്കു ക​ട​ക്കു​ക​യാ​ണ് ബോ​ളി​വു​ഡ് റാ​ണി.