'പുഷ്പ'യെ വീഴ്ത്താൽ രൺവീർ; സർവകാല റെക്കോഡിനരികെ 'ധുരന്ധർ 2'

ര​ൺ​വീ​ർ സിങ്ങിന്‍റെ ആ​ക്ഷ​ൻ പൂരം 'ധു​ര​ന്ധ​ർ 2' ഇ​ന്ത്യ​ൻ ബോ​ക്സ് ഓ​ഫീ​സി​ൽ ച​രി​ത്ര​നേ​ട്ട​ങ്ങ​ൾ കൊ​യ്യു​കയാണ്. റി​ലീ​സ് ചെ​യ്ത് 20 ദി​വ​സ​ങ്ങ​ൾ പി​ന്നി​ടു​മ്പോ​ൾ ഇ​ന്ത്യ​യി​ൽനിന്നു മാ​ത്രം 1,033.37 കോ​ടി രൂ​പ ചി​ത്രം സ്വ​ന്ത​മാ​ക്കി. ഇ​തോ​ടെ എ​സ്.​എ​സ്. രാ​ജ​മൗ​ലി​യു​ടെ 'ബാ​ഹു​ബ​ലി 2'-ന്‍റെ (1,030.42 ​കോ​ടി) ഇ​ന്ത്യ​ൻ ക​ള​ക്ഷ​നെ മ​റി​ക​ട​ക്കാ​ൻ ര​ൺ​വീ​ർ ചി​ത്ര​ത്തിനു സാ​ധി​ച്ചു. നി​ല​വി​ൽ ഇ​ന്ത്യ​യി​ൽ ഏ​റ്റ​വും കൂ​ടു​ത​ൽ ക​ള​ക്ഷ​ൻ നേ​ടി​യ ചി​ത്ര​മെ​ന്ന പ​ദ​വി​യി​ലേ​ക്ക് എ​ത്താ​ൻ 'ധു​ര​ന്ധ​ർ 2'-ന് ​ഇ​നി വെ​റും 200.63 കോ​ടി മതി.

അ​ല്ലു അ​ർ​ജു​ന്‍റെ 'പു​ഷ്പ 2' ഇ​ന്ത്യ​യി​ൽ നേ​ടി​യ 1,234.10 കോ​ടി രൂ​പ എ​ന്ന റെ​ക്കോ​ഡാ​ണ് ഇ​നി ധു​ര​ന്ധ​റി​ന് മു​ന്നി​ലു​ള്ള കടമ്പ. ഹി​ന്ദി ബെ​ൽ​റ്റി​ൽ പു​ഷ്പ​യ്ക്ക് തു​ല്യ​മാ​യ പ്ര​ക​ട​നം കാ​ഴ്ചവയ്​ക്കാ​ൻ ധു​ര​ന്ധ​റി​ന് സാ​ധി​ച്ചെ​ങ്കി​ലും ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ളി​ൽ പിന്നിലാണ്. വിദേശത്തും മി​ക​ച്ച പ്ര​ക​ട​ന​മാ​ണ് ചി​ത്രം കാ​ഴ്ചവയ്​ക്കു​ന്ന​ത്. വി​ദേ​ശ വി​പ​ണി​യി​ൽനി​ന്ന് ഇ​തു​വ​രെ 404 കോ​ടി രൂ​പ ചി​ത്രം നേ​ടി. ഇ​തോ​ടെ ലോ​ക​മെ​മ്പാ​ടു​മു​ള്ള ക​ള​ക്ഷ​ൻ 1,641.21 കോ​ടി രൂ​പ​യാ​യി ഉ​യ​ർ​ന്നു. റി​ലീ​സ് ചെ​യ്ത ആ​ദ്യ വാ​ര​ത്തി​ൽ ത​ന്നെ 674.17 കോ​ടി രൂ​പ നേ​ടി ചി​ത്രം വ​ലി​യ കു​തി​പ്പ് ന​ട​ത്തി​യി​രു​ന്നു. ര​ണ്ടാം വാ​ര​ത്തി​ൽ 263.65 കോ​ടി രൂ​പ​യും ചി​ത്രം സ്വ​ന്ത​മാ​ക്കി.

2025 ഡി​സം​ബ​റി​ൽ പു​റ​ത്തി​റ​ങ്ങി​യ 'ധു​ര​ന്ധ​ർ' ഒ​ന്നാം ഭാ​ഗ​ത്തിന്‍റെ ലൈ​ഫ് ടൈം ​ക​ള​ക്ഷ​ൻ വെ​റും പതിനൊന്നു ദി​വ​സം കൊ​ണ്ട് ര​ണ്ടാം ഭാ​ഗം മ​റി​ക​ട​ന്നി​രു​ന്നു. 'ധുരന്ധർ 2' ഇ​ന്ത്യ​ൻ സി​നി​മ​യി​ലെ സ​ർ​വ​കാ​ല റിക്കാർഡ് കരസ്ഥമാക്കുമോയെന്ന് വ​രും ദി​വ​സ​ങ്ങ​ളി​ൽ അറിയാം.