ധർമേന്ദ്ര ഓർമയാകുമ്പോൾ,ബാക്കിയായി ആ സൗഹൃദത്തിന്റെ കഥ

ധർമേന്ദ്രയും അമിതാഭ് ബച്ചനും
ധർമേന്ദ്രയും അമിതാഭ് ബച്ചനുംഫോട്ടോ-അറേഞ്ച്ഡ്
Published on

ധർമേന്ദ്ര ഇനി ഓർമകളുടെ തിരശ്ശീലയിൽ ജീവിക്കും. അഭ്രപാളികളിൽ ഈ ഇതിഹാസതാരം പകർന്നാടിയ വേഷങ്ങൾ തലമുറകളോളം നിലനിൽക്കും. രാജാക്കന്മാർ ധാരാളമുണ്ടായിട്ടുണ്ട് ബോളിവുഡിൽ, എന്നാൽ ഒരുകാലത്തെ ഇന്ത്യൻ വാണിജ്യസിനിമയുടെ ചക്രവർത്തിയായിരുന്നു ധർമേന്ദ്ര. 'ഷോലെ' എന്ന സിനിമയിലെ ധർമേന്ദ്രയുടെ 'വീരു'വും അമിതാഭ് ബച്ചന്‍റെ 'ജയ്'യും ഇന്ത്യൻ വെള്ളിത്തിരയിലെ അനശ്വരസൗഹൃദത്തിന്‍റെ പ്രതീകങ്ങളാണ്. ഷോലെ (1975) യുടെ അരനൂറ്റാണ്ട് (2025 ഓ​ഗ​സ്റ്റ് 15ന് ​ഷോ​ലെ​യ്ക്ക് 50 വ​യസ് തി​ക​ഞ്ഞു) പിന്നിട്ടപ്പോൾ, അന്നത്തെ ഓർമകളും സൗഹൃദങ്ങളുമെല്ലാം അദ്ദേഹം പറഞ്ഞിരുന്നു.

Must Read
'ഷോലെ'യില്‍ അഭിനയിക്കാന്‍ ആദ്യം ഞാന്‍ ആഗ്രഹിച്ചില്ല..'
ധർമേന്ദ്രയും അമിതാഭ് ബച്ചനും

ര​മേ​ശ് സി​പ്പി​യു​ടെ ഷോ​ലെ വെ​റു​മൊ​രു സി​നി​മ മാ​ത്ര​മാ​യി​രു​ന്നി​ല്ല. ഇ​ന്ത്യ​ൻ സി​നി​മ​യെ എ​ന്നെ​ന്നേ​ക്കു​മാ​യി രൂ​പ​പ്പെ​ടു​ത്തി​യ ഒ​രു വി​കാ​ര​മാ​യി​രു​ന്നു അ​ത്. സ​ലിം-​ജാ​വേ​ദ് എ​ഴു​തി​യ കഥ, നന്മനിറഞ്ഞ മനസുള്ള ര​ണ്ടു കു​റ്റ​വാ​ളി​ക​ളാ​യ ജ​യ്-വീ​രു എ​ന്നീ ഇ​തി​ഹാ​സ ജോ​ഡി​ക​ൾ​ക്ക് ജ​ന്മം ന​ൽ​കി. വീരു (ധർമേന്ദ്ര), ജയ് (ബച്ചൻ) സൗഹൃദം വെള്ളിത്തിരയ്ക്കുവേണ്ടി പറഞ്ഞുപഠിപ്പിച്ച സംഭാഷണങ്ങളിൽ ഒതുങ്ങുന്നതായിരുന്നില്ല. സക്രീ​നി​നും താരപ്പകിട്ടിനും അ​തീ​ത​മാ​യിരുന്നു താരരാജാക്കന്മാരുടെ സൗ​ഹൃ​ദം!

ധർമേന്ദ്രയും അമിതാഭ് ബച്ചനും
ധർമേന്ദ്രയും അമിതാഭ് ബച്ചനുംഫോട്ടോ-അറേഞ്ച്ഡ്

1975-ൽ ​ഷോ​ലെ റി​ലീ​സ് ചെ​യ്യു​ന്ന സ​മ​യ​ത്ത്, ധ​ർ​മേ​ന്ദ്ര​ നായകനായി പേരെടുത്ത നടനായിരുന്നു. അതേസമയം, ബച്ചൻ വളർന്നുവരുന്ന താരവും. എ​ന്നി​രു​ന്നാ​ലും, ഷോലെയാണ് അ​വ​രെ, ലോകസിനിമയ്ക്കു മുന്നിൽ ഇന്ത്യൻ നായകന്മാരായി ഉ‍യർത്തിയത്. ജ​യ്-വീ​രു അ​നാ​യാ​സ സൗ​ഹൃ​ദം സാം​സ്കാ​രി​ക സ്പ​ർ​ശ​മായി മാ​റി. അ​ന്നു​മു​ത​ൽ എ​ണ്ണ​മ​റ്റ ബ​ഡ്ഡി സി​നി​മ​കൾക്ക് ഈ ജോഡി മാതൃകയായി.

ധർമേന്ദ്ര-ബച്ചൻ സൗഹൃദം ആഴത്തിലുള്ളതായിരുന്നു. ഇരുവരുടെയും കുടുംബങ്ങൾ തമ്മിലും അടുത്തബന്ധമാണുള്ളത്. ഇതിന്‍റെയെല്ലാം ആഴത്തിലുള്ള തുടക്കംകൂടിയായിരുന്നു ഷോലെ! ബച്ചനെ ജയ്-ആക്കിയതിൽ ധർമേന്ദ്രയ്ക്കു നിർണായക പങ്കുണ്ടായിരുന്നു. ധർമേന്ദ്രയാണ് ബച്ചനെ ശുപാർശ ചെയ്തത്. ജ​യ്ക്കു വേണ്ടി അക്കാലത്തെ ബോളിവുഡിലെ പ്രമുഖരെയെല്ലാം പ​രി​ഗ​ണി​ച്ചി​രു​ന്നു. ഒടുവിൽ ശ​ത്രു​ഘ്‌​ന​ൻ സി​ൻ​ഹയെ തീരുമാനിച്ചതായും റി​പ്പോ​ർ​ട്ടു​ക​ൾ ഉ​ണ്ട്. എന്നാൽ, ബച്ചനുവേണ്ടി ധർമേന്ദ്ര നിർബന്ധം പിടിക്കുകയായിരുന്നു. നേരത്തെ, എ​എ​ൻ​ഐക്ക് ന​ല്കി​യ അ​ഭി​മു​ഖ​ത്തി​ൽ ഇക്കാര്യം ധർമേന്ദ്ര പറഞ്ഞിട്ടുണ്ട്. 'അ​തെ, ഞാ​ൻ അ​ദ്ദേ​ഹ​ത്തെ ശുപാ​ർ​ശ ചെ​യ്തു. ബച്ചൻ എ​ന്നെ കാ​ണാ​ൻ വ​രു​മാ​യി​രു​ന്നു. ഞങ്ങൾ വർത്തമാനം പറഞ്ഞിരിക്കുമായിരുന്നു..' 'എനിക്കദ്ദേഹത്തെ ഒരുപാട് ഇഷ്ടമാണ്...'

Related Stories

No stories found.
Pappappa
pappappa.com