'സൗ​ന്ദ​ര്യ​വും ബു​ദ്ധി​യും ഒ​ത്തു​ചേ​ർ​ന്ന​വ​ൾ'; ശ്രീലീല ഇ​നി 'ഡോ​.ശ്രീ​ലീ​ല'

തെ​ന്നി​ന്ത്യ​ൻ യുവാക്കളുടെ ഹ​രമായി മാറിയ സിനിമാതാരം ശ്രീലീല, ഇനി ഡോ​ക്‌ടർ ശ്രീലീല! മും​ബൈ​യി​ലെ ഡി.​വൈ. പാ​ട്ടീ​ൽ സ​ർ​വ​ക​ലാ​ശാ​ലയിൽനിന്നാണ് 24കാരിയായ താരം എംബിബിഎസ് ബിരുദം സ്വന്തമാക്കിയത്. ബി​രു​ദ​ദാ​ന ച​ട​ങ്ങിന്‍റെ ചി​ത്ര​ങ്ങ​ളാ​ണ് ഇ​പ്പോ​ൾ സോ​ഷ്യ​ൽ മീ​ഡി​യ​യി​ൽ വൈ​റ​ൽ.

മെ​റൂ​ൺ നി​റ​ത്തി​ലു​ള്ള ഗൗ​ൺ അ​ണി​ഞ്ഞ്, മു​ഖ​ത്തു നി​റ​ഞ്ഞ പു​ഞ്ചി​രി​യോ​ടെ കോൺവൊക്കേഷൻ ചടങ്ങിൽ ശ്രീലീല പങ്കെടുക്കുന്ന ചിത്രങ്ങൾ ആ​രാ​ധ​ക​ർ ഏ​റ്റെ​ടു​ത്തു ക​ഴി​ഞ്ഞു. ചടങ്ങിൽ ത​ന്‍റെ പേ​ര് വി​ളി​ക്കു​ന്ന​ത് കാ​ത്തു​നി​ൽ​ക്കു​ന്ന​തിന്‍റെയും ബി​രു​ദം സ്വീ​ക​രി​ച്ച ശേ​ഷം ഓ​ടി​വ​ന്ന് കു​ടും​ബാംഗങ്ങളെ കെ​ട്ടി​പ്പി​ടി​ക്കു​ന്ന​തിന്‍റെയും വീ​ഡി​യോ​ ആവേശത്തോടെയാണ് താരത്തിന്‍റെ ആരാധകർ ഏറ്റെടുത്തത്.

'സൗ​ന്ദ​ര്യ​വും ബു​ദ്ധി​യും ഒ​ത്തു​ചേ​ർ​ന്ന​വ​ൾ...' എ​ന്നാ​ണ് സോ​ഷ്യ​ൽ മീ​ഡി​യ ശ്രീലീലയുടെ ​നേ​ട്ട​ത്തെ വി​ശേ​ഷി​പ്പിച്ചത്. 'സി​നി​മ​യു​ടെ തി​ര​ക്കു​ക​ൾ​ക്കി​ട​യി​ൽ മെ​ഡി​സി​ൻ പഠനം പൂ​ർ​ത്തി​യാ​ക്കു​ക എ​ന്ന​ത് നി​സാ​ര​മ​ല്ല. ശ്രീ​ലീ​ല​യു​ടെ കഠിനാധ്വാനത്തെ സ​മ്മ​തി​ക്ക​ണം..' തുടങ്ങിയ പ്രതികരണമാണ് ആരാധകരുടെ ഭാഗത്തുനിന്നുണ്ടാകുന്നത്.

2001ൽ ​ഡെ​ട്രോ​യി​റ്റി​ൽ ജ​നി​ച്ച ശ്രീ​ലീ​ല വ​ള​ർ​ന്ന​ത് ബെം​ഗ​ളൂ​രു​വി​ലാ​ണ്. ശ്രീ​ലീ​ല​യു​ടെ അ​മ്മ സ്വ​ർ​ണ​ല​ത ബം​ഗ​ളൂ​രു​വിൽ ഗൈ​ന​ക്കോ​ള​ജി​സ്റ്റ് ആയി പ്രവർത്തിക്കുന്നു. അ​മ്മ​യു​ടെ പാ​ത പി​ന്തു​ട​ർ​ന്ന് ആരോഗ്യരംഗത്തും തിളങ്ങണമെന്നാണ് ​ശ്രീ​ലീ​ല​യു​ടെ ആ​ഗ്ര​ഹം.

'പു​ഷ്പ 2'-ലെ ഐറ്റം നമ്പരിലൂടെ പാ​ൻ-​ഇ​ന്ത്യ​ൻ ത​ല​ത്തി​ൽ ശ്ര​ദ്ധി​ക്ക​പ്പെ​ട്ട ശ്രീ​ലീ​ല ഇന്നു തി​ര​ക്കേ​റി​യ നാ​യി​ക​മാ​രി​ൽ ഒ​രാ​ളാ​ണ്. 2017-ൽ 'ചി​ത്രാം​ഗ​ദ'​ എന്ന സിനിമയിലൂടെയാണ് താരം അ​ര​ങ്ങേ​റ്റം കുറിച്ചത്. പ​വ​ൻ ക​ല്യാ​ണി​നൊ​പ്പ​മു​ള്ള 'ഉ​സ്താ​ദ് ഭ​ഗ​ത് സിങ്', കാ​ർ​ത്തി​ക് ആ​ര്യ​നൊ​പ്പ​മു​ള്ള ബോ​ളി​വു​ഡ് സിനിമ എന്നിവയാണ് ശ്രീലീലയുടെ പുതിയ ചിത്രങ്ങൾ.