പാ​ടി​ക്കൊ​ണ്ടിക്കേ യാ​ത്ര​യാ​ക​ണ​മെ​ന്ന ആ​ഗ്ര​ഹം ബാ​ക്കി​വെ​ച്ച് ആ​ശ വി​ട​വാ​ങ്ങി

ലോ​ക​മെമ്പാ​ടു​മു​ള്ള സം​ഗീ​താ​സ്വാ​ദ​ക​രെ ത​ന്‍റെ മ​ധു​ര​ശ​ബ്ദം കൊ​ണ്ടു വി​സ്മ​യി​പ്പി​ച്ച ഇ​തി​ഹാ​സ ഗാ​യി​ക ആ​ശാ ഭോസ്ലേ​ വി​ട​വാ​ങ്ങു​ന്ന​ത്, ത​ന്‍റെ ജീ​വി​ത​ത്തി​ലെ ഏ​റ്റ​വും വ​ലി​യ ആ​ഗ്ര​ഹം ബാ​ക്കി​യാ​ക്കിയാണ്. ത​ന്‍റെ മ​ര​ണം പാ​ടി​ക്കൊ​ണ്ടി​രി​ക്കു​മ്പോ​ൾ സം​ഭ​വി​ക്ക​ണ​മെ​ന്നാ​യി​രു​ന്നു ആ​ശാ ഭോസ്ലേ ആ​ഗ്ര​ഹി​ച്ചി​രു​ന്ന​ത്. ന​ട​ൻ അ​മൃ​ത റാ​വു​വും ആ​ർ.​ജെ. അ​ൻ​മോ​ളും ചേ​ർ​ന്നു ന​ട​ത്തി​യ 'ക​പ്പി​ൾ ഓ​ഫ് തിങ്സ്' എ​ന്ന പോ​ഡ്‌​കാ​സ്റ്റി​ലാ​യി​രു​ന്നു അ​വ​ർ തന്‍റെ മ​നസുതു​റ​ന്ന​ത്.

'പാ​ടി​ക്കൊ​ണ്ടി​രി​ക്കെ മ​രി​ക്ക​ണ​മെ​ന്നാ​ണ് എന്‍റെ ആ​ഗ്ര​ഹം. സം​ഗീ​ത​മാ​ണ് എ​ന്‍റെ ജീ​വി​തം. മൂ​ന്ന് വ​യ​സു​മു​ത​ൽ അ​ച്ഛ​നി​ൽ നി​ന്ന് ക്ലാ​സി​ക്ക​ൽ സം​ഗീ​തം അ​ഭ്യ​സി​ച്ചു തു​ട​ങ്ങി. പതിറ്റാണ്ടുകൾ സി​നി​മ​യി​ൽ പാ​ടി. ഏ​റ്റ​വും സ​ന്തോ​ഷ​ത്തോ​ടെ യാ​ത്ര​യാ​കാ​ൻ ഞാ​ൻ ആ​ഗ്ര​ഹി​ക്കു​ന്ന​ത് പാ​ടി​ക്കൊ​ണ്ടി​രി​ക്കു​മ്പോ​ഴാ​ണ്.-' ആശ ഭോസ്ലേ പ​റ​ഞ്ഞു.

ആ​ദ്യ വി​വാ​ഹ​ബ​ന്ധ​ത്തി​ലു​ണ്ടാ​യ പ്ര​തി​സ​ന്ധി​ക​ളും മ​ക്ക​ളു​ടെ വി​യോ​ഗ​വു​മെ​ല്ലാം ആ​ശ​യു​ടെ ജീ​വി​ത​ത്തി​ൽ ക​രി​നി​ഴ​ൽ വീ​ഴ്ത്തി​യി​രു​ന്നു. ഗ​ണ​പ​ത്‌​റാ​വു ഭോസ്ലേയു​മാ​യു​ള്ള വി​വാ​ഹ​ത്തി​നു ശേ​ഷം നേ​രി​ട്ട ദു​ര​നു​ഭ​വ​ങ്ങ​ളെ​ത്തു​ട​ർ​ന്ന് മൂ​ന്നാ​മ​ത്തെ കു​ഞ്ഞി​നെ ഗ​ർ​ഭി​ണി​യാ​യി​രി​ക്കെ അ​വ​ർ​ക്ക് സ്വ​ന്തം വീ​ട്ടി​ലേ​ക്കു മ​ട​ങ്ങേ​ണ്ടി വ​ന്നു. പി​ൽ​ക്കാ​ല​ത്ത് പ്ര​ശ​സ്ത സം​ഗീ​ത സം​വി​ധാ​യ​ക​ൻ ആ​ർ.​ഡി. ബ​ർമ​നെ അവർ വിവാഹം കഴിച്ചു. ഇ​രു​വ​രും ചേ​ർ​ന്നൊ​രു​ക്കി​യ ഗാ​ന​ങ്ങ​ൾ ഇ​ന്ത്യ​ൻ സി​നി​മ​യി​ലെ സു​വ​ർണ അ​ധ്യാ​യ​ങ്ങ​ളാ​ണ്.

വ്യ​ക്തി​ജീ​വി​ത​ത്തി​ൽ വ​ലി​യ ആ​ഘാ​ത​ങ്ങ​ളാ​ണ് ആ​ശ ഭോ​ഭോസ്ലേ നേ​രി​ട്ട​ത്. മ​ക​ൾ വ​ർ​ഷ 2012-ലും, ​മൂ​ത്ത മ​ക​ൻ ഹേ​മ​ന്ത് 2015-ലും ​അ​ന്ത​രി​ച്ചു. സം​ഗീ​ത സം​വി​ധാ​യ​ക​നാ​യി​രു​ന്നു ഹേ​മ​ന്ത്. മൂ​ന്നാ​മ​ത്തെ മ​ക​ൻ ആ​ന​ന്ദ് ഭോസ്ലേയാ​ണ് അ​മ്മ​യു​ടെ പ്രൊ​ഫ​ഷ​ണ​ൽ കാ​ര്യ​ങ്ങ​ൾ നി​യ​ന്ത്രി​ച്ചി​രു​ന്ന​ത്. പ്രതിസന്ധികളിലും സം​ഗീ​ത​ത്തെ മു​റു​കെ​പ്പി​ടി​ച്ച അ​വ​ർ, പേ​ര​ക്കു​ട്ടി​ക​ൾ​ക്കൊ​പ്പ​മാ​ണ് അ​വ​സാ​ന കാ​ലം ചെ​ല​വ​ഴി​ച്ച​ത്. എഴു പ​തി​റ്റാ​ണ്ടി​ലേ​റെ നീ​ണ്ട സം​ഗീ​ത സ​പ​ര്യക്കു വി​രാ​മ​മി​ട്ടാ​ണ് ഇ​ന്ത്യ​ൻ സി​നി​മ​യു​ടെ ​വാ​ന​മ്പാ​ടി യാ​ത്ര​യാ​യ​ത്.