ഗണപതിയും സാഗര് സൂര്യയും പ്രധാന വേഷത്തില് എത്തുന്ന മിസ്റ്റിക് -കോമഡി എന്റർടെയ്നർ 'പ്രകമ്പന'ത്തിന്റെ വിസ്മയിപ്പിക്കുന്ന ഫസ്റ്റ് ലുക്ക്മോഷൻ പോസ്റ്റർ തമിഴ് സൂപ്പർ ഹിറ്റ് സംവിധായകൻ കാർത്തിക് സുബ്ബരാജ് റിലീസ് ചെയ്തു. നവരസ ഫിലിംസും കാർത്തിക് സുബ്ബരാജിന്റെ പ്രൊഡക്ഷൻ കമ്പനിയായ സ്റ്റോൺ ബെഞ്ച് സ്റ്റുഡിയോയും ഒരുമിച്ചാണ് 'പ്രകമ്പനം' പുറത്തിറക്കുന്നത്. ചിത്രം മുഴുനീളം രസകരമായി തോന്നിയതിനാലാണ് നിർമ്മാണത്തിൽ പങ്കാളിയാകുന്നതെന്ന് കാർത്തിക് സുബ്ബരാജ് പറഞ്ഞു. ലളിതമായി കഥ പറഞ്ഞു പോകുന്ന മലയാള സിനിമയോടുള്ള തന്റെ ഇഷ്ടവും കാർത്തിക് സുബ്ബരാജ് തുറന്നു പറഞ്ഞു. കൊച്ചിയിൽ നടന്ന ചടങ്ങിൽ ചിത്രത്തിലെ പ്രധാന താരങ്ങളും അണിയറ പ്രവർത്തകരും പങ്കെടുത്തു.
ശ്രീജിത്ത് കെ.എസ്, കാർത്തികേയൻ, സുധീഷ്.എൻ എന്നിവർ ചേർന്നാണ് 'പ്രകമ്പനം' നിർമിക്കുന്നത്. വിവേക് വിശ്വം ഐ.എം, പി.മോൻസി, റിജോഷ്, ദിലോർ, ബ്ലെസ്സി എന്നിവരാണ് കോ-പ്രൊഡ്യൂസർമാർ. 'നദികളിൽ സുന്ദരി" എന്ന ചിത്രത്തിനു ശേഷം വിജേഷ് പാണത്തൂർ സംവിധാനം ചെയ്യുന്ന ചിത്രം ഒരു ഹൊറർ കോമഡി എന്റർടൈനറാണ്. ചിത്രത്തിന്റെ കഥയും സംവിധായകന്റെതാണ്. തിരക്കഥയും സംഭാഷണവും ഒരുക്കിയിരിക്കുന്നത് നവാഗതനായ ശ്രീഹരി വടക്കൻ.
കൊച്ചിയിലെ യുവാക്കളുടെ ഹോസ്റ്റൽ ജീവിതവും കണ്ണൂരും പശ്ചാത്തലമാകുന്ന ചിത്രത്തിൽ അമീൻ, മല്ലിക സുകുമാരൻ, അസീസ് നെടുമങ്ങാട്,കലാഭവൻ നവാസ്, പി.പി. കുഞ്ഞികൃഷ്ണൻ എന്നിവരും പ്രധാന വേഷങ്ങളിലെത്തുന്നു. ശീതൾ ജോസഫ് ആണ് നായിക. 'പണി 'എന്ന ചിത്രത്തിലെ ശക്തമായ വില്ലൻ കഥാപാത്രത്തിലൂടെ ശ്രദ്ധേയനായ സാഗർ സൂര്യയും സ്വതസിദ്ധമായ ഹാസ്യശൈലിയുള്ള ഗണപതിയും ഒരുമിക്കുമ്പോൾ 'പ്രകമ്പന'ത്തിനുള്ള പ്രതീക്ഷകൾ ഏറെയാണ്.
ചിത്രത്തിന്റെ സംഗീതം- ബിബിൻ അശോക്, പശ്ചാത്തല സംഗീതം- ശങ്കർ ശർമ്മ. വരികൾ-വിനായക് ശശികുമാർ, ഛായഗ്രഹണം- ആൽബി, എക്സിക്യൂട്ടീവ് പ്രൊഡ്യൂസർ- അഭിജിത്ത് നായർ, എഡിറ്റർ- സൂരജ് ഇ.എസ്, ആർട്ട് ഡയറക്ടർ- സുഭാഷ് കരുൺ, ചീഫ് അസോസിയേറ്റ് ഡയറക്ടർ- അംബ്രൂ വർഗീസ്, പ്രൊഡക്ഷൻ കൺട്രോളർ- നന്ദു പൊതുവാൾ, ലൈൻ പ്രൊഡ്യൂസർ അനന്ദനാരായൺ,പ്രൊഡക്ഷൻ മാനേജർമാർ- ശശി പൊതുവാൾ,കമലാക്ഷൻ, സൗണ്ട് ഡിസൈൻ- കിഷൻ മോഹൻ(സപ്ത), ഫൈനൽ മിക്സ്- എം.ആർ രാജാകൃഷ്ണൻ, ഡിഐ- രമേശ് സിപി, ലൈൻ പ്രൊഡ്യൂസർ- അനന്ത നാരായണൻ, വിഎഫ് എക്സ്- മെറാക്കി,വസ്ത്രാലങ്കാരം - സുജിത്ത് മട്ടന്നൂർ,മേക്കപ്പ്- ജയൻ പൂങ്കുളം, പിആർഒ- മഞ്ജു ഗോപിനാഥ്, സ്റ്റിൽസ്- ഷാഫി ഷക്കീർ, ഷിബി ശിവദാസ്, പബ്ലിസിറ്റി ഡിസൈൻ- യെല്ലോ ടൂത്ത്, ഡിജിറ്റൽ മാർക്കറ്റിങ്- ഒബ്സ്ക്യൂറ എന്റർടെയ്ൻമെന്റ്.