സംഗീത് പ്രതാപ്, ഷറഫുദീൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ശ്യാമിൻ ഗിരീഷ് സംവിധാനം ചെയ്യുന്ന 'ഇറ്റ്സ് എ മെഡിക്കൽ മിറക്കിൾ' എന്ന സിനിമയുടെ ചിത്രീകരണം പൂർത്തിയായി. ഡോ. പോൾസ് എന്റർടെയൻമെന്റ്, ഡ്രീം ബിഗ് ഫിലിംസ് എന്നീ ബാനറുകളിൽ ഡോ. പോൾ വർഗീസ്,സുജിത് ജെ. നായർ എന്നിവർ ചേർന്ന് നിർമ്മിക്കുന്ന ഈ ചിത്രത്തിൽ അഖില ഭാർഗവൻ നായികാ കഥാപാത്രത്തെ അവതരിപ്പിക്കുന്നു.
കോട്ടയം നസീർ, ആനന്ദ് മന്മഥൻ, കിരൺ പീതാംബരൻ, പാർവ്വതി ആർ. കൃഷ്ണ,ശ്രീലക്ഷ്മി തുടങ്ങിയവരാണ് മറ്റു പ്രമുഖ താരങ്ങൾ. നിലീൻ സാന്ദ്ര തിരക്കഥ,സംഭാഷണമെഴുതുന്നു. കൊടുങ്ങല്ലൂരിലും പരിസര പ്രദേശങ്ങളിലുമായിയി ആരംഭിച്ച 'ഇറ്റ്സ് എ മെഡിക്കൽ മിറക്കിൾ' 55 ദിവസത്തെ ചിത്രീകരണത്തിനു ശേഷം കൊച്ചിയിലാണ് പൂർത്തിയായത്.
പോസ്റ്റ് പ്രൊഡക്ഷൻ ജോലികൾ ഉടൻ ആരംഭിക്കുന്ന ഈ ചിത്രം മധ്യവേനലവധിക്കാലത്ത് തീയേറ്ററുകളിലെത്തും. ഛായാഗ്രഹണം - അഖിൽ സേവ്യർ, എഡിറ്റർ-ചമൻ ചാക്കോ, സംഗീതം- മുജീബ് മജീദ്, സൗണ്ട് ഡിസൈൻ-നിക്സൺ ജോർജ്, മേക്കപ്പ്- റോണക്സ് സേവ്യർ, കോസ്റ്റ്യൂം-ആരതി ഗോപാൽ, പ്രൊഡക്ഷൻ കൺട്രോളർ-മനോജ് പൂങ്കുന്നം, കലാസംവിധാനം- അപ്പുണ്ണി സാജൻ, ചീഫ് അസോസിയേറ്റ് ഡയറക്ടർ-വിഷ്ണു ദേവ്,അജിത് ജോസ്,വിഎഫ്എക്സ്- പിക്ടോറിയൽ വിഎഫ്എക്സ്,മർജ്ജാര വിഎഫ്എക്സ്, അസ്സോസിയേറ്റ് ഡയറക്ടർ-മുബീൻ മുഹമ്മദ്, പ്രോജക്ട് ഡിസൈനർ- അമൃത മോഹൻ,അസോസിയേറ്റ് ക്യാമറാമാൻ- വിശോക് കളത്തിൽ, ഫിനാൻസ് കൺട്രോളർ-ബിബിൻ സേവ്യർ,സ്റ്റിൽസ്- സിനറ്റ് സേവ്യർ, അസിസ്റ്റന്റ് ഡയറക്ടർ- ആൽബിൻ ഷാജി, ഷഫീഖ്,ഡിസൈൻസ്- യെല്ലോ ടൂത്ത്സ്,വിതരണം-ഡ്രീം ബിഗ് ഫിലിംസ്, പിആർഒ-എ. എസ്. ദിനേശ്.