യുഎസ് വി​രു​ദ്ധ വി​കാ​രം ഹോ​ളി​വു​ഡ് സി​നി​മ​ക​ളെ ദോ​ഷ​ക​ര​മായി ബാധിച്ചെന്ന് 'സൂപ്പർമാ​ൻ' സംവിധായകൻ

ലോ​ക​മെ​മ്പാ​ടു​മു​ള്ള 'യുഎസ് വി​രു​ദ്ധ വി​കാ​രം' ഹോ​ളി​വു​ഡ് സി​നി​മ​ക​ളെ പ്രതികൂലമായി ബാധിക്കുന്നതായി ഡി​സി​യു മേ​ധാ​വി​യും സൂ​പ്പ​ർ​മാ​ൻ സംവിധായകനുമായ ജെ​യിം​സ് ഗ​ൺ. 'ഹോ​ളി​വു​ഡി​ൽ ബ്ലോ​ക്ക്ബ​സ്റ്റ​റു​ക​ളു​ടെ കഷ്ടകാലം ആരംഭിച്ചുകഴിഞ്ഞു. എഫ് 1, ജുറാസിക് വേൾഡ്: റീബർത്ത്, സൂപ്പർമാൻ എ​ന്നീ സിനിമകളെല്ലാം ബോ​ക്സ് ഓ​ഫീ​സി​ൽ മി​ക​ച്ച പ്ര​ക​ട​നം കാ​ഴ്ച​വ​ച്ചെങ്കിലും വിദേശരാജ്യങ്ങളിൽ പ്രതീക്ഷിച്ച സ്വീകാര്യത ലഭിച്ചില്ല. യുഎസിനു പു​റ​ത്ത് ഹോ​ളി​വു​ഡിന്‍റെ സ്വാ​ധീ​നം കു​റ​യു​ന്ന​ത് ആ​ശ​ങ്കാ​ജ​ന​ക​മാ​ണ്. ഇ​ന്ന് മി​ക്ക ബി​ഗ് ബ​ജ​റ്റ് ഹോ​ളി​വു​ഡ് ചി​ത്ര​ങ്ങ​ളും ആ​ഭ്യ​ന്ത​രവി​പ​ണി​യി​ൽ ഹിറ്റ് ആണ്. എന്നാൽ, ചില വിദേശരാജ്യങ്ങളിൽ തണുപ്പൻ പ്രതികരണമാണു ലഭിക്കുന്നത്. കുറച്ചു വർഷങ്ങൾക്കു മുന്പ് അങ്ങനെയായിരുന്നില്ല. ഇതിന്‍റെ പ്രധാനകാരണം ലോകമെന്പാടും പടരുന്ന അമേരിക്കൻ വിരുദ്ധവികാരമാണ്'- ജെയിംസ് ഗൺ പറഞ്ഞു.

സൂ​പ്പ​ർ​മാ​ൻ മിന്നുന്നു?

ര​ണ്ടാം വാ​രാ​ന്ത്യ​ത്തിന്‍റെ അ​വ​സാ​ന​ത്തോ​ടെ, സൂ​പ്പ​ർ​മാ​ൻ ആ​ഭ്യ​ന്ത​ര വി​പ​ണി​യി​ൽ (യു​എ​സി​ലും കാ​ന​ഡ​യി​ലും) 236 മി​ല്യ​ൺ ഡോ​ള​ർ നേ​ടി. എന്നാൽ, വി​ദേ​ശ​ത്ത് 173 മി​ല്യ​ൺ ഡോ​ള​ർ ആണ് നേടാൻ കഴിഞ്ഞത്. ആഭ്യന്തരവരുമാനവുമായി താ​ര​ത​മ്യം ചെ​യ്യു​മ്പോ​ൾ. ഇ​ത്ര​യും വ​ലി​യ സി​നി​മ​യ്ക്ക് 60-40 എ​ന്ന അ​നു​പാ​ത​ത്തി​ൽ ​വേ​ർ​തി​രി​വ് അ​സാ​ധാ​ര​ണ​മാ​ണ്. അതേസമയം, 'സൂ​പ്പ​ർ​മാ​ൻ' ബോ​ക്സ് ഓ​ഫീ​സി​ൽ മി​ക​ച്ച പ്ര​ക​ട​നം കാ​ഴ്ച​വച്ചു മുന്നേറുകയാണ്. ഗണ്ണിന്‍റെ ഡി​സി യൂ​ണി​വേ​ഴ്സി​ലെ ആ​ദ്യ ചി​ത്ര​മാ​യ 'സൂപ്പർമാൻ' ലോ​ക​മെ​മ്പാ​ടു​മാ​യി 409 മി​ല്യ​ൺ ഡോ​ള​ർ ഇതുവരെ നേ​ടിയെന്നാണ് അണിയറക്കാർ പുറത്തുവിടുന്ന കണക്ക്.