'ജസ്റ്റ് അസ്'; രാജ് നിദിമോരുവിനൊപ്പം ബേബി മൂൺ ചിത്രങ്ങളുമായി സാമന്ത

ഭര്‍ത്താവും പ്രശസ്ത സംവിധായകനുമായ രാജ് നിദിമോരുവിനൊപ്പമുള്ള 'ബേബിമൂണ്‍' ആഘോഷ ചിത്രങ്ങള്‍ പങ്കുവെച്ച് നടി സാമന്ത റൂത്ത് പ്രഭു. ആദ്യത്തെ കണ്‍മണിയെ വരവേല്‍ക്കാനൊരുങ്ങുന്ന സാമന്ത, തങ്ങളുടെ യാത്രയുടെയും വിവിധ ഭക്ഷണങ്ങള്‍ രുചിക്കുന്നതിന്റെയും മനോഹര ചിത്രങ്ങളാണ് സോഷ്യല്‍ മീഡിയയിലൂടെ ആരാധകര്‍ക്കായി പങ്കുവെച്ചിരിക്കുന്നത്.

'ജസ്റ്റ് അസ്' എന്ന കുറിപ്പോടെയാണ് സാമന്ത ചിത്രങ്ങള്‍ പോസ്റ്റ് ചെയ്തത്. ഇരുവരും ഒന്നിച്ചുള്ള യാത്രകളും റസ്റ്ററന്റുകളില്‍ നിന്നുള്ള വിവിധ വിഭവങ്ങളുടെ ചിത്രങ്ങളും പോസ്റ്റില്‍ ഉള്‍പ്പെടുന്നു. മനോഹരമായ ഒരു ആര്‍ട്ട് ഇന്‍സ്റ്റലേഷന് മുന്നില്‍ നിന്നുള്ള ചിത്രങ്ങളും ഇതിലുണ്ട്.

യാത്രയിലുടനീളം രാജ് നിദിമോരുവിന്റെ ചില കാന്‍ഡിഡ് ചിത്രങ്ങളും സാമന്ത പങ്കുവെച്ചിട്ടുണ്ട്. പ്രണയാതുരമായ യാത്രയ്ക്കിടയിലും ലാപ്‌ടോപ്പില്‍ ജോലിയില്‍ വ്യാപൃതനായിരിക്കുന്ന രാജിനെയും ചിത്രങ്ങളില്‍ കാണാം. കൂടാതെ തന്റെ ബേബി ബംപ് വ്യക്തമാകുന്ന ചിത്രങ്ങളും സാമന്ത ഇന്‍സ്റ്റഗ്രാമിലൂടെ പുറത്തുവിട്ടിട്ടുണ്ട്.

തീര്‍ത്തും ലളിതവും അത്രതന്നെ മനോഹരവുമായ ഈ പോസ്റ്റിന് താഴെ നിരവധി ആരാധകരും സഹപ്രവര്‍ത്തകരുമാണ് ദമ്പതികള്‍ക്ക് ആശംസകളുമായി എത്തിയത്. മുമ്പ് നല്‍കിയ അഭിമുഖത്തില്‍, താന്‍ ഏറെ നാളായി കാത്തിരുന്ന നിമിഷമാണിതെന്ന് ഗര്‍ഭകാലത്തെക്കുറിച്ച് സാമന്ത വെളിപ്പെടുത്തിയിരുന്നു.