'യു ​ആ​ർ സം​തിങ് എ​ൽ​സ്..'-വി​ജ​യ് ദേ​വ​ര​കൊ​ണ്ട​യെ അഭിനന്ദിച്ച് ​രശ്മി​ക

വിജയ് ദേവരകൊണ്ട നായകനായ ആക്ഷ​ൻ എന്‍റ​ർ​ടെ​യ്‌​ന​ർ 'കിം​ഗ്ഡം' പ്രദർശനത്തിനൊരുങ്ങുന്നു. ചി​ത്ര​ത്തിന്‍റെ ട്രെയിലർ പങ്കുവച്ചു രശ്മിക മന്ദാന പറഞ്ഞ വാക്കുകളാണിപ്പോൾ ടോളിവുഡിൽ സംസാരവിഷയം. 'യു ​ആ​ർ സം​തിങ് എ​ൽ​സ്' എന്നാണ് രശ്മികയുടെ പ്രതികരണം. ജൂലായ് 31ന് ആണ് ചിത്രം തിയറ്ററുകളിലെത്തുന്നത്. അടുത്തിടെ രശ്മികയുടെ സിനിമ 'മൈസ'യുടെ പോസ്റ്റർ പങ്കിട്ട് വിജയ് പറഞ്ഞവാക്കുകൾ ഇതേപോലെ ചർച്ചയായിരുന്നു. ഇരുവരുടെയും പ്രണയവുമായി ചേർത്തുവയ്ക്കുകയാണ് ടോളിവുഡ് ഈ പരസ്പരപ്രശംസകളെ.

'കിം​ഗ്ഡം' കാ​ണാ​ൻ ദി​വ​സ​ങ്ങ​ൾ എ​ണ്ണു​ക​യാ​ണെ​ന്ന് രശ്മിക പറഞ്ഞു. ഇ​ൻ​സ്റ്റ​ഗ്രാം സ്റ്റോ​റിയി​ൽ 'വൗ!! ആരാധകരെ അമ്പരപ്പിക്കുന്ന ട്രെയിലർ... ഞാ​ൻ എ​പ്പോ​ഴും നി​ങ്ങ​ളോ​ട് പ​റ​യാ​റു​ണ്ട്... യു ആർ സതിംഗ് എൽസ്..! ' എന്നാണ് തെന്നിന്ത്യൻതാരം കുറിച്ചത്. 'കിം​ഗ്ഡ'ത്തിന്‍റെ സം​വി​ധാ​യ​ക​നെ​യും സം​ഗീ​ത​സം​വി​ധാ​യ​ക​നെ​യും പ്രശംസിക്കാനും രശ്മിക മറന്നില്ല. 'നി​ങ്ങ​ൾ ര​ണ്ടു പേരും പ്ര​തി​ഭ​ക​ളാ​ണ്! നിങ്ങളുടെ കോമ്പോയിൽ പുറത്തിറങ്ങുന്ന സിനിമ കാണാൻ കാത്തിരിക്കുന്നു'- ഇങ്ങനെയായിരുന്നു വാക്കുകൾ. കൂ​ടാ​തെ, തന്‍റെ എ​ക്സ് ഹാ​ൻ​ഡി​ൽ 'കിം​ഗ്ഡം' ട്രെ​യി​ല​ർ പോ​സ്റ്റ് ചെ​യ്തു, താരം.

'ജേ​ഴ്സി' സം​വി​ധാ​യ​ക​ൻ ഗൗ​തം തി​ന്ന​നൂ​രി സം​വി​ധാ​നം ചെ​യ്യു​ന്ന 'കിം​ഗ്ഡ'ത്തിൽ ശ​ത്രുപ്ര​ദേ​ശ​ത്തേ​ക്ക് നു​ഴ​ഞ്ഞു​ക​യ​റാ​ൻ ചു​മ​ത​ല​പ്പെ​ട്ട, ഉ​യ​ർ​ന്ന അ​പ​ക​ട​സാ​ധ്യ​ത​യു​ള്ള ദൗ​ത്യ​ത്തി​ൽ ഏ​ർ​പ്പെ​ട്ടി​രി​ക്കു​ന്ന ര​ഹ​സ്യാന്വേഷകന്‍റെ വേഷമാണ് വിജയ് അവതരിപ്പിക്കുന്നത്. പ്ര​ശ​സ്ത സം​ഗീ​ത​സം​വി​ധാ​യ​ക​ൻ അ​നി​രു​ദ്ധ് ര​വി​ച​ന്ദ​ർ ആണ് പ​ശ്ചാ​ത്ത​ലസം​ഗീ​തം ഒ​രു​ക്കി​യി​രി​ക്കു​ന്നത്.