രാജമൗലിയുടെ ഇതിഹാസത്തിന്റെ പേര് 'വാരണാസി'; ഇത് രു​ദ്രയുടെ അവതാരകഥ

എസ്.എസ്.രാജമൗലി മഹേഷ് ബാബുവിനെ നായകനാക്കി ഒരുക്കുന്ന വാരണാസിയുടെ ടൈറ്റിൽ പോസ്റ്റർ
'വാരണാസി' ടൈറ്റിൽ പോസ്റ്റർഅറേഞ്ച്ഡ്
Published on

അവന്‍ വന്നു, കാളപ്പുറത്തേറി, ജ്വലിക്കുന്ന കണ്ണുകളുമായി പോരാടാനുറച്ച്, കൈയില്‍ ത്രിശൂലവുമായി, ഇതിഹാസ നായകന്‍, രുദ്ര..! ഹൈദരാബാദിലെ റാമോജി ഫിലിം സിറ്റിയില്‍ നടന്ന ചടങ്ങില്‍ ബാഹുബലിയുടെ സംവിധായകന്‍ എസ്.എസ്. രാജമൗലി തന്റെ പുതിയ സിനിമയെ ലോകത്തിനുമുമ്പാകെ അവതരിപ്പിച്ചു. 'വാരണാസി' എന്നാണ് ചിത്രത്തിന്റെ പേര്. ആവേശത്തോടെയാണ് ആയിരങ്ങള്‍ ചിത്രത്തിന്റെ ട്രെയിലർ ഏറ്റെടുത്തത്. ​ഗ്ലോബ് ട്രോട്ടർ എന്നു വിളിക്കപ്പെട്ട ഇവന്റിന്റെ തത്സമയ സംപ്രേക്ഷണം ജിയോ ഹോട്ട് സ്റ്ററില്‍ പതിനായിരങ്ങളാണ് കണ്ടത്. താരങ്ങളും അണിയറപ്രവര്‍ത്തകരും ക്ഷണിക്കപ്പെട്ട ചലച്ചിത്രതാരങ്ങള്‍ ഉള്‍പ്പെടെയുള്ള അതിഥികളും 'രുദ്ര'യുടെ അവതാരപ്പിറവിക്ക് സാക്ഷികളാകാൻ എത്തിയിരുന്നു.

Must Read
'മന്ദാകിനിയോട് ഹലോ പറയൂ'; ഇതാ.. രാജമൗലി ചിത്രത്തിലെ നായിക
എസ്.എസ്.രാജമൗലി മഹേഷ് ബാബുവിനെ നായകനാക്കി ഒരുക്കുന്ന വാരണാസിയുടെ ടൈറ്റിൽ പോസ്റ്റർ

മഹേഷ് ബാബു, പ്രിയങ്ക ചോപ്ര, പൃഥ്വിരാജ് സുകുമാരന്‍ എന്നിവരാണ് ചിത്രത്തില്‍ കേന്ദ്രകഥാപാത്രങ്ങളാകുന്നത്. പ്രിയങ്ക ചോപ്രയുടെ ഇന്ത്യന്‍ വെള്ളിത്തിരയിലേക്കുള്ള ഉജ്വലതിരിച്ചുവരവ് കൂടിയാരിക്കും രാജമൗലി ചിത്രം. ഭാര്യ രമയോടൊപ്പമാണ് രാജമൗലി പരിപാടിയില്‍ പങ്കെടുത്തത്. മഹേഷ് ബാബുവിന്റെ ഭാര്യ നമ്രത ശിരോദ്കറും മകള്‍ സിതാരയും ചടങ്ങില്‍ പങ്കെടുക്കാനെത്തിയിരുന്നു. പൃഥ്വിരാജ് സുകുമാരനും ഭാര്യ സുപ്രിയ മേനോനും പരിപാടിയിലെ നിറസാന്നിധ്യമായിരുന്നു.

വാരണാസിയിൽ മഹേഷ്ബാബുവിന്റെ കഥപാത്രത്തിന്റെ ഫസ്റ്റ് ലുക്ക് പോസ്റ്റർ
'വാരണാസി'യിൽ മഹേഷ്ബാബുവിന്റെ കഥപാത്രത്തിന്റെ ഫസ്റ്റ് ലുക്ക് പോസ്റ്റർഅറേഞ്ച്ഡ്

130 അടി ഉയരമുള്ള സ്‌ക്രീനിലാണ് ടൈറ്റിലും ട്രെയിലറും അവതരിപ്പിച്ചത്. ഇന്ത്യയില്‍ ആദ്യമായിട്ടായിരുന്നു ഇങ്ങനെയൊരു ചടങ്ങ്. വാരണാസിയില്‍ മഹേഷ് ബാബു 'രുദ്ര' എന്ന മാസ് ഹീറോ ആയാണ് എത്തുന്നത്. ആര്‍ആര്‍ആര്‍ന്റെ ആഗോള വിജയത്തിന് ശേഷമുള്ള രാജമൗലിയുടെ സംവിധാന സംരംഭമാണ് 'വാരണാസി'. ആഫ്രിക്കന്‍ പര്യവേക്ഷണ സാഹസങ്ങളില്‍നിന്ന് പ്രചോദനം ഉള്‍ക്കൊണ്ടാണ് ചിത്രത്തിന്റെ കഥ പൂര്‍ത്തിയാക്കിയത്.

നേരത്തെ, മഹേഷ് ബാബുവിന്റെ ജന്മദിനത്തില്‍ താരത്തിന്റെ ഫസ്റ്റ് ലുക്ക് പോസ്റ്റര്‍ രാജമൗലി റിലീസ് ചെയ്തിരുന്നു. ത്രിശുല്‍, നന്ദി ലോക്കറ്റ് എന്നിവ ഉള്‍ക്കൊള്ളുന്ന പരുക്കന്‍ മാല കൊണ്ട് അലങ്കരിച്ച നെഞ്ചിന്റെ ക്ലോസപ്പ് ചിത്രമായിരുന്നു മഹേഷിന്റെ ഫസ്റ്റ് ലുക്ക്. പൃഥ്വിരാജ് സുകുമാരന്റെ കഥാപാത്രമായ കുംഭയെ 'പാവവും ക്രൂരനും' എന്നാണ് സംവിധായകന്‍ വിശേഷിപ്പിച്ചത്. ഹൈടെക് വീല്‍ചെയറില്‍, കറുത്ത വസ്ത്രം ധരിച്ചിരിക്കുന്ന പൃഥ്വിരാജിന്റെ ഫസ്റ്റ് ലുക്ക് പോസ്റ്ററും പുറത്തുവിട്ടിരുന്നു. പ്രിയങ്ക ചോപ്ര മന്ദാകിനി എന്ന കഥാപാത്രമായാണ് ചിത്രത്തിലെത്തുക.

Related Stories

No stories found.
Pappappa
pappappa.com