കാർത്തിയുടെ നായികയായി കല്യാണി; 'മാർഷൽ' രാമേശ്വരം പശ്ചാത്തലമാക്കിയ പീരിയഡ് ആക്ഷൻ ഡ്രാമ

തീരൻ, അധികാരം ഒൻഡ്രു, കൈതി തുടങ്ങിയ സൂപ്പർ ഹിറ്റ് ചിത്രങ്ങൾക്ക് ശേഷം നടൻ കാർത്തിയും സംവിധായകൻ തമിഴും (തനക്കാരൻ ഫെയിം) ഒരുമിക്കുന്ന ബിഗ് ബഡ്ജറ്റ് ചിത്രം 'മാർഷലി'ൽ കല്യാണി പ്രിയദർശൻ നായിക. കഴിഞ്ഞദിവസം ചെന്നൈയിലായിരുന്നു ചിത്രത്തിന്റെ പൂജ. ഡ്രീം വാരിയർ പിക്‌ചേഴ്‌സ് ഐവിവൈ എന്റർടൈൻമെന്റുസ്മായി സഹകരിച്ചാണ് ചിത്രത്തിന്റെ നിർമ്മാണം. രാമേശ്വരം പശ്ചാത്തലമായ ഗ്രാൻഡ് പീരിയഡ് ആക്ഷൻ ഡ്രാമയാണ് 'മാർഷൽ'.

സത്യരാജ്, പ്രഭു, ലാൽ, ജോൺ കൊക്കൻ, ഈശ്വരി റാവു, തുടങ്ങിയവർ പ്രധാന വേഷങ്ങളിലെത്തുന്നു. സായ് അഭ്യങ്കർ ആണ് സംഗീത സംവിധാനം നിർവഹിക്കുന്നത്. ഛായാ​ഗ്രഹണം: സത്യൻ സൂര്യൻ, എഡിറ്റിങ്: ഫിലോമിൻ രാജ്, പ്രൊഡക്ഷൻ ഡിസൈനർ: അരുൺ വെഞ്ഞാറമൂട്. 1960 കളിലെ രാമേശ്വരത്തെ പുനർനിർമ്മിക്കുന്ന വിപുലമായ സെറ്റുകളായിരിക്കും ചിത്രത്തിനായി ഒരുക്കുന്നത്. തമിഴ്, തെലുങ്ക്, മലയാളം, കന്നഡ,ഹിന്ദി ഭാഷകളിൽ പാൻ-ഇന്ത്യൻ റിലീസായി മാർഷൽ തിയേറ്ററുകളിലെത്തും. പിആർഒ: പ്രതീഷ് ശേഖർ.