സെ​ൻ​സ​ർ ക​ത്രി​ക​യി​ൽ മുറിവേറ്റ് 'ജ​നനാ​യ​ക​ൻ'; 12 മാ​റ്റ​ങ്ങ​ളോ​ടെ റിലീസിന്

ത​മി​ഴ​ക​ത്തിന്‍റെ സ്വ​ന്തം ദ​ള​പ​തി​യും ത​മി​ഴ്‌​നാ​ട് മു​ഖ്യ​മ​ന്ത്രി​യു​മാ​യ വി​ജ​യ്‌​യു​ടെ ക​രി​യ​റി​ലെ ഏ​റ്റ​വും പ്രാ​ധാ​ന്യ​മു​ള്ള പൊ​ളി​റ്റി​ക്ക​ൽ ത്രി​ല്ല​ർ ചി​ത്രം 'ജ​ന നാ​യ​ക​ൻ' ഒ​ടു​വി​ൽ സെ​ൻ​സ​ർ ബോ​ർ​ഡിന്‍റെ ക​ട​മ്പ ക​ട​ന്നു. സെ​ൻ​സർ ​ബോ​ർ​ഡു​മാ​യി ക​ഴി​ഞ്ഞ ഏ​ഴു മാ​സ​മാ​യി നി​ല​നി​ന്നി​രു​ന്ന ക​ടു​ത്ത ത​ർ​ക്ക​ങ്ങ​ൾ​ക്കൊ​ടു​വി​ലാ​ണ് 12 പ്ര​ധാ​ന മാ​റ്റ​ങ്ങ​ളോ​ടെ ചി​ത്ര​ത്തി​ന് 'എ' ​സ​ർ​ട്ടി​ഫി​ക്ക​റ്റ് ല​ഭി​ച്ചി​രി​ക്കു​ന്ന​ത്. 'വ​ൺ ലാ​സ്റ്റ് ടൈം' ​എ​ന്ന ടാ​ഗ്‌​ലൈ​നോ​ടെ ചി​ത്ര​ത്തി​ന്‍റെ അ​ന്താ​രാ​ഷ്ട്ര വി​ത​ര​ണ​ക്കാ​രാ​യ അ​ഹിം​സ എന്‍റെ​ർ​ടെയ്​ൻ​മെന്‍റ്സ് ആണ് ഈ ​വി​വ​രം പു​റ​ത്തു​വി​ട്ട​ത്.

രാ​ഷ്ട്രീ​യ പ്ര​വേ​ശ​ത്തിനുമുമ്പ് വി​ജ​യ് അ​ഭി​ന​യി​ച്ച ചി​ത്രം എ​ന്ന നി​ല​യി​ൽ വ​ലി​യ രാ​ഷ്ട്രീ​യ സൂ​ച​ന​ക​ൾ സി​നി​മ​യി​ലു​ട​നീ​ളം ഉ​ണ്ടാ​യി​രു​ന്നു. ഇ​തി​ൽ വി​ജ​യ്‌​യു​ടെ രാ​ഷ്ട്രീ​യ പാ​ർ​ട്ടി​യാ​യ 'ത​മി​ഴ​ക വെ​ട്രി ക​ഴ​കം' എ​ന്ന​തു​മാ​യി ബ​ന്ധി​പ്പി​ക്കു​ന്ന ത​ര​ത്തി​ലു​ള്ള നി​ര​വ​ധി ഡ​യ​ലോ​ഗു​ക​ളും ദൃ​ശ്യ​ങ്ങ​ളും സെ​ൻ​സ​ർ ബോ​ർ​ഡ് പൂ​ർ​ണമാ​യും വെ​ട്ടി​മാ​റ്റു​ക​യോ മ്യൂ​ട്ട് ചെ​യ്യു​ക​യോ ചെ​യ്തി​ട്ടു​ണ്ട്.

ചി​ത്ര​ത്തി​ൽ വി​ജ​യ്‌​യു​ടെ ക​ഥാ​പാ​ത്ര​ത്തി​ന്‍റെ പേ​ര് 'ദ​ള​പ​തി വെ​ട്രി കൊ​ണ്ടാ​ൻ' എ​ന്നാ​ണ്, ഇ​തിന്‍റെ ചു​രു​ക്ക​പ്പേ​രാ​ണ് 'ടി​വി​കെ'. 'അം​ബേ​ദ്ക​ർ സ​ട്ടം' എ​ന്ന ഡ​യ​ലോ​ഗി​ന് പ​ക​രം 'ടി​വി​കെ സ​ട്ടം' എ​ന്ന് ഉ​പ​യോ​ഗി​ച്ച ഭാ​ഗ​വും, പു​സ്ത​ക​ത്തി​ന്‍റെ ക​വ​റി​ലു​ള്ള ഡോ. ​ബി.​ആ​ർ. അം​ബേ​ദ്ക​റു​ടെ ചി​ത്ര​ങ്ങ​ളു​ള്ള ദൃ​ശ്യ​ങ്ങ​ളും മാ​റ്റാ​ൻ ബോ​ർ​ഡ് ക​ർ​ശ​ന നി​ർദേ​ശം ന​ൽ​കി.

ഇ​ന്ത്യ​ൻ ദേ​ശീ​യ പ​താ​ക നി​ല​ത്തു വീ​ഴു​ന്ന ത​ര​ത്തി​ൽ ചി​ത്രീ​ക​രി​ച്ചി​രു​ന്ന വൈ​കാ​രി​ക​മാ​യ ദൃ​ശ്യം സി​നി​മ​യി​ൽ നി​ന്ന് പൂ​ർ​ണ​മാ​യി ഒ​ഴി​വാ​ക്കി. 'ഭാ​ഗ​വ​തം', 'രം​ഗ​നാ​ഥ​ർ', 'ഓം', 'സി​ലു​വൈ​ല' എ​ന്നീ വാ​ക്കു​ക​ളും 'ഓ​പ്പ​റേ​ഷ​ൻ മേ​ലൂ​ഹ' വി​ശ​ദീ​ക​രി​ക്കു​ന്ന ഭാ​ഗ​ത്തെ 'ന്യൂ ​ഇ​ന്ത്യ' എ​ന്ന പ്ര​യോ​ഗ​വും മ്യൂ​ട്ട് ചെ​യ്യാ​ൻ നി​ർ​ദേ​ശ​മു​ണ്ട്.

ഒ​രു കു​ട്ടി​ക്ക് തീ​പി​ടി​ക്കു​ന്ന ദൃ​ശ്യ​വും, ജില്ലാ ക​ള​ക്ട​റു​ടെ ഔ​ദ്യോ​ഗി​ക ചി​ഹ്ന​ത്തെ അ​നാ​ദ​രി​ക്കു​ന്ന ത​ര​ത്തി​ൽ കാ​ണി​ച്ച രം​ഗ​വും മാ​റ്റി പ​ക​രം ദൃ​ശ്യ​ങ്ങ​ൾ ചേ​ർ​ത്തു. ആ​കെ 20 സെ​ക്ക​ൻ​ഡ് ദൃ​ശ്യ​ങ്ങ​ൾ വെ​ട്ടി​മാ​റ്റു​ക​യും 10 സെ​ക്ക​ൻ​ഡ് പു​തി​യ ദൃ​ശ്യ​ങ്ങ​ൾ കൂ​ട്ടി​ച്ചേ​ർ​ക്കു​ക​യും ചെ​യ്ത ശേ​ഷ​മു​ള്ള ചി​ത്ര​ത്തി​ന്‍റെ അ​ന്തി​മ ദൈ​ർ​ഘ്യം 3 മ​ണി​ക്കൂ​റും 3 മി​നി​റ്റും 11 സെ​ക്ക​ൻ​ഡു​മാ​ണ്.

എ​ച്ച്. വി​നോ​ദ് സം​വി​ധാ​നം ചെ​യ്ത ​ബി​ഗ് ബ​ജ​റ്റ് ചി​ത്ര​ത്തി​ൽ പൂ​ജ ഹെ​ഗ്‌​ഡെ, ബോ​ബി ഡി​യോ​ൾ, മ​മി​ത ബൈ​ജു, ഗൗ​തം വാ​സു​ദേ​വ് മേ​നോ​ൻ, പ്ര​കാ​ശ് രാ​ജ്, ന​രേ​ൻ, പ്രി​യാ​മ​ണി എ​ന്നി​വ​ര​ട​ങ്ങു​ന്ന വ​ൻ താ​ര​നി​ര​യാ​ണ് അ​ണി​നി​ര​ക്കു​ന്ന​ത്. കെ​വി​എ​ൻ പ്രൊ​ഡ​ക്ഷ​ൻ​സി​ന്‍റെ ബാ​ന​റി​ൽ വെ​ങ്ക​ട്ട് കെ. ​നാ​രാ​യ​ണ നി​ർമി​ക്കു​ന്ന ചി​ത്രം, റി​ലീ​സി​ന് മു​മ്പു​ണ്ടാ​യ ഓ​ൺ​ലൈ​ൻ പൈ​റ​സി ലീ​ക്കു​ക​ളെ​യും സെ​ൻ​സ​ർ പ്ര​തി​സ​ന്ധി​ക​ളെ​യും അ​തി​ജീ​വി​ച്ച് ജൂ​ലായ് 24-ന് ​തി​യേ​റ്റ​റു​ക​ളി​ൽ എ​ത്തു​മെ​ന്നാ​ണ് റി​പ്പോ​ർ​ട്ടു​ക​ൾ.