ബ​ഷീ​റും മാ​മു​ക്കോ​യ​യും ഇ​മ്മിണിബ​ല്യ ചെ​ക്ക്ക​ഥ​യും

മ​ല​യാ​ള​ത്തി​ന്‍റെ ക‍​ഥ​യു​ടെ സു​ൽ​ത്താ​ൻ വൈ​ക്കം മു​ഹ​മ്മ​ദ് ബ​ഷീ​റു​മാ​യി അ​ടു​ത്ത സൗ​ഹൃ​ദം പു​ല​ർ​ത്തി​യി​രു​ന്നു നടൻ മാ​മു​ക്കോ​യ. ബേ​പ്പൂ​രി​ലെ ബ​ഷീ​റി​ന്‍റെ വീ​ട്ടി​ൽ ചെ​ന്നാ​ൽ നാ​ലു കാ​ര്യ​ങ്ങ​ളാ​ണ് മാ​മു​കോ​യ​യ്ക്കു ല​ഭി​ക്കു​ക- അ​നു​ഗ്ര​ഹം, ക​ഥ, ചാ​യ, വാ​യ്പ. ക​ടം കൊ​ടു​ക്കു​ന്ന​തി​ലു​മു​ണ്ട് ബ​ഷീ​ർ സ്റ്റൈ​ൽ. സു​ൽ​ത്താ​നു ര​ണ്ടു​ത​രം ഒ​പ്പു​ക​ളു​ണ്ട്. മ​ല​യാ​ള​ത്തി​ലും ഇം​ഗ്ലീ​ഷി​ലും ഒ​പ്പി​ടും. ചെ​ക്കി​ൽ മ​ല​യാ​ള​ത്തി​ൽ ഒ​പ്പി​ട്ടാ​ൽ ക​ടം തി​രി​ച്ചു​കൊ​ടു​ക്ക​ണ്ട. ഇം​ഗ്ലീ​ഷി​ൽ ഒ​പ്പി​ട്ടാ​ൽ തി​രി​ച്ചു​കൊ​ടു​ക്ക​ണം.

ന​ട​നാ​കു​ന്ന​തി​നു മു​ൻ​പ് മാ​മു​ക്കോ​യ പ​ല​പ്പോ​ഴും സാ​മ്പ​ത്തി​ക പ്ര​യാ​സ​ത്തി​ലാ​യി​രു​ന്നു. ത​ന്നെ കാ​ണാ​ൻ വ​രു​മ്പോ​ൾ ബ​ഷീ​ർ മാമുകോ​യ​യോ​ടു ചോ​ദി​ക്കും:

"നി​ന്‍റെ കൈ​യി​ൽ തി​രി​ച്ചു​ത​രാ​ന് കാ​യു​ണ്ടോ കാ​ക്കേ?"

മാ​മു​ക്കോ​യ മു​ക്കി​യും മൂ​ളി​യും പ​ല്ലു​കാ​ട്ടി ചി​രി​ച്ചു​നി​ൽ​ക്കും. കു​ശ​ല​മൊ​ക്ക ക​ഴി​ഞ്ഞ​തി​നു​ശേ​ഷം മ​ല​യാ​ള​ത്തി​ൽ ഒ​പ്പി​ട്ട ചെ​ക്ക് കൊ​ടു​ക്കു​ന്നു. ബ​ഷീ​റി​ൽ​നി​ന്ന് ക​ടം കി​ട്ടാ​ൻ മാ​ത്ര​മ​ല്ല, ചെ​ക്കി​ൽ മ​ല​യാ​ള​ത്തി​ൽ ഒ​പ്പി​ടാ​നും മാ​മു​ക്കോ​യ ദൈ​വ​ത്തോ​ടു പ്രാ​ർ​ഥി​ക്കും. സി​നി​മാ​ന​ട​ൻ ആ​യ​ശേ​ഷം ഒ​രി​ക്ക​ൽ കാ​ശി​ന് അ​ത്യാ​വ​ശ്യം വ​ന്ന​പ്പോ​ൾ ബ​ഷീ​റി​ന്‍റെ പ​ക്ക​ൽ വാ​യ്പ​യ്ക്കു ചെ​ന്നു. അ​ന്ന് അ​ദ്ദേ​ഹം നല്കിയത് ഇം​ഗ്ലീ​ഷി​ൽ ഒ​പ്പി​ട്ട ചെ​ക്ക്! ആ​ദ്യ​മാ​യാ​ണ് മാ​മു​ക്കോ​യ​യ്ക്ക് ബ​ഷീ​ർ ഇം​ഗ്ലീ​ഷി​ൽ​ ഒ​പ്പി​ട്ട ചെ​ക്ക് ന​ൽ​കി​ത്.

മാമുക്കോയ മിക്കവാറും ബഷീറിന്റെ വീട്ടിൽ ചുറ്റിത്തിരിയും. കൂടെ വേറെ ചിലരുമുണ്ടാകും. ഒരുദിവസം ഇങ്ങനെ മാം​ഗോസ്റ്റീൻ മരത്തിനരികിൽ തിരിഞ്ഞുകളിച്ചുനില്കുമ്പോൾ ബഷീറിനെ കാണാൻ രണ്ടുപേർ വന്നു. പ്രശസ്ത കലാസംവിധായകൻ എസ്.കൊന്നനാട്ടും എഴുത്തുകാരൻ പി.എ.മുഹമ്മദ് കോയയും. കൊന്നനാട്ട് സംവിധായകനായി സിനിമയിൽ അരങ്ങേറുകയാണ്. അതിനുമുമ്പ് ബഷീറിനെ കണ്ട് അനു​ഗ്രഹം വാങ്ങാൻ വന്നതാണ്. മുഹമ്മദ് കോയയുടെ സുറുമയിട്ട കണ്ണുകൾ എന്ന നോവലാണ് സിനിമയാക്കുന്നത്. കോഴിക്കോടാണ് കഥാ പശ്ചാത്തലം.

ദാ ആ നില്കുന്ന മാമു നാടകങ്ങളിലൊക്കെ അഭിനയിക്കുന്നയാളാണ്. സിനിമയിലൊരു റോളുകൊടുക്കാമോ?-ബഷീർ കൊന്നനാട്ടിനോട് ചോ​ദിച്ചു. സുൽത്താന്റെ ശുപാർശ ആജ്ഞപോലെ കണ്ട് കൊന്നനാട്ട് ഉടൻ സമ്മതിക്കുകയും ചെയ്തു. കൊന്നനാട്ടും മുഹമ്മദ് കോയയും പോയശേഷം ബഷീർ മാമുവിനോട് പറഞ്ഞത് സിനിമാഷൂട്ടിങ് നടക്കുന്ന സ്ഥലത്ത് ഒന്ന് ചെന്നുനോക്കാനാണ്.

അതുപ്രകാരം ലൊക്കേഷനിലെത്തിയ മാമുക്കോയയ്ക്ക് മനസ്സിലായി,തനിക്കുപറ്റിയ റോളൊന്നുമില്ലെന്ന്. പക്ഷേ ബഷീർ പറഞ്ഞതായതുകൊണ്ട് കൊന്നനാട്ടിനും കൂട്ടർക്കും അവ​ഗണിക്കാനും വയ്യ. ഒരു അറബിക്കല്യാണത്തെ ചുറ്റിപ്പറ്റിയുള്ള കഥയാണ് സിനിമയുടേത്. കെ.പി.ഉമ്മറാണ് അറബിയുടെ വേഷത്തിൽ. ഈ അറബിക്കൊരു കുതിരവണ്ടിയുണ്ട്. അതിന്റെ വണ്ടിക്കാരന്റെ കഥാപാത്രം അവതരിപ്പിക്കുന്നത് മാമുക്കോയയുടെ സുഹൃത്തായ കൃഷ്ണൻകുട്ടിയാണ്. ഒടുവിൽ കുതിരയ്ക്ക് പുല്ലുകൊടുക്കുന്നയാളുടെ വേഷം മാമുക്കോയയ്ക്ക് വെച്ചുനീട്ടപ്പെട്ടു. ഷൂട്ടിങ്ങിനിടെ ബഹദൂറിനും നെല്ലിക്കോട് ഭാസ്കരനും മാമുവിനോട് അലിവുതോന്നി. ഒന്നുരണ്ടുരം​ഗങ്ങൾകൂടി കൊടുക്കാൻ സംവിധായകനായ കൊന്നനാട്ടിനോട് പറയുകയും ചെയ്തു. അങ്ങനെ ചായക്കടയിൽവെച്ചുള്ള ചിലരം​ഗങ്ങൾ കൂടി മാമുക്കോയയ്ക്ക് കിട്ടി.

ഒ​രു​കാ​ല​ത്ത് ബ​ഷീ​ർ സാ​മാ​ന്യം ന​ന്നാ​യി മ​ദ്യ​പി​ച്ചി​രു​ന്നു. ഒ​രു സു​പ്ര​ഭാ​ത​ത്തി​ൽ ആ​ൾ ക​ള്ളു​കു​ടി നി​ർ​ത്തി. ബ​ഷീ​റി​ന്‍റെ മ​ദ്യ​വ​ർ​ജ​നം കൂ​ട്ടു​കാ​ർ​ക്കു ബു​ദ്ധി​മു​ട്ടു​ണ്ടാ​ക്കി. ത​ന്നെ​യു​മ​ല്ല, മൂ​പ്പ​രു​ടെ വീ​ടി​ന്‍റെ മു​ന്നി​ലു​ള്ള ക​ള്ളു​ഷാ​പ്പ് അ​ട​ച്ചു​പൂ​ട്ടി​ക്കു​ക​യും ചെ​യ്തു. ബ​ഷീ​റി​ന്‍റെ വീ​ടി​നു മു​ന്നി​ലെ ക​ള്ളു​ഷാ​പ്പ് പ്ര​മു​ഖ​രു​ടെ സാ​ന്നി​ധ്യം​കൊ​ണ്ട് പേ​രു​കേ​ട്ട​താ​യി​രു​ന്നു. സു​രാ​സു, ജോ​ൺ ഏ​ബ്ര​ഹാം തു​ട​ങ്ങി​യ ഉ​ഗ്ര​പ്ര​താ​പി​ക​ളാ​യ ക​ലാ​കാ​ര​ന്മാ​ർ ആ ​ഷാ​പ്പി​ൽ​നി​ന്ന് ര​ണ്ടു കു​പ്പി അ​ട​ച്ച​ശേ​ഷ​മാ​ണ് ബ​ഷീ​റി​നു മു​ന്നി​ൽ ഹാ​ജ​രാ​കു​ക. ബ​ഷീ​ർ മ​ദ്യ​പാ​നം നി​ർ​ത്തി​യ​ശേ​ഷം കു​റേ​ക്കാ​ലം സു​രാ​സു​വും ജോ​ണു​മൊ​ക്കെ വ​ള​രെ അ​ടു​ത്തൊ​രു ബ​ന്ധു മ​രി​ച്ച​തു​പോ​ലു​ള്ള ദുഃ​ഖ​ത്തോ​ടെ​യാ​ണ് ന​ട​ന്നി​രു​ന്ന​തെ​ന്നു പ​ല​രും പ​റ​ഞ്ഞി​ട്ടു​ണ്ട്.

ഒ​രു ദി​വ​സം ബ​ഷീ​ർ മാ​മു​ക്കോ​യ​യോ​ടു മൊ​ഴി​ഞ്ഞു: "എ​ടാ കാ​ക്കേ സു​രാ​സു ഈ ​വ​ഴി​ക്കെ​ങ്ങാ​നും വ​രു​ന്ന​തു ക​ണ്ടാ​ൽ ഞാ​നി​വി​ടെ ഇ​ല്ലെ​ന്നു പ​റ​യ​ണം." ബ​ഷീ​ർ പ​റ​ഞ്ഞ​തു​പോ​ലെ മാ​മു​ക്കോ​യ സു​രാ​സു​വി​നെ വ​ഴി​യി​ൽ​വ​ച്ചു ക​ണ്ട​പ്പോ​ൾ പ​റ​ഞ്ഞു. "നി​ങ്ങ​ളെ ക​ണ്ടാ​ൽ ബ​ഷീ​ർ​ക്ക ബേ​പ്പൂ​രി​ലി​ല്ല എ​ന്നു പ​റ‍​യാ​ൻ പ​റ​ഞ്ഞി​ട്ടു​ണ്ട്.''

ശു​ദ്ധ​ഗ​തി​കൊ​ണ്ട് മാ​മു​ക്കോ​യ​യു​ടെ നാ​വി​ൽ​നി​ന്ന് അ​റി​യാ​തെ വീ​ണ​താ​ണ്. സു​രാ​സു​വി​ന് വ​ലി​യ മ​നോ​വി​ഷ​മം ഉ​ണ്ടാ​ക്കി​യ സം​ഭ​വ​മാ​യി മാ​റി. അ​ന്നു​ത​ന്നെ അ​ടി​ച്ചു​പിമ്പിരി​യാ​യി ബേ​പ്പൂ​രി​ലേ​ക്കു പോ​യി. അ​വി​ടെ​യെ​ത്തി​യ​പ്പോ​ഴേ​ക്കും സു​രാ​സു​വി​ന്‍റെ ബോ​ധം പോ​യി​രു​ന്നു. പി​ന്നെ ബ​ഷീ​ർ പാ​യ​യും ത​ല​യി​ണ​യു​മൊ‌​ക്കെ കൊ​ടു​ത്ത് വീ​ട്ടി​ൽ​ത്ത​ന്നെ കി​ട​ത്തി. ഉ​റ​ങ്ങി​യെ​ഴു​ന്നേ​റ്റ​പ്പോ​ൾ സു​രാ​സു​വി​ന്‍റെ പി​ണ​ക്ക​വും മാ​റി.