സിനിമാടിക്കറ്റാണെന്ന് കരുതി ബസ് ടിക്കറ്റ് കൊടുത്ത ശ്രീനി... ഒരു തിരുവോണ​ദിന ഓർമ

സ്വ​ന്തം അ​നു​ഭ​വ​ങ്ങ​ളാണ് ശ്രീ​നി​വാ​സ​ൻ പ​ല​പ്പോ​ഴും ത​ന്‍റെ സി​നി​മ​ക​ളി​ൽ ഉൾപ്പെടുത്തുക. കണ്ണൂർ ജില്ലയിലെ പാ​ട്യം ഗ്രാ​മ​ത്തി​ൽ വ​ള​ർ​ന്ന ഒ​രു സാ​ധാ​ര​ണ​ക്കാ​ര​ന്‍റെ ജീ​വി​താ​നു​ഭ​വ​ങ്ങ​ൾ. ആ ​അ​നു​ഭ​വ​ങ്ങ​ളെ മ​ല​യാ​ളി ആ​സ്വ​ദി​ച്ചു. സ്വ​ന്തം അ​നു​ഭ​വ​ങ്ങ​ളി​ൽ​നി​ന്ന് വേ​ർ​തി​രി​ക്കാ​തെ മ​ന​സി​ൽ ഒ​രു ചി​ല്ലു​കൂ​ട്ടി​ൽ സൂ​ക്ഷി​ച്ചു​വ​ച്ചു. ശ്രീനിവാസൻ ഇപ്പോൾ ആരോഗ്യപ്രശ്നങ്ങളുമായി വിശ്രമത്തിലാണ്. പൊതുവേദികളിൽ പ്രത്യക്ഷപ്പെടാറില്ല. എങ്കിലും മലയാളത്തിന്‍റെ പ്രിയപ്പെട്ട ചലച്ചിത്രകാരൻ നേരത്തെ ഒരഭിമുഖത്തിൽ പറഞ്ഞ ഓണസ്മരണകൾ അദ്ദേഹത്തെ സ്നേഹിക്കുന്നവർക്കായി വീണ്ടും പങ്കുവെയ്ക്കുന്നു.

തി​രു​വോ​ണ​നാ​ളി​ൽ സിനിമ കാണാൻ പോയതും തിരക്കിൽപ്പെട്ട ഓണക്കോടി കീറിയതുമായ സംഭവമുണ്ട് ശ്രീനിവാസന്റെ ഓർമകളിൽ. വെ​ട്ടി​ത്തി​ള​ങ്ങു​ന്ന ഓ​ണ​ക്കോ​ടി​യും ധ​രി​ച്ച് ശ്രീ​നി​വാ​സ​ൻ ന​ട​ക്കു​ന്ന​ത് ​ത​ല​ശേ​രി മു​കു​ന്ദ് ടാ​ക്കീ​സി​ലേ​ക്ക്. പ്രേം​ന​സീ​റും ബാ​ല​ൻ കെ. ​നാ​യ​രു​മൊ​ക്കെ അ​ഭി​ന​യി​ച്ച ​'നി​ഴ​ലാ​ട്ടം' സി​നി​മ കാ​ണു​ക​യാ​ണ് ല​ക്ഷ്യം. അ​ന്ന് ശ്രീ​നി​വാ​സ​ന് പ​തി​നേ​ഴ് വ​യ​സ്. റി​ലീ​സ് ദി​വ​സം ത​ന്നെ സി​നി​മ ക​ണ്ടി​ല്ലെ​ങ്കി​ൽ അ​സ്വ​സ്ഥ​ത​യാ​ണ്. പ്ര​ത്യേ​കി​ച്ചും ഓ​ണ​നാ​ളി​ൽ. ടാ​ക്കീ​സി​നു മു​ന്നി​ലെ​ത്തി​യ​പ്പോ​ൾ വ​ൻ ജ​ന​ക്കൂ​ട്ടം. ഒ​രാ​ൾ​ക്ക് ക​ഷ്ടി​ച്ചു ക​ട​ന്നു​പോ​കാ​ൻ മാ​ത്രം ക​ഴി​യു​ന്ന ഇ​ട​നാ​ഴി​യി​ലൂ​ടെ പോ​യി വേ​ണം ടി​ക്ക​റ്റെ​ടു​ക്കാ​ൻ. അ​സാ​ധാ​ര​ണ​മാ​യ തി​ക്കും തി​ര​ക്കും. ഇ​ട​നാ​ഴി​യി​ലൂ​ടെ ശ്വാ​സം മു​ട്ടി ഞ​ര​ങ്ങി​ഞ​ര​ങ്ങി ഒ​രു ക​ണ​ക്കി​നു കൗ​ണ്ട​റി​ന​ടു​ത്തെ​ത്തി. അ​പ്പോ​ഴേ​ക്കും പ​ള​പ​ളാ മി​ന്നു​ന്ന ഓണ​ക്കോ​ടി കീ​റി. എ​ങ്കി​ലും സാ​ര​മി​ല്ല, സി​നി​മ കാ​ണാ​മ​ല്ലോ എ​ന്നു ക​രു​തി.

ടി​ക്ക​റ്റെ​ടു​ക്കാ​ൻ അ​ഞ്ചും ആ​റും കൈ​ക​ളാ​ണ് ഒ​രു​മി​ച്ചു കൗ​ണ്ട​റി​ന​ക​ത്തേ​ക്ക് കു​ത്തി​ക്ക​യ​റു​ന്ന​ത്. ഇ​തും പോ​രാ​ഞ്ഞ് ടി​ക്ക​റ്റെ​ടു​ക്കാ​ൻ മു​ക​ളി​ലൂ​ടെ​യു​ള്ള ചാ​ട്ട​വും. ധൃ​തി​യി​ൽ ഷ​ർ​ട്ടി​ന്‍റെ പോ​ക്ക​റ്റി​ൽ​നി​ന്ന് കാ​ശെ​ടു​ത്ത് ടി​ക്ക​റ്റ് വാ​ങ്ങി​യ​ശേ​ഷം വാ​തി​ലി​ന​ടു​ത്തേ​ക്കോ​ടി. വാ​തി​ൽ​ക്ക​ൽ വ​ച്ചാ​ണ് ക​ണ്ട​ത്, കൈ​യി​ലി​രി​ക്കു​ന്ന​ത് ബ​സ് ടി​ക്ക​റ്റ്! തി​ര​ക്കി​നി​ടെ കാ​ശി​നു പ​ക​രം എ​ടു​ത്തു കൊ​ടു​ത്ത​ത് ബ​സ് ടി​ക്ക​റ്റാ​യി​രു​ന്നു. കൗ​ണ്ട​റി​ലി​രു​ന്ന ആ​ൾ അ​ത് അ​തേ​പ​ടി തി​രി​ച്ചു ത​രി​ക​യും ചെ​യ്തു.

ഉ​ച്ചം​വെ​ള്ളി​യി​ൽ ഉ​ണ്ണി​മാ​ഷ്; അ​താ​യ​ത് ശ്രീ​നി​വാ​സ​ന്‍റെ അ​ച്ഛ​ന്, ഓ​ണ​വും വി​ഷു​വു​മൊ​ക്കെ ആ​ഘോ​ഷ​പൂ​ർ​വം കൊ​ണ്ടാ​ടു​ന്ന​തി​ൽ വ​ലി​യ ഉ​ത്സാ​ഹ​മാ​യി​രു​ന്നു​. ​'വി​ശേ​ഷ​ദി​വ​സ​ങ്ങ​ളി​ൽ അ​ച്ഛ​ൻ അ​മ്മ​യെ അ​ടു​ക്ക​ള​യി​ൽ ക​യ​റ്റാ​റി​ല്ല. പാ​ച​കം മു​ഴു​വ​ൻ അ​ച്ഛ​ൻ ത​ന്നെ​യാ​യി​രി​ക്കും. ഓ​ണ​മെ​ത്തും മു​ൻ​പേ അ​ച്ചാ​റു​ൾ​പ്പെ​ടെ​യു​ള്ള ഉ​പ​ദം​ശ​ങ്ങ​ൾ ത​യാ​റാ​ക്കു​ന്ന​തി​ൽ അ​ച്ഛ​ൻ മു​ഴു​കും. അ​ച്ഛ​നു ന​ന്നാ​യി പാ​ച​കം ചെ​യ്യാ​ന​റി​യാ​മാ​യി​രു​ന്നു. നാ​ട്ടി​ലെ വി​ശേ​ഷ​കാ​ര്യ​ങ്ങ​ൾ​ക്കു പ​ല​പ്പോ​ഴും ഭ​ക്ഷ​ണ​ത്തി​ന്‍റെ മേ​ൽ​നോ​ട്ടം വ​ഹി​ക്കു​ന്ന​ത് അ​ച്ഛ​നാ​ണ്. ഇ​ന്ന​ത്തെ​പ്പോ​ലെ കാ​ശു വാ​ങ്ങി​ച്ചു​ള്ള ഏ​ർ​പ്പാ​ടാ​യി​രു​ന്നി​ല്ല അ​ത്. അ​ച്ഛ​ന​തൊ​ക്കെ വ​ലി​യ താ​ത്പ​ര്യ​മാ​യി​രു​ന്നു. മ​ട്ട​ൻ​ക​റി​യും ചി​ക്ക​ൻ​ക​റി​യും വെ​ജി​റ്റേ​റി​യ​നു​മൊ​ക്കെ അ​ച്ഛ​ൻ ഉ​ണ്ടാ​ക്കി​യാ​ൽ അ​തി​ന് ഒ​രു പ്ര​ത്യേ​ക രു​ചി​യാ​യി​രു​ന്നു. എ​വി​ടെ​ന്നാ​ണ് അ​ച്ഛ​ൻ ഇ​തെ​ല്ലാം പ​ഠി​ച്ച​ത് എ​ന്നെ​നി​ക്ക​റി​ഞ്ഞു​കൂ​ട. അ​ച്ഛ​ൻ മ​രി​ച്ച​ശേ​ഷം പ​ല​പ്പോ​ഴും ഞാ​ൻ ആ​ലോ​ചി​ച്ചി​ട്ടു​ണ്ട് ഈ ​പാ​ച​ക​ത്തി​ന്‍റെ മി​ടു​ക്ക് എ​ന്താ​ണെ​ന്ന് അ​ച്ഛ​നോ​ടു ചോ​ദി​ച്ചു മ​ന​സി​ലാ​ക്കാ​ൻ ക​ഴി​ഞ്ഞി​ല്ല​ല്ലോ എ​ന്ന്. അ​തേ​ക്കു​റി​ച്ചോ​ർ​ക്കു​മ്പോ​ൾ വ​ല്ലാ​ത്ത ഒ​രു ന​ഷ്ട​ബോ​ധ​വും എ​ന്നി​ലു​ണ്ടാ​കാ​റു​ണ്ട്.’-ശ്രീനിവാസൻ പറയുന്നു.

പാ​ട്യ​ത്തു നി​ന്ന് നാ​ല​ഞ്ചു കി​ലോ​മീ​റ്റ​ർ അ​ക​ലെ ചെ​റു​വാ​ഞ്ചേ​രി​യി​ൽ കൂ​ട്ടു​കാ​രോ​ടൊ​പ്പം പൂ​വി​റു​ക്കാ​ൻ പോ​യ ബാ​ല്യം ഇ​ന്നും ശ്രീ​നി​വാ​സ​ന്‍റെ സ്മ​ര​ണ​ക​ളി​ലു​ണ്ട്. 'ജ​ന​വാ​സം കു​റ​ഞ്ഞ സ്ഥ​ല​മാ​യി​രു​ന്നു ചെ​റു​വാ​ഞ്ചേ​രി. ഇ​ട​യ്ക്ക് ഒ​രു പി​ക്നി​ക് പോ​ലെ ഞ​ങ്ങ​ൾ കു​റെ കു​ട്ടി​ക​ൾ പൂ​ക്കൊ​ട്ട​യു​മാ​യി ചെ​റു​വാ​ഞ്ചേ​രി​യി​ലെ​ത്തും. വി​വി​ധ ത​ര​ത്തി​ലു​ള്ള പൂ​ക്ക​ളാ​ണ് അ​വി​ടെ ഉ​ണ്ടാ​വു​ക. ഇ​ന്നു പൂ​ക്കൊ​ട്ട​യു​മാ​യി കു​ട്ടി​ക​ൾ പൂ​പ​റി​ക്കാ​ൻ പോ​കു​ന്ന കാ​ഴ്ച ത​ന്നെ അ​പൂ​ർ​വം. അ​ല്ലെ​ങ്കി​ൽ, അ​തി​നു പൂ​ക്ക​ളെ​വി​ടെ? ത​മി​ഴ്നാ​ട്ടി​ൽ​നി​ന്നു വ​രു​ന്ന പൂ​വി​ലും വാ​ഴ​യി​ല​യി​ലു​മൊ​ക്കെ​യ​ല്ലേ ന​മ്മ​ൾ ഓ​ണം ആ​ഘോ​ഷി​ക്കു​ന്ന​ത്?'

ഓ​ണ​ത്തി​നും വി​ഷു​വി​നും അ​ച്ഛ​ൻ വാ​ങ്ങി​ത്ത​രാ​റു​ള്ള പു​ത്ത​ൻ ഉ​ടു​പ്പി​ന്‍റെ മ​ണം ശ്രീ​നി​വാ​സ​ന്‍റെ മ​ന​സി​ലു​ണ്ട്. കൊ​ട്ടി​യോ​ടി ജ​ങ്ഷ​നി​ലെ അ​ന​ന്തേ​ട്ട​ന്‍റെ തു​ണി​ക്ക​ട​യി​ൽ​നി​ന്ന് വാ​ങ്ങി​ച്ച് രാ​വു​ണ്ണി​യേ​ട്ട​നെ​ക്കൊ​ണ്ട് ത​യ്പ്പി​ച്ച​ണി​യു​ന്ന ഓ​ണ​ക്കോ​ടി. 'എ​ത്ര സാമ്പ​ത്തി​ക പ്ര​യാ​സ​മു​ണ്ടാ​യാ​ലും ക​ട​മാ​യി​ട്ടാ​ണെ​ങ്കി​ലും ഞ​ങ്ങ​ൾ​ക്ക് അ​ച്ഛ​ൻ ഓ​ണ​ക്കോ​ടി വാ​ങ്ങി​ക്കൊ​ണ്ടു​വ​രും....' കു​ട്ടി​ക്കാ​ല​ത്തൊ​ക്കെ ഇ​തി​ൽ വ​ലി​യ താ​ത്പ​ര്യ​മാ​യി​രു​ന്നു. ഇ​പ്പോ​ൾ ആ​വ​ശ്യ​ത്തി​നു​ള്ള വ​സ്തു​ക്ക​ൾ വാ​ങ്ങി​ക്കും. ഭാ​ര്യ​യ്ക്കാ​യാ​ലും മ​ക്ക​ൾ​ക്കാ​യാ​ലും ശ​രി. ഓ​ണ​ദി​വ​സം ത​ന്നെ വേ​ണമെന്ന നി​ർ​ബ​ന്ധ​മൊ​ന്നും ഞ​ങ്ങ​ൾ​ക്കി​ല്ല.’-ശ്രീനി പറയുന്നു.