ഒടിടിയിൽ ​ഗേൾഫ്രണ്ടും കമ്യൂണിസ്റ്റ് പച്ചയും

പ്രേക്ഷപ്രീതി നേടിയ മലയാളചിത്രങ്ങളുൾപ്പെടെ ഒടിടിയിലെത്തി. യുവതാരം പ്രണവ് മോഹന്‍ലാലിന്റെ ഡീയെസ് ഈറെയ്ക്കു പുറമേ, അല്‍ത്താഫ് സലീമിന്റെ കമ്യൂണിസ്റ്റ് പച്ച അഥവ അപ്പ, മൊഴിമാറ്റം ചെയ്‌തെത്തിയ രശ്മിക മന്ദാനയുടെ ദ് ഗേള്‍ഫണ്ട് എന്നീ ചിത്രങ്ങളാണ് ഒടിടിയില്‍ സ്ട്രീമിങ് ആരംഭിച്ചത്.

ദ് ഗേള്‍ഫ്രണ്ട് (മലയാളം-ഡബ്)

• അഭിനേതാക്കള്‍: രശ്മിക മന്ദാന, ദീക്ഷിത് ഷെട്ടി, അനു ഇമ്മാനുവല്‍, രാഹുല്‍ രവീന്ദ്രന്‍, റാവു രമേഷ്, രോഹിണി മൊല്ലേട്ടി

• സംവിധായകന്‍: രാഹുല്‍ രവീന്ദ്രന്‍

• വിഭാഗം: റൊമാന്റിക് ഡ്രാമ

• ദൈര്‍ഘ്യം: 2 മണിക്കൂര്‍ 30 മിനിറ്റ്

• സ്ട്രീമിങ് തീയതി: ഡിസംബര്‍ 5, 2025

• പ്ലാറ്റ്‌ഫോം: നെറ്റ്ഫ്‌ളിക്‌സ്

രശ്മിക മന്ദാന പ്രധാന വേഷത്തില്‍ എത്തുന്ന പ്രണയചിത്രമാണ് 'ദ് ഗേള്‍ഫ്രണ്ട്'. അച്ഛന്റെ കീഴില്‍ വളര്‍ന്ന ഭൂമാദേവി എന്ന പെണ്‍കുട്ടി ഇംഗ്ലീഷ് സാഹിത്യത്തില്‍ ബിരുദാനന്തര ബിരുദം നേടുന്നതിനായി ഹൈദരാബാദിലെ കോളജില്‍ ചേരുന്നതാണ് സിനിമയുടെ ഇതിവൃത്തം. അതേ കോളജിലെ വിദ്യാര്‍ഥിയായ വിക്രമുമായി ഭൂമയ്ക്കു സൗഹൃദമുണ്ടാകുന്നു. തുടക്കത്തില്‍ ഭൂമ മടിച്ചെങ്കിലും പിന്നീട് ഇരുവരും പ്രണയത്തിലാകുന്നു.

കമ്യൂണിസ്റ്റ് പച്ച അഥവ അപ്പ

• അഭിനേതാക്കള്‍: നസ്ലിന്‍ ജമീല സലീം, അല്‍ത്താഫ് സലിം, സജിന്‍ ചെറുകയില്‍, സക്കറിയ, രഞ്ജി കാങ്കോല്‍

• സംവിധായകന്‍: ഷമീം മൊയ്തീന്‍

• ദൈര്‍ഘ്യം: 1 മണിക്കൂര്‍ 56 മിനിറ്റ്

• പ്ലാറ്റ്‌ഫോം: സൈന പ്ലേ

കോവിഡ്-19 മഹാമാരിയുടെ സമയത്ത്, നിരവധി പ്രശ്‌നങ്ങളെത്തുടര്‍ന്ന് നിരാശബാധിതനായ വാഹിദ് എന്ന ചെറുപ്പക്കാരന്റെ കഥയാണ് കമ്യൂണിസ്റ്റ് പച്ച അഥവ അപ്പ പറയുന്നത്. നാട്ടിലേക്കു മടങ്ങിയ വാഹിദ് തന്റെ പഴയ സുഹൃത്തുക്കളുമായി വീണ്ടും ഒന്നിക്കുമ്പോള്‍, സമൂഹത്തിനുള്ളിലെ അന്തര്‍ലീനമായ സംഘര്‍ഷങ്ങളെ നേരിടേണ്ടിവരുന്നു.

ഈ റിലീസുകള്‍ക്ക് പുറമേ, മറ്റ് നിരവധി ദക്ഷിണേന്ത്യന്‍ സിനിമകളും ഈ ആഴ്ച ഒടിടിയില്‍ എത്തുന്നുണ്ട്.