പ്രണവിന്‍റെ 'ഡീയസ് ഇറെ' ഒടിടിയിലേക്ക്; ഇനി സ്വീകരണമുറിയിലിരുന്ന് പേടിക്കാം

പ്രണവ് മോഹൻലാലിന്‍റെ ഹൊറർ ത്രില്ലർ 'ഡീ​യ​സ് ഈ​റെ' ഒ​ടി​ടി​ സ്ട്രീമിങ്ങിന് ഒരുങ്ങുന്നു. ഡിസംബർ അഞ്ചിന് ജിയോ ഹോ​ട്ട്സ്റ്റാ​റി​ലാ​ണ് ചി​ത്രത്തിന്‍റെ സ്ട്രീമിങ് ആരംഭിക്കുന്നത്. ഒടിടി റിലീസിനായി ആരാധകർ ആവേശത്തോടെ കാത്തിരുന്ന ചിത്രമാണ് "ഡീയസ് ഈറെ'. ഒ​ക്ടോ​ബ​ർ 31ന് ​ആണ് ചിത്രം തി​യ​റ്റ​റി​ൽ റി​ലീ​സ് ചെ​യ്തത്. മികച്ച പ്രേക്ഷകപ്രീതി നേടിയ ചിത്രം ബോക്സ്ഓഫീസിൽ കോടികൾ വാരിക്കൂട്ടുകയും ചെയ്തു. ഒ​രു മാ​സ​ത്തി​ന് ശേ​ഷ​മാ​ണ് ചി​ത്രം ഒ​ടി​ടി​യി​ലെ​ത്തു​ന്ന​ത്.

ഹൊറർ ചിത്രങ്ങളിലൂടെ ജനപ്രിയ സംവിധായകനായി മാറിയ രാഹുൽ സദാശിവനാണ് ചിത്രം സംവിധാനം ചെയ്തത്. രാഹുലിന്‍റെ ഭ്ര​മ​യു​ഗം, ഭൂ​ത​കാ​ലം എന്നീ ചിത്രങ്ങൾ വൻ വിജയമായിരുന്നു. സംവിധായകന്‍റെ ക്രാഫ്റ്റ്, ടെക്നീഷൻമാരുടെ മികവ്, അഭിനേതാക്കളുടെ മികച്ച പ്രകടനം എന്നി ചേർന്ന വെള്ളിത്തിരയിലെ വിസ്മയമാണ് 'ഡീയസ് ഈറെ'. പ്രണവിന്‍റെ ഇതുവരെയുള്ള കഥാപാത്രങ്ങളിൽനിന്ന് ഏറെ വ്യത്യസ്തമാണ് "ഡീയസ് ഈറെ'യിലെ രോഹൻ ശങ്കർ.

നിർമാണം: ചക്രവർത്തി രാമചന്ദ്ര-എസ്. ശശികാന്ത്, സം​ഗീ​തം: ക്രി​സ്റ്റോ സേ​വ്യ​ർ, ഡിഒപി: ഷെ​ഹ്‌​നാ​ദ് ജ​ലാ​ൽ, എ​ഡി​റ്റ​ർ: ഷ​ഫീ​ക്ക് മു​ഹ​മ്മ​ദ് അ​ലി, മേ​ക്ക​പ്പ്: റോ​ണ​ക്സ് സേ​വ്യ​ർ, കോ​സ്റ്റ്യൂം ഡി​സൈ​ന​ർ: മെ​ൽ​വി ജെ, ​സ്റ്റ​ണ്ട്: ക​ലൈ കിം​ഗ്സ​ൺ, പ്രൊ​ഡ​ക്ഷ​ൻ ക​ൺ​ട്രോ​ള​ർ: അ​രോ​മ മോ​ഹ​ൻ.