റോ​ന്ത്, സം​ശ​യം,കുബേര...ഈയാഴ്ച ഒടിടിയിൽ കാണാൻ ഒരുപാട്

ഈ ആഴ്ച ദക്ഷിണേന്ത്യയിലെ ഏറ്റവും വലിയ ഒടിടി റിലീസ് ധനുഷിന്റെ 'കുബേര'യാണ്. മലയാള ചിത്രങ്ങളായ റോ'ന്ത്','സംശയം', 'അസ്ത്രാ' എന്നിവയും സ്ട്രീമിങ് ആരംഭിക്കും. കൂടാതെ ഒരു വെബ് സീരീസും പുതുതായി എത്തി.

റോ​ന്ത്- ജിയോ ഹോട്സ്റ്റാർ

വ്യ​ത്യ​സ്ത​മാ​യ ച​ല​ച്ചി​ത്രാ​നു​ഭ​വ​മാ​ണ് 'റോ​ന്ത്'. അ​ടു​ത്തി​ടെ റി​ലീ​സ് ചെ​യ്ത​തി​ൽ പ്രേ​ക്ഷ​ക​പ്രീ​തി നേ​ടി​യ ചി​ത്രം. അ​വ​ത​ര​ണ​ത്തി​ലും പ്ര​മേ​യ​ത്തി​ലു​മു​ള്ള പു​തു​മ പ്രേ​ക്ഷ​ക​രെ ആ​ക​ർ​ഷി​ക്കു​ക​യും ചെ​യ്തു. 22ന് ​ജി​യോ ഹോ​ട്ട്സ്റ്റാ​റി​ൽ 'റോ​ന്ത്' സ്ട്രീ​മി​ങ് ആ​രം​ഭി​ക്കും. ര​ണ്ടു പോ​ലീ​സു​കാ​രു​ടെ ക​ഥ​യാ​ണ് സിനിമ പ​റ​യു​ന്ന​ത്. ഒ​രു വൈ​കു​ന്നേ​രം മു​ത​ല്‍ പി​റ്റേ​ദി​വ​സം രാ​വി​ലെ വ​രെ​യു​ള്ള യാ​ത്ര​യാ​ണ് ഇ​തി​വൃ​ത്തം. സ​സ്പെ​ൻ​സ് നി​റ​ഞ്ഞ രം​ഗ​ങ്ങ​ളി​ലൂ​ടെ 'റോ​ന്ത്' പ്രേ​ക്ഷ​ക​രെ കൊ​ണ്ടു​പോ​കു​ന്നു.

ദി​ലീ​ഷ് പോ​ത്ത​നും റോ​ഷ​ന്‍ മാ​ത്യു​വു​മാ​ണ് പ്ര​ധാ​ന ക​ഥാ​പാ​ത്ര​ങ്ങ​ളാ​കു​ന്ന​ത്. യോ​ഹ​ന്നാ​ൻ എ​ന്ന ക​ഥാ​പാ​ത്ര​ത്തെ​യാ​ണ് ദി​ലീ​ഷ് അ​വ​ത​രി​പ്പി​ക്കു​ന്ന​ത്. ദി​ൻ​നാ​ഥ് എ​ന്ന ക​ഥാ​പാ​ത്ര​മാ​യാ​ണ് റോ​ഷ​ൻ മാ​ത്യു എ​ത്തു​ന്ന​ത്. 'ഇ​ല​വീ​ഴാ​പൂ​ഞ്ചി​റ' എ​ന്ന ചി​ത്ര​ത്തി​നു​ശേ​ഷം ഷാ​ഹി ക​ബീ​ർ ര​ച​ന​യും സം​വി​ധാ​ന​വും നി​ർ​വ​ഹി​ച്ച ചി​ത്ര​മാ​ണ് റോ​ന്ത്.

ഫെ​സ്റ്റി​വ​ൽ സി​നി​മാ​സി​ന്‍റെ ബാ​ന​റി​ൽ ര​തീ​ഷ് അ​മ്പാ​ട്ട്, ര​ഞ്ജി​ത്ത് ഇ​വി​എം, ജോ​ജോ ജോ​സ് എ​ന്നി​വ​രും ജം​ഗ്ലീ പി​ക്ചേ​ഴ്സി​നു വേ​ണ്ടി വി​നീ​ത് ജെ​യി​നും ചേ​ർ​ന്നാ​ണ് നി​ർ​മാ​ണം. സു​ധി കോ​പ്പ, അ​രു​ണ്‍ ചെ​റു​കാ​വി​ല്‍, ന​ന്ദ​നു​ണ്ണി, ക്രി​ഷ കു​റു​പ്പ് എ​ന്നി​വ​രും ശ​ദ്ധേ​യ ക​ഥാ​പാ​ത്ര​ങ്ങ​ളെ അ​വ​ത​രി​പ്പി​ക്കു​ന്നു. സോ​ഷ്യ​ല്‍ മീ​ഡി​യ താ​ര​ങ്ങ​ളാ​യ ല​ക്ഷ്മി മേ​നോ​ന്‍, ബേ​ബി ന​ന്ദൂ​ട്ടി തു​ട​ങ്ങി​യ​വ​രും ചി​ത്ര​ത്തി​ലു​ണ്ട്.

സം​ശ​യം-മനോരമ മാക്സ്

രാ​ജേ​ഷ് ര​വി ര​ച​ന​യും സം​വി​ധാ​നവും നി​ർ​വ​ഹി​ച്ച 'സം​ശ​യം' ഒ​ടി​ടി​യി​ൽ എ​ത്തു​ന്നു. വി​ന​യ് ഫോ​ര്‍​ട്ട്, ഷ​റ​ഫു​ദ്ദീ​ന്‍ എ​ന്നി​വ​രാ​ണു പ്ര​ധാ​ന​ക​ഥാ​പാ​ത്ര​ങ്ങ​ൾ. ലി​ജോ​മോ​ള്‍, പ്രി​യം​വ​ദ കൃ​ഷ്ണ​ന്‍ എ​ന്നി​വ​രും പ്ര​ധാ​ന ക​ഥാ​പാ​ത്ര​ങ്ങ​ളാ​കു​ന്ന സം​ശ​യ​ത്തി​ന്‍റെ സ്ട്രീ​മി​ങ് മ​നോ​ര​മ മാ​ക്സിൽ ആ​ണ്. അ​ടു​ത്ത​യാ​ഴ്ച മു​ത​ൽ പ്രേ​ക്ഷ​ക​ർ​ക്കു ചി​ത്രം കാ​ണാം.

1895 സ്റ്റു​ഡി​യോ​സി​ന്‍റെ ബാ​ന​റി​ൽ സു​രാ​ജ് പി.​എ​സ്, ഡി​ക്സ​ൺ പൊ​ടു​ത്താ​സ്, ലി​നോ ഫി​ലി​പ്പ് എ​ന്നി​വ​രാ​ണ് 'സം​ശ​യ​'ത്തി​ന്‍റെ നി​ർ​മാ​താ​ക്ക​ൾ. ക്യാ​മ​റ- മ​നീ​ഷ് മാ​ധ​വ​ൻ. എ​ഡി​റ്റി​ങ്- ലി​ജോ പോ​ൾ.

അസ്ത്രാ-മനോരമ മാക്സ്

മനോരമ മാക്‌സിലൂടെ 'അസ്ത്രാ'യും ഒടിടിയില്‍ എത്തി. വയനാട്ടില്‍ രണ്ട് കൊലപാതകങ്ങള്‍ നടത്തിയശേഷം ചോരകൊണ്ട് അസ്ത്രചിഹ്നം വരച്ച് അവിടെനിന്ന് രക്ഷപ്പെടുന്ന കുറ്റവാളികളെ കണ്ടെത്താന്‍ പോലീസ് നടത്തുന്ന ശ്രമങ്ങളാണ് 'അസ്ത്രാ'യില്‍ അനാവരണം ചെയ്യുന്നത്. നിരവധി സാമൂഹ്യവിഷയങ്ങളും ചിത്രം കൈകാര്യം ചെയ്യുന്നുണ്ട്. പിരിമുറുക്കവും ആക്ഷന്‍ രംഗങ്ങളുമായിരിക്കും സിനിമയുടെ ഹൈലൈറ്റ് എന്നാണ് ട്രെയിലര്‍ നല്‍കുന്ന സൂചന. സുഹാസിനി കുമാരന്‍, സെന്തില്‍ കൃഷ്ണ എന്നിവരാണ് മുഖ്യകഥാപാത്രങ്ങള്‍.

കുബേര-ആമസോൺ പ്രൈം

ധനുഷിന്റെയും തെലുങ്ക് സംവിധായകന്‍ ശേഖര്‍ കമ്മുലുടെയും കൂട്ടുകെട്ടില്‍ പുറത്തിറങ്ങിയ 'കുബേര' തമിഴ് ബോക്‌സ്ഓഫീസില്‍ തരംഗമായില്ലെങ്കിലും തെലുങ്കില്‍ വന്‍ വിജയമായിരുന്നു. തിരുപ്പതിയിലെ ഒരു യാചകനായാണ് ധനുഷ് അഭിനയിക്കുന്നത്. നാഗാര്‍ജുനയും ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നു. രശ്മിക മന്ദാനയും പ്രധാന വേഷത്തില്‍ എത്തുന്നുണ്ട്. ഭാഗ്യരാജും മലയാളിതാരം ഹരീഷ് പേരടിയും ചിത്രത്തില്‍ മികച്ച കഥാപാത്രങ്ങള്‍ കൈകാര്യം ചെയ്യുന്നു.

സട്ടവും നീതിയും-സീ5

സീ5 ഒടിടി പ്ലാറ്റ്‌ഫോമിലൂടെ 'സട്ടവും നീതിയും' എന്ന വെബ്‌സീരീസും പ്രേക്ഷകരിലേക്കെത്തി. നവാഗതനായ ബാലാജി സെല്‍വരാജ് സംവിധാനം ചെയ്ത തമിഴ് വെബ് സീരീസില്‍ ശരവണന്‍ പ്രധാനകഥാപാത്രമാകുന്നു. കോടതി വളപ്പില്‍വച്ചു കാണാതായ ഒരു പെണ്‍കുട്ടിയുടെ അച്ഛന്‍ സ്വയം തീകൊളുത്തി ജീവനൊടുക്കിയ കേസ് ഏറ്റെടുക്കാന്‍ തീരുമാനിക്കുന്ന, അത്ര അറിയപ്പെടാത്ത അഭിഭാഷകന്‍ സുന്ദര മൂര്‍ത്തിയെ ചുറ്റിപ്പറ്റിയാണ് പരമ്പര നീങ്ങുന്നത്. കുടുംബ പ്രേക്ഷകരെ ലക്ഷ്യമിട്ടുള്ള ഇതിൽ സസ്‌പെന്‍സിനും ഏറെ പ്രധാന്യമുണ്ട്.