ഓണത്തിനുമുമ്പേ ഒടിടി ആഘോഷം,കളംനിറയ്ക്കാൻ ബി​ഗ് ബോ​സ് മ​ല​യാ​ളം സീ​സ​ൺ 7

മലയാളികളുടെ പ്രിയതാരം മോഹൻലാൽ അവതാരകനാകുന്ന ബിഗ് ബോസ് മലയാളം സീസൺ 7 ഉൾപ്പെടെ ആരാധകർ കാത്തിരിക്കുന്ന ഷോകളും ചിത്രങ്ങളുമായി ഈവാരം ഒടിടിയിൽ ആഘോഷം.

ബി​ഗ് ബോ​സ് മ​ല​യാ​ളം സീ​സ​ൺ 7-ജിയോഹോട്സ്റ്റാർ

ബിഗ് ബോസ് സീസൺ ഏഴിൽ നിരവധി പ്രമുഖർ അണിനിരക്കുന്നു. മത്സരാർഥികളെ ഔദ്യോ​ഗികമായി പ്രഖ്യാപിച്ചില്ലെങ്കിലും ലിജോ ജോസ് പെല്ലിശേരി സംവിധാനം ചെയ്ത 'അങ്കമാലി ഡയറീസി'ലൂടെ ശ്രദ്ധ നേടിയ നടൻ അപ്പാനി ശരത് ആണ് ഏഴാം ഭാഗത്തിലെ സെലിബ്രിറ്റി മത്സരാർഥികളിലൊരാളെന്നാണ് പുറത്തുവരുന്ന വിവരം. വെളിപാടിന്‍റെ പുസ്തകം, പോക്കിരി സൈമൺ, സച്ചിൻ, തമിഴ് ചിത്രം സണ്ടകോഴി 2 എന്നിവയാണ് അപ്പാനി ശരതിന്‍റെ ശ്രദ്ധേയ ചിത്രങ്ങൾ. 'ഗീത ഗോവിന്ദം' സീരിയൽ ഫെയിം ബിന്നി സെബാസ്റ്റ്യൻ,ടെലിവിഷന്‍ പരമ്പരകളിലൂടെ ശ്രദ്ധിക്കപ്പെട്ട അനുമോൾ, മിനിസ്ക്രീൻ പ്രേക്ഷകർക്ക് സുപരിചിതനായ ജിഷിൻ മോഹൻ, സീരിയൽ താരം ഷാനവാസ് ഷാനു, സോഷ്യൽ മീഡിയയിലെ വൈറൽ താരം രേണു സുധി തുടങ്ങിയവരും സീസൺ 7-ൽ ഉണ്ടാകുമെന്നാണ് സ്ഥിരീകരിക്കാത്ത റിപ്പോർട്ട്.

എ​ൻ​ഡ​മോ​ൾ ഷൈ​ൻ ഇ​ന്ത്യ​യും ബ​നി​ജ​യും ചേ​ർ​ന്ന് നി​ർ​മി​ക്കു​ന്ന ഇ​ന്ത്യ​ൻ റി​യാ​ലി​റ്റി ടെ​ലി​വി​ഷ​ൻ പ​ര​മ്പ​ര​യാ​യ ബി​ഗ് ബോ​സ് മ​ല​യാ​ളം പ​തി​പ്പി​ന്‍റെ ഏ​ഴാ​മ​ത്തെ സീ​സ​ൺ ഏ​ഷ്യാ​നെ​റ്റി​ലും ജി​യോ​ഹോ​ട്ട്സ്റ്റാ​റിലും സംപ്രേഷ​ണം ചെ​യ്യും. തു​ട​ർ​ച്ച​യാ​യ ഏ​ഴാം വ​ർ​ഷ​വും മോ​ഹ​ൻ​ലാ​ൽ സീ​സ​ൺ അ​വ​താ​ര​ക​നാ​കും. ഓഗസ്റ്റ് മൂന്നിന് വൈകീട്ട് ഏഴു മുതലാണ് സംപ്രേക്ഷണം.

ട്വി​സ്റ്റ​ഡ് മെ​റ്റ​ൽ സീസൺ 2-സോണി ലിവ്

നർമത്തിനും ആക്ഷനും പ്രാധാന്യം നൽകുന്ന അമേരിക്കൻ ടെലിവിഷൻ സീരീസ് ട്വി​സ്റ്റ​ഡ് മെ​റ്റ​ൽ സീസൺ 2 പ്രേക്ഷകരിലേക്കെത്തുന്നു. റി​ലീ​സ് തീ​യ​തി ജൂ​ലൈ 31. സോണി ലൈവ് സ്ട്രീം ചെയ്യും. ക​ഴി​ഞ്ഞ സീ​സ​ൺ അ​വ​സാ​നി​ച്ച് ഏ​ഴു മാ​സ​ങ്ങ​ൾ​ക്കു ശേ​ഷ​മാ​ണ് പുതിയ ഭാഗം. പു​തി​യ​തും പ​ഴ​യ​തു​മാ​യ താരങ്ങൾ മ​ത്സ​രി​ക്കു​ന്ന ട്വി​സ്റ്റ​ഡ് മെ​റ്റ​ൽ പ്രേക്ഷകരെ സസ്പെൻസും ത്രില്ലറും കോമഡിയും നിറഞ്ഞ ലോകത്തേക്കു കൊണ്ടുപോകും.

ത​മ്മു​ഡു-നെറ്റ്ഫ്ളിക്സ്

നി​തി​ൻ, സപ്തമി ഗൗഡ എന്നിവർ പ്ര​ധാ​ന വേ​ഷ​ത്തി​ലെ​ത്തു​ന്ന ആ​ക്ഷ​ൻ-​ഡ്രാ​മ​ 'ത​മ്മു​ഡു' ഓ​ഗ​സ്റ്റ് ഒന്നിന് നെ​റ്റ്ഫ്ലി​ക്സി​ൽ സ്ട്രീ​മിങ് ആ​രം​ഭി​ക്കും. തെ​ലു​ങ്കിനുപുറമേ ത​മി​ഴ്, ക​ന്ന​ഡ, മ​ല​യാ​ളം എന്നീ ഭാ​ഷ​ക​ളി​ലും സ്ട്രീം ​ചെ​യ്യും. മലയാളി താരം സ്വാസികയും ചിത്രത്തിലുണ്ട്. ലയ, വർഷ ബൊല്ലമ്മ, ഹരി തേജ, സൗരഭ് സച്ച്ദേവ, ശ്രീകാന്ത് അയ്യങ്കാർ എന്നിവരും പ്രധാനവേഷങ്ങൾ കൈകാര്യം ചെയ്യുന്നു.

ക്യൂംകി സാ​സ് ഭി ​ക​ഭി ബ​ഹു തി 2- ജിയോഹോട്സ്റ്റാർ

മുൻ കേന്ദ്രമന്ത്രിയും അഭിനേത്രിയുമായ സ്മൃതി ഇറാനി കേന്ദ്രകഥാപാത്രമാകുന്ന ക്യൂംകി സാ​സ് ഭി ​ക​ഭി ബ​ഹു തി 2 ഒടിടിയിലേക്ക്. ​ബാ​ലാ​ജി പ്രൊ​ഡ​ക്ഷ​ൻ​സി​ന്‍റെ ബാനറിൽ ശോഭ കപുറും ഏക്ത കപുറും ചേർന്ന് നിർമിച്ച പരമ്പരയുടെ തു​ട​ർ​ച്ച​യാണ് ക്യൂംകി സാ​സ് ഭി ​ക​ഭി ബ​ഹു തി 2. ​ഷോ​യു​ടെ പ്രീ​മി​യ​ർ 29ന് സ്റ്റാർ പ്ലസ്, ജിയോ ഹോട്ട്സ്റ്റാർ എന്നിവയിൽ. തു​ള​സി വി​രാ​നി​യാ​യുള്ള സ്മൃ​തിയുടെ തിരിച്ചുവരവ് ആഘോഷമാക്കുകയാണ് ആരാധകർ.

ഹൗ​സ്‌​ഫു​ൾ 5-പ്രൈം വീഡിയോ

ബോളിവുഡിലെ വമ്പൻ താരങ്ങൾ വെള്ളിത്തിരയിൽ നിറഞ്ഞാടിയ ഹൗസ്ഫുൾ 5 ഒടിടിയിൽ എത്തുന്നു. അക്ഷയ് കുമാർ, അഭിഷേക് ബച്ചൻ, റിതേഷ് ദേശ്മുഖ്, ജാക്വിലിൻ ഫെർണാണ്ടസ്, സോനം ബജ്‌വ, നർഗീസ് ഫക്രി, ദിനോ മോരിയ, സഞ്ജയ് ദത്ത്, ജാക്കി ഷ്രോഫ്, നാന പടേക്കർ, ജോണി ലിവർ തുടങ്ങിയ വൻതാരങ്ങളാണ് ചിത്രത്തിലുള്ളത്. ജൂൺ ആറിനായിരുന്നു ചിത്രം തിയറ്ററുകളിലെത്തിയത്. ഒരു മാസം പിന്നിട്ടപ്പോൾ ചിത്രം ഒടിടിയിലും എത്തുകയാണ്. ഓഗസ്റ്റ് ഒന്നു മുതൽ പ്രൈം വീഡിയോയിൽ ചിത്രം കാണാം. ഹൗ​സ്ഫു​ൾ 5- കോ​മ​ഡി ത്രി​ല്ല​ർ ചി​ത്ര​മാ​ണ്. ത​രു​ൺ മ​ൻ​സു​ഖാ​നി സ​ഹ-​ര​ച​ന​യും സം​വി​ധാ​ന​വും നി​ർവഹിക്കുന്നു. ന​ദി​യാ​ദ് വാല ഗ്രാ​ൻ​ഡ്സ​ൺ എന്‍റ​ർ​ടെ​യ്ൻ​മെ​ന്‍റിന്‍റെ ബാ​ന​റി​ൽ സാ​ജി​ദ് ന​ദി​യാ​ദ് വാല, വാ​ർ​ദ ന​ദി​യാ​ദ് വാല, ഫി​റൂ​സി ഖാ​ൻ എ​ന്നി​വ​ർ ചേ​ർ​ന്നാ​ണ് ചിത്രം നി​ർ​മിച്ചത്.