ട്രാന്‍സ് വുമണ്‍ നേഹ നായികയായ 'അന്തരം' മനോരമ മാക്‌സില്‍

ട്രാന്‍സ് വുമണ്‍ നേഹ നായികയായ  'അന്തരം' പോസ്റ്റർ
'അന്തരം' പോസ്റ്റർഅറേഞ്ച്ഡ്
Published on

മലയാള സിനിമയുടെ ചരിത്രത്തില്‍ ആദ്യമായി മികച്ച ട്രാന്‍സ്‌ജെന്‍ഡര്‍ അഭിനേത്രിക്കുള്ള സംസ്ഥാന ചലച്ചിത്ര പുരസ്‌കാരം നേടിയ നേഹ നായികയായ 'അന്തരം' ഒടിടിയില്‍ കാണാം. മനോരമ മാക്‌സില്‍ നവംബര്‍ 15 ന് സ്ട്രീമിങ് ആരംഭിച്ചു. പൊതു സമൂഹത്തില്‍ ട്രാന്‍സ്‌ജെന്‍ഡര്‍ സമൂഹം നേരിടുന്ന അവഗണനകള്‍ വരച്ചുകാട്ടുന്നതാണ് 'അന്തരം'.

Must Read
ദിലീപ് നായകനാകുന്ന D152 തുടങ്ങി;സംവിധാനം: ജഗൻ ഷാജി കൈലാസ്
ട്രാന്‍സ് വുമണ്‍ നേഹ നായികയായ  'അന്തരം' പോസ്റ്റർ

ഫോട്ടോ ജേണലിസ്റ്റായ പി. അഭിജിത്ത് സംവിധാനം ചെയ്ത അന്തരത്തിലെ മികച്ച പ്രകടനത്തിനാണ് ചെന്നൈ സ്വദേശിയായ ട്രാന്‍സ് വുമണ്‍ നേഹയ്ക്ക് സംസ്ഥാന ചലച്ചിത്ര അവാര്‍ഡ് ലഭിച്ചത്. സൗത്ത് ഏഷ്യയിലെ പ്രമുഖ ഫിലിം ഫെസ്റ്റിവലായ കാഷിഷ് മുംബൈ ക്വീര്‍ ഫിലിം ഫെസ്റ്റിവലില്‍ ഉദ്ഘാടന ചിത്രവുമായിരുന്നു അന്തരം. ബംഗളൂരു ക്വീര്‍ ഫിലിം ഫെസ്റ്റിവല്‍, ജയ്പുര്‍ ഇന്റര്‍നാഷണല്‍ ഫിലിം ഫെസ്റ്റിവല്‍, ഐഎഫ്എഫ്ടി എന്നീ ഫിലിം ഫെസ്റ്റിവലുകളില്‍ പ്രദര്‍ശിപ്പിച്ച അന്തരത്തില്‍ മുറ, എസ്. ദുര്‍ഗ എന്നീ ചിത്രങ്ങളിലൂടെ ശ്രദ്ധേയനായ കണ്ണന്‍ നായരാണ് നായകന്‍. 'രക്ഷാധികാരി ബൈജു' വിലെ അഭിനയത്തിന് മികച്ച ബാലതാരത്തിനുള്ള സംസ്ഥാന അവാര്‍ഡ് ലഭിച്ച നക്ഷത്ര മനോജ് മറ്റൊരു പ്രധാന കഥാപാത്രത്തെ അവതരിപ്പിക്കുന്നു.

ട്രാന്‍സ് വുമണ്‍ നേഹ നായികയായ  'അന്തരം' ഒടിടി റിലീസ് പോസ്റ്റർ
'അന്തരം' ഒടിടി റിലീസ് പോസ്റ്റർഅറേഞ്ച്ഡ്

എഴുത്തുകാരിയും അഭിനേത്രിയും പ്രമുഖ ട്രാന്‍സ് ആക്റ്റിവിസ്റ്റുമായ എ. രേവതിയും ട്രാന്‍സ്മാന്‍ വിഹാന്‍ പീതാംബറും അതിഥിതാരമായി എത്തുന്നു എന്ന പ്രത്യേകതയുമുണ്ട്. രാജീവ് വെള്ളൂര്‍, ഗിരീഷ് പെരിഞ്ചേരി, എല്‍സി സുകുമാരന്‍, കാവ്യ, ദീപാറാണി, ലയ മരിയ ജയ്‌സണ്‍, സിയ പവല്‍, പൂജ, മുനീര്‍ഖാന്‍, ജോമിന്‍ വി. ജിയോ, ബാബു ഇലവുംത്തിട്ട, ഗാഥ പി, രാഹുല്‍രാജീവ് എന്നിവരാണ് മറ്റ് അഭിനേതാക്കള്‍.

ഗ്രൂപ്പ് ഫൈവ് എന്റര്‍ടെയ്ന്‍മെന്റസിന്റെ ബാനറില്‍ ജോജോ ജോണ്‍ ജോസഫ്, പോള്‍ കൊള്ളാന്നൂര്‍, ജോമിന്‍ വി. ജിയോ, രേണുക അയ്യപ്പന്‍, എ. ഗോഭില എന്നിവരാണ് നിര്‍മാണം. സഹനിര്‍മാതാക്കള്‍ ജസ്റ്റിന്‍ ജോസഫ്, മഹീപ് ഹരിദാസ്. തിരക്കഥ, സംഭാഷണം ഷാനവാസ് എം എ, ഛായാഗ്രഹണം- എ. മുഹമ്മദ്, എഡിറ്റിങ്- അമല്‍ജിത്ത്.

Related Stories

No stories found.
Pappappa
pappappa.com