കണ്ണിടഞ്ഞുവോ..അതിലുലഞ്ഞുവോ..'ദുപ്പട്ട വാലി'പ്പാട്ടിൽ ഓടും കുതിര ചാടും കുതിര

ഫഹദ് ഫാസിലും കല്യാണി പ്രിയദർശനും ഒന്നിക്കുന്ന ‘ഓടും കുതിര ചാടും കുതിര’യിലെ 'ദുപ്പട്ട വാലി'യെന്ന ആദ്യ ലിറിക്കൽ സോങ് റിലീസ് ചെയ്തു. സുഹയിൽ കോയയുടെ വരികൾക്ക് സംഗീതം നൽകിയിരിക്കുന്നത് ജസ്റ്റിൻ വർ​ഗീസാണ്. സഞ്ജിത് ഹെഡ്ഗെയും അനില രാജീവുമാണ് 'ദുപ്പട്ട വാലി' യെന്ന റൊമാന്റിക് സോങ് പാടിയിരിക്കുന്നത്.

റൊമാന്റിക് കോമഡി ജോണറിലെത്തുന്ന സിനിമ ഓഗസ്റ്റ് 29നാണു തിയറ്ററുകളിലത്തും. നിരവധി സിനിമകളിലൂടെ മലയാളികളുടെ കയ്യടി ഏറ്റുവാങ്ങിയ പ്രിയപ്പെട്ട താരവും, സംവിധായകനുമായ, അൽത്താഫ് സലീമാണ് ചിത്രം സംവിധാനം ചെയ്തിരിക്കുന്നത്. അൽത്താഫ് തന്നെയാണ് തിരക്കഥയും. മലയാളത്തിൽ ഒട്ടേറെ ഹിറ്റുകൾ സമ്മാനിച്ച ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാനാണ് നിർമാണം.

ഫഹദിനും കല്യാണിക്കും പുറമേ രേവതി പിള്ള, വിനയ് ഫോർട്ട്, ലാൽ, സുരേഷ്കൃഷ്ണ, ബാബു ആൻ്റണി, ജോണി ആൻ്റണി, ലക്ഷ്മി ഗോപാലസ്വാമി, അനുരാജ്, വിനീത് വാസുദേവൻ തുടങ്ങിയ വലിയ താരനിര തന്നെ സിനിമയുടെ ഭാഗമായിട്ടുണ്ട്. ജിന്റോ ജോർജ് ഛായാഗ്രഹണം നിർവഹിക്കുന്നു. എഡിറ്റിങ്- നിധിൻ രാജ് അരോൾ. മാർക്കറ്റിങ് ആൻഡ് പ്രൊമോഷൻസ്- ഒബ്സ്ക്യൂറ എന്റർടെയ്ൻമെന്റ്സ്.