'ലോക'യുടേത് ടീം വിജയം; നൈല ഉഷ‍യ്ക്കും റിമ കല്ലിങ്കലിനുമെതിരേ വിജയ് ബാബു

'ലോക: ചാപ്റ്റർ 1 ചന്ദ്ര', റെക്കോഡുകൾ തകർത്തു തേരോട്ടം തുടരുകയാണ്. 300 കോടിയും പിന്നിട്ട് മലയാളത്തിൽ ഏറ്റവും കൂടുതൽ കളക്ഷൻ നേടുന്ന വിസ്മയചിത്രമായി 'ലോക:'. എന്നാൽ, 'ലോക' യുടെ വിജയത്തിന്‍റെ ക്രെഡിറ്റിനെക്കുറിച്ച് നടിമാരായ നൈല ഉഷയും റിമ കല്ലിങ്കലും നടത്തിയ പ്രസ്താവനകൾക്കെതിരേ നടനും നിർമാതാവുമായ വിജയ് ബാബു രംഗത്തെത്തി. സോഷ്യൽ മീഡിയയിലാണ് വിജയ് ബാബു തന്‍റെ വിമർശനം തുറന്നെഴുതിയത്.

'ലോക' ​യു​ടെ ആഗോളവിജയത്തിന്‍റെ ക്രെഡിറ്റ് സിനിമയുടെ നിർമാതാക്കൾക്കും ആ ടീമിനും മാത്രം അവകാശപ്പെട്ടതാണെന്ന് വിജയ് ബാബു പറഞ്ഞു. 'ലോക:' ബോക്സ്ഓഫീസ് വിജയം നേടിയതിന്‍റെ ക്രെഡിറ്റ് അതിലെ ന​ടി​മാ​ർ​ക്കും അ​ർ​ഹ​ത​പ്പെ​ട്ട​താ​ണെ​ന്ന് നൈ​ല ഉ​ഷ പ​റ​ഞ്ഞ​ത് ഏ​റെ ശ്ര​ദ്ധ നേ​ടി​യി​രു​ന്നു. തൊട്ടുപി​ന്നാ​ലെ റി​മ നടത്തിയ പ്രസ്താവനയും ചർച്ചയ്ക്കു കളമൊരുക്കി. 'ലോക:' പോലെ സ്ത്രീ കേന്ദ്രീകൃതമായൊരു സിനിമയുണ്ടാകാനുള്ള ഇടം സൃഷ്ടിച്ചതിൽ ഡബ്ല്യു.സി.സിക്കുള്ള പങ്കിനെപ്പറ്റിയായിരുന്നു റിമയുടെ പരാമർശം.

നേരത്തെയും വനിതാകേ​ന്ദ്രീ​കൃ​ത സി​നി​മ​ക​ൾ മലയാളത്തിൽ റിലീസ് ചെയ്തിട്ടുണ്ടെന്നും ബോക്സ് ഓഫീസുകൾ ഇളക്കിമറിച്ചിട്ടുണ്ടെന്നും അ​തിന്‍റെയെല്ലാം ക്രെ​ഡി​റ്റ് സി​നി​മ നി​ർ​മി​ച്ച​വ​ർ​ക്ക് മാ​ത്രം അ​വ​കാ​ശ​പ്പെ​ട്ട​താ​ണെ​ന്നുമായിരുന്നു ഇരുവരുടെയും പേരു പറയാതെ വിജയ് ബാബുവിന്‍റെ പ്രതികരണം.

'ദൈ​വ​ത്തി​ന് ന​ന്ദി. വൈ​ശാ​ലി, ഉ​ണ്ണി​യാ​ർ​ച്ച, ക​ട​ത്ത​നാ​ട്ട് മാ​ക്കം, ക​ള്ളി ചെ​ല്ല​മ്മ, അ​വ​ളു​ടെ രാ​വു​ക​ൾ, ആ​ദാ​മിന്‍റെ വാ​രി​യെ​ല്ല്, നീ​ല​ത്താ​മ​ര, പ​ഞ്ചാ​ഗ്നി, എന്‍റെ സൂ​ര്യ​പു​ത്രി​ക്ക്, ആ​കാ​ശ​ദൂ​ത്, ഇ​ൻ​ഡി​പെ​ൻ​ഡ​ൻ​സ്, എ​ൽ​സ​മ്മ എ​ന്ന ആ​ൺ​കു​ട്ടി, ന​ന്ദ​നം, ചി​ന്താ​വി​ഷ്ട​യാ​യ ശ്യാ​മ​ള, അ​ച്ചു​വിന്‍റെ അ​മ്മ, ക​ളി​മ​ണ്ണ്, ഹൗ ​ഓ​ൾ​ഡ് ആ​ർ യു, 22 ഫീ​മെ​യി​ൽ കോ​ട്ട​യം തു​ട​ങ്ങി അ​നേ​കം മി​ക​ച്ച സി​നി​മ​ക​ളുടെ 'ഇടംസൃഷ്ടിക്കൽ' ക്രെ​ഡി​റ്റ് ആരും എ​ടു​ക്കു​ന്നി​ല്ല. മ​ല​യാ​ളം എ​പ്പോ​ഴും മി​ക​ച്ച വ​നി​താ കേ​ന്ദ്രീ​കൃ​ത സി​നി​മ​ക​ൾ സ​മ്മാ​നി​ച്ചി​ട്ടു​ണ്ട്. ഒ​ടി​ടി​യു​ടെ ​വ​ര​വോ​ടെ പു​തി​യ പ്രേ​ക്ഷ​ക​ർ എ​ത്തു​ക​യും, ന​മ്മു​ടെ ഇ​ൻ​ഡ​സ്ട്രി കൂ​ടു​ത​ൽ ഉ​യ​ര​ങ്ങ​ളി​ലെ​ത്തുകയും ചെയ്തു. ഇ​പ്പോ​ൾ ന​മ്മ​ൾ ആ​ഗോ​ള നി​ല​വാ​ര​ത്തി​ലു​ള്ള ഉ​ള്ള​ട​ക്ക​മാ​ണ് നി​ർ​മി​ക്കു​ന്ന​ത്! ല​ളി​ത​വും വ്യ​ക്ത​വു​മാ​ണ് കാ​ര്യം. ഇ​തി​നു​ള്ള മു​ഴു​വ​ൻ ക്രെ​ഡി​റ്റും, ഈ​യൊ​രു ഇ​ടം ക​ണ്ടെ​ത്തു​ക​യും സിനിമ ചെ​യ്യു​ക​യും ചെ​യ്ത വേ​ഫെ​റ​റി​നും 'ലോ​ക:' ടീ​മി​നും മാ​ത്ര​മു​ള്ള​താ​ണ്...' വി​ജ​യ് ബാ​ബു സോ​ഷ്യ​ൽ മീ​ഡി​യ​യി​ൽ എഴുതി.