ഐഎഫ്എഫ്കെയിൽ ഇത്തവണ 'തർക്കം' ഉണ്ടാകും!

'തർക്കം' ഫസ്റ്റ്ലുക്ക് പോസ്റ്റർ, സജിൻ ബാബു
'തർക്കം' ഫസ്റ്റ്ലുക്ക് പോസ്റ്റർ, സജിൻ ബാബുകടപ്പാട്-ഫേസ്ബുക്ക്
Published on: 

ദേശീയ അവാർഡ് ജേതാവായ സജിൻ ബാബു രചനയും സംവിധാനവും നിർവഹിക്കുന്ന 'തർക്കം' കേരളത്തിന്റെ അന്താരാഷ്ട്ര ചലച്ചിത്രോത്സവത്തിലേക്ക്(ഐഎഫ്എഫ്കെ) തിരഞ്ഞെടുക്കപ്പെട്ടു. പിഡബ്ല്യുഎൽഒ എന്റർടൈയ്ൻമെന്റ്,സജിൻ ബാബു പ്രൊഡക്ഷൻസ് എന്നീ ബാനറിൽ അനൂപ് കുട്ടി, സജിൻ ബാബു എന്നിവർ ചേർന്ന് നിർമ്മിക്കുന്ന ഈ ചിത്രത്തിൻ്റെ ഛായാഗ്രഹണം ജെബിൻ ജേക്കബ് നിർവഹിക്കുന്നു.

Must Read
റഷ്യയിൽ പ്രശംസയും കൈയടിയും നേടി 'തിയേറ്റർ: ദ് മിത്ത് ഓഫ് റിയാലിറ്റി'
'തർക്കം' ഫസ്റ്റ്ലുക്ക് പോസ്റ്റർ, സജിൻ ബാബു

കൊടുങ്ങല്ലൂർ ശ്രീ മഹാദേവീ ക്ഷേത്രത്തിലെ ഭരണി ആഘോഷത്തിൻ്റെ പശ്ചാത്തലത്തിലാണ് 'തർക്കം' അവതരിപ്പിക്കുന്നത്. പുതുമുഖങ്ങൾക്ക് ഏറെ പ്രാധാന്യം നല്കി ഒരുക്കിയ ഈ ചിത്രത്തിൽ ജാതി-ഫ്യൂഡൽ മേധാവിത്വത്തെ ഇന്നും ന്യായീകരിച്ച് അഭിമാനത്തോടെ ജീവിക്കുന്ന ഒരു പോലീസ് ഓഫീസറും, ഡോ.ബി.ആർ അംബേദ്കറുടെ പുരോഗമന ആശയങ്ങളിൽ ആകൃഷ്ടനായി ലോകത്തെ കാണാനും, നയിക്കാനും ശ്രമിക്കുന്ന സുർജിത്ത് എന്ന യുവാവും തമ്മിലുണ്ടാകുന്ന സംഘർഷത്തിന്റെ സംഭവബഹുലമായ മുഹൂർത്തങ്ങൾ, റിയലിസ്റ്റിക്ക് ത്രില്ലറായി അവതരിപ്പിക്കുന്നു. ക്ലൈമാക്സ് രംഗങ്ങൾ ഒരേ സമയം ഏഴോളം ക്യാമറകൾ ഉപയോഗിച്ച് നാല് ഛായാ​ഗ്രാഹകരുടെ മേൽനോട്ടത്തിലാണ് ചിത്രീകരിച്ചത്.

'തർക്കം' പൂജാ ചടങ്ങിൽ ചിത്രത്തിന്റെ ലൈൻ പ്രൊഡ്യൂസറും പ്രശസ്ത സംവിധായകനുമായ ഷാജി അസീസിന്റെ സെൽഫി
'തർക്കം' പൂജാ ചടങ്ങിൽ ചിത്രത്തിന്റെ ലൈൻ പ്രൊഡ്യൂസറും പ്രശസ്ത സംവിധായകനുമായ ഷാജി അസീസിന്റെ സെൽഫിഫോട്ടോകടപ്പാട്-ഫേസ്ബുക്ക്

തമിഴ് റാപ്പർ അറിവ് ഈ ചിത്രത്തിലെ ​ഗാനത്തിലൂടെ മലയാള സിനിമയിൽ അരങ്ങേറ്റം കുറിക്കുകയാണ്. വിഖ്യാത മ്യൂസിക്ക് പ്രൊഡ്യൂസറും ഗ്രാമി അവാർഡ് നോമിനിയുമായ ജർമനിയിലെ ബെർലിനിൽ നിന്നുള്ള വിക്ടർ വാൻ ഹ്യു ,ഈ ചിത്രത്തിന്റെ സൗണ്ട് സൂപ്പർവൈസറാണ്. സംവിധായകൻ സജിൻ ബാബുവുമായി ചേർന്ന് അദ്ദേഹം സൗണ്ട് ഡിസൈനിങ്ങും നിർവഹിക്കുന്നു.

'തർക്കം' പൂജാ ചടങ്ങിൽ അഭിനേതാക്കളും അണിയറപ്രവർത്തകരും
'തർക്കം' പൂജാ ചടങ്ങിൽ അഭിനേതാക്കളും അണിയറപ്രവർത്തകരുംഫോട്ടോകടപ്പാട്-ഫേസ്ബുക്ക്

'ഇതുവരെ ചെയ്ത സിനിമകളുടെ മേക്കിങ് പ്രോസസ്സിൽ നിന്നും വ്യത്യസ്തമായി കൊടുങ്ങല്ലൂർ ഭരണിയുടെ പശ്ചാത്തലത്തിൽ ചെയ്ത ഈ ചിത്രം വ്യക്തിപരമായി സംതൃപ്തി നൽകിയ ഒരിക്കലും മറക്കാനാകാത്ത ഒരു അനുഭവമായിരുന്നു. അതിനായി രാപകിലില്ലാതെ ആത്മാർത്ഥമായി കൂടെ സഹകരിച്ച എല്ലാവരേയും ഈ അവസരത്തിൽ സ്മരിക്കുന്നു.'- സംവിധായകൻ സജിൻ ബാബു പറഞ്ഞു.

'തർക്കം' പോസ്റ്റർ
'തർക്കം' പോസ്റ്റർകടപ്പാട്-ഫേസ്ബുക്ക്

സിനിമോട്ടോഗ്രാഫി - നന്ദകുമാർ തോട്ടത്തിൽ,സിംബാദ്,റോഷൻ ജോസ്, എഡിറ്റിങ്-അപ്പു ഭട്ടതിരി,ലൈൻ പ്രൊഡ്യൂസർ-ഷാജി അസീസ്,സംഗീതം- സൈദ് അബ്ബാസ്, പ്രൊഡക്ഷൻ ഡിസൈനർ-വിനോദ് പട്ടണക്കാടൻ, ആക്ഷൻ ഡയറക്ടർ- റോബിൻ മാസ്റ്റർ ടീം, പ്രൊഡക്ഷൻ കൺട്രോളർ-ഫിജോ ഫിലിപ്പ്,സിങ്ക് സൗണ്ട്- രാകേഷ് ശശീന്ദ്രൻ, സൗണ്ട് മിക്സിങ് - ജുബിൻ രാജ്, വസ്ത്രാലങ്കാരം- സുർജിഷ് സി സുരേഷ്, മേക്കപ്പ്-സുരേഷ് പിഷാരടി, അസോസിയേറ്റ് ഡയറക്ടർ-സോനു രാമകൃഷ്ണൻ, ജാസിർ,അസിസ്റ്റന്റ് ഡയറക്ടർ-സുബിൻ ജോർജ്,പ്രൊജക്ട് ഡിസൈനർ-അരുൺ സോൾ, കാസ്റ്റിങ് ഡയറക്ടർ-രാജേഷ് നാരായണൻ, പ്രൊഡക്ഷൻ മാനേജർ-ശ്യാം കാർഗോസ്,സിജോ ജോസ് ജോസി,ഇ സി അശോകൻ, സെക്കൻ്റ് യൂണിറ്റ് സിനിമോട്ടോഗ്രാഫി- റാം രാഘവ്,മാർക്കറ്റിങ്-പ്രതീഷ് ശേഖർ,പബ്ലിസിറ്റി ഡിസൈൻ-ദിലീപ്ദാസ്,പിആർഒ- എ.എസ് ദിനേശ്.