പാലാക്കാർക്ക് ജൂബിലി തിരുനാൾ; ആഘോഷപ്പൊലിമയിൽ 'ഒറ്റക്കൊമ്പൻ' ഷൂട്ടിങ്

പാലാക്കാർ ഇന്നലെ വീണ്ടും പെരുന്നാളു കൂടി. ഡിസംബറിലെ ജൂബിലി തിരുനാൾ ജൂണിൽ തന്നെ ആഘോഷിക്കാൻ കിട്ടിയ അവസരം അവർ ഏറ്റെടുത്തു. സൂപ്പർതാരവും കേന്ദ്രമന്ത്രിയുമായ സുരേഷ് ഗോപി നായനാകുന്ന 'ഒറ്റക്കൊമ്പനു'വേണ്ടിയായിരുന്നു പാലാക്കാർ പെരുന്നാൾ ആഘോഷിച്ചത്.

ഡി​സം​ബ​റി​ലെ ജൂ​ബി​ലി തി​രു​നാ​ളിന്‍റെ ആഘോഷങ്ങളെല്ലാം പുന:സൃഷ്ടിച്ചായിരുന്നു 'ഒറ്റക്കൊമ്പ'ന്റെ ചിത്രീകരണം. ഇന്നലെ പെരുന്നാൾ ദിവസത്തെ രാത്രിരംഗങ്ങളാണ് ചിത്രീകരിച്ചത്. ഇതിനായി പാ​ലാ​യി​ലെ പ്ര​ധാ​ന റോ​ഡു​ക​ള്‍ തോ​ര​ണ​ങ്ങ​ളാ​ലും ക​ച്ച​വ​ട​സ്ഥാ​പ​ന​ങ്ങ​ള്‍ ദീപങ്ങളാലും അ​ല​ങ്ക​രി​ച്ചി​രുന്നു. വാ​ദ്യോ​പ​ക​ര​ണ​ങ്ങ​ളു​ടെ​യും ക​രി​മ​രു​ന്നി​ന്‍റെ​യും അ​ക​മ്പ​ടി​യോ​ടെ​യു​ള്ള രാ​ത്രി പ്ര​ദ​ക്ഷി​ണ​മായിരുന്നു ചി​ത്രീ​ക​രി​ച്ച​ത്. ആയിരങ്ങളാണ് ചിത്രീകരണം കാണാനെത്തിയത്. ഒട്ടേറെ ജൂനിയർ ആർട്ടിസ്റ്റുകളും അണിനിരന്നു.

ടൂ​വീ​ല​ര്‍, ഫാ​ന്‍​സി​ഡ്ര​സ് മ​ത്സ​രം ഇ​ന്നു ഷൂ​ട്ടു ചെ​യ്യും. തി​രു​നാ​ളിന്‍റെ പ്ര​ധാ​ന ആ​ക​ര്‍​ഷ​ണ​മാ​യ ജൂ​ബി​ലി ക​പ്പേ​ള​യ്ക്കു മു​മ്പി​ലെ പ​ന്ത​ലും കു​രി​ശു​പ​ള്ളി ദീ​പാ​ല​ങ്കാ​ര​വും പ​ട്ട​ണ​പ്ര​ദ​ക്ഷി​ണ​വു​മെ​ല്ലാം പുന:സൃഷ്ടിച്ചിരിക്കുകയാണ് ​​ഗോകുൽദാസിന്റെ നേതൃത്വത്തിലുള്ള ആർട്ട് ടീം. അടുത്തമാസം പത്തുവരെ​യാ​ണ് ഷൂ​ട്ടിങ്. രാ​ത്രി ഏ​ഴു മു​ത​ല്‍ പു​ല​ര്‍​ച്ചെ അ​ഞ്ചു​വ​രെ​യാണ് പ്രധാനരം​ഗങ്ങൾ ചിത്രീകരിക്കുന്നത്.

സു​രേ​ഷ് ഗോ​പി അ​ഭി​ന​യി​ക്കു​ന്ന രം​ഗ​ങ്ങ​ള്‍ വരുംദി​വ​സ​ങ്ങ​ളി​ല്‍ ഷൂ​ട്ട് ചെ​യ്യും. പ​തി​വാ​യി പു​ല​ര്‍​ച്ചെ കു​രി​ശുപ​ള്ളി മാ​താ​വി​ന്‍റെ​യ​ടു​ത്തെ​ത്തി തി​രി​ക​ത്തി​ച്ചു പ്രാ​ര്‍​ഥി​ച്ച് ജീ​വി​ത​ച​ര്യ ആ​രം​ഭി​ക്കു​ന്ന ക​ഥാ​പാ​ത്ര​മാണ് സു​രേ​ഷ് ഗോ​പിയുടേത് എന്നതിനാൽ പള്ളിക്കും പരിസരങ്ങൾക്കും തിരുനാളിനും ചിത്രത്തിൽ വലിയ പ്രാധാന്യമാണുള്ളത്.

'മാർക്കോ'യിലൂടെ ശ്രദ്ധേയനായ കബീർ ദുഹാൻ സിങ്, ഇ​ന്ദ്ര​ജി​ത്ത്, ലാ​ല്‍, ജോ​ണി ആ​ന്‍റ​ണി, ലാ​ലു അ​ല​ക്സ് അ​ട​ക്ക​മു​ള്ള വ​മ്പ​ന്‍ താ​ര​നി​ര ചിത്രത്തിലുണ്ട്. പാലായിലും പരിസരങ്ങളിലും പ്രതാപിയായി നിറഞ്ഞുനിന്ന കടുവാക്കുന്നേൽ കുറുവച്ചന്റെ കഥയാണ് ഒറ്റക്കൊമ്പൻ പറയുന്നത്. ശ്രീ ഗോകുലം മൂവീസിന്‍റെ ബാനറിൽ ശ്രീ ഗോകുലം ഗോപാലൻ നിർമിച്ച് മാത്യൂസ് തോമസ് സംവിധാനം ചെയ്യുന്ന 'ഒറ്റക്കൊമ്പ'ന്റെ രണ്ടാംഘട്ട ചിത്രീകരണമാണ് പ്രധാന ലൊക്കേഷനായ പാലയിൽ ഇപ്പോൾ പുരോ​ഗമിക്കുന്നത്. ആദ്യ ഘട്ട ചിത്രീകരണം ജനുവരിയിൽ തിരുവനന്തപുരത്ത് പൂർത്തിയാക്കിയിരുന്നു. സുരേഷ് ​ഗോപിയുടെ 250-ാം ചിത്രമാണ് 'ഒറ്റക്കൊമ്പൻ'. ഷിബിൻ ഫ്രാൻസിസിന്റേതാണു തിരക്കഥ. കോ-പ്രൊഡ്യൂസർമാർ - വി.സി. പ്രവീൺ, ബൈജു ഗോപാലൻ. എക്സിക്യൂട്ടീവ് പ്രൊഡ്യൂസർ- കൃഷ്ണമൂർത്തി. ഛായാ​ഗ്രഹണം-ഷാജികുമാർ.