ഓടും കുതിര പോലെ ഫഹദ്,ഒപ്പം കല്യാണിയും രേവതിപിള്ളയും; സെക്കന്റ് ലുക്ക് പോസ്റ്റർ പുറത്ത്,റിലീസ് ഓ​ഗസ്റ്റ് 29ന്

ഫഹദ് ഫാസിലും കല്യാണി പ്രിയദർശനും ഒന്നിക്കുന്ന ‘ഓടും കുതിര ചാടും കുതിര’യുടെ സെക്കന്റ്‌ ലുക്ക്‌ പോസ്റ്റർ പുറത്ത് വിട്ടു. റൊമാന്റിക് കോമഡി ജോണറിലെത്തുന്ന സിനിമ ഓഗസ്റ്റ് 29നാണ് തിയറ്ററുകളിൽ എത്തുന്നത്. നടൻകൂടിയായ അൽത്താഫ് സലീമാണ് ചിത്രം തിരക്കഥയെഴുതി സംവിധാനം ചെയ്യുന്നത്. മലയാളത്തിൽ ഒട്ടേറെ ഹിറ്റുകൾ സമ്മാനിച്ച ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാൻ നിർമ്മിക്കുന്ന ചിത്രം പ്രേക്ഷകർക്ക് ഓണസമ്മാനമായെത്തും.

ഫഹദിനും കല്യാണിക്കും പുറമേ രേവതി പിള്ള, വിനയ് ഫോർട്ട്, ലാൽ, സുരേഷ്കൃഷ്ണ, ബാബു ആൻ്റണി, ജോണി ആൻ്റണി, ലക്ഷ്മി ഗോപാലസ്വാമി, അനുരാജ്, വിനീത് വാസുദേവൻ തുടങ്ങിയ വലിയ താരനിര തന്നെ സിനിമയുടെ ഭാഗമാകുന്നു. ജസ്റ്റിൻ വർഗീസ് സംഗീതം ഒരുക്കുന്ന ചിത്രത്തിന് ജിന്റോ ജോർജ് ഛായാഗ്രഹണം നിർവഹിച്ചു.

എഡിറ്റിങ്- നിധിൻ രാജ് അരോൾ. പ്രൊഡക്ഷൻ ഡിസൈൻ- അശ്വിനി കാലെ, ഗാനരചന- സുഹൈൽ കോയ,ആർട്ട്‌ ഡയറക്ടർ- ഔസേപ്പ് ജോൺ, കോസ്റ്റ്യൂം- ഡിസൈനർ മഷർ ഹംസ, മേക്കപ്പ്- റോണക്സ് സേവിയർ, സൗണ്ട് ഡിസൈൻ- നിക്സൻ ജോർജ്, കളറിസ്റ്റ്- രമേശ്‌ സി പി, ​ പ്രോഡക്ഷൻ കൺട്രോളർ- സുധർമൻ വള്ളിക്കുന്ന്, ഫിലിം കൺട്രോളർ ശിവകുമാർ പെരുമുണ്ട, ചീഫ് അസോസിയേറ്റ് ഡയറക്ടർ- അനീവ് സുകുമാർ, വിഎഫ്എക്സ് സ്റ്റുഡിയോ- ഡിജിബ്രിക്‌സ്, പിആർഒ- എ.എസ് ദിനേശ്, സ്റ്റിൽ ഫോട്ടോഗ്രഫി-രോഹിത് കെ.സുരേഷ്, പബ്ലിസിറ്റി ഡിസൈൻസ്- യെല്ലോ ടൂത്ത് മാർക്കറ്റിങ് ആൻഡ് പ്രൊമോഷൻസ്- ഒബ്സ്ക്യൂറ എന്റർടെയ്ൻമെന്റ്സ്.