നസ്ലിൻ-അഭിനവ് സുന്ദർ നായ്ക് ചിത്രം 'മോളിവുഡ് ടൈംസി'ന് പാക്ക് അപ്പ്

നസ്ലിൻ, സംഗീത് പ്രതാപ്, ഷറഫുദ്ദീൻ എന്നിവരെ കേന്ദ്ര കഥാപാത്രങ്ങളാക്കി അഭിനവ് സുന്ദർ നായ്ക് സംവിധാനം ചെയ്യുന്ന 'മോളിവുഡ് ടൈംസി'ന് പാക്ക് അപ്പ്‌. ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ആഷിഖ് ഉസ്മാൻ നിർമിക്കുന്ന ചിത്രം സിനിമക്കുള്ളിലെ സിനിമയുമായാണ് വരുന്നത്. 'മുകുന്ദൻ ഉണ്ണി അസോസിയേറ്റ്സ്' എന്ന ഹിറ്റ് ചിത്രത്തിന് ശേഷം അഭിനവ് സുന്ദർ നായ്ക് സംവിധാനം ചെയ്യുന്ന ചിത്രമാണിത്.

നസ്ലിൻ ആണ് നായകൻ. 'എ ഹേറ്റ് ലെറ്റർ ടു സിനിമ' എന്ന ടാഗ് ലൈനോട് കൂടിയാണ് ചിത്രം എത്തുന്നത്. തിരക്കഥ രചിക്കുന്നത് രാമു സുനിൽ. വിശ്വജിത്ത് ആണ് ക്യാമറ, സം​ഗീതം- ജേക്സ് ബിജോയ്.സിനിമ പ്രമേയമായ ചിത്രമായതുകൊണ്ടുതന്നെ, നസ്ലിൻ, സംഗീത്, ഷറഫുദ്ദീൻ എന്നിവർക്ക് പുറമേ, മലയാള സിനിമയിലെ പല പ്രമുഖരുടെയും കാമിയോ റോളും ചിത്രത്തിൽ പ്രതീക്ഷിക്കാമെന്ന് അണിയറപ്രവർത്തകർ പറയുന്നു.

തമിഴിലും മലയാളത്തിലും ശ്രദ്ധാകേന്ദ്രമായി മാറിയ എഡിറ്റർ കൂടിയായ അഭിനവ് സുന്ദർ നായ്ക് സംവിധാനം ചെയ്യുന്ന ചിത്രം,ആഷിഖ് ഉസ്മാന്റെ നിർമാണസംരംഭം എന്നീ പ്രത്യേകതകളും ഈ സിനിമയ്ക്ക് കൂടുതൽ പ്രതീക്ഷ നൽകുന്നു. മോളിവുഡ് ടൈംസിന്റെ കൂടുതൽ വിവരങ്ങൾ വരും ദിവസങ്ങളിൽ പുറത്തുവിടും.