ആത്മഹത്യാക്കുരുക്കിനുമുന്നിൽ ഭരതൻനായരുടെ കുടുംബം;ഇനി 'മോഹിനിയാട്ടം'

ഫാനിൽ ഒരു ആത്മഹത്യാക്കുരുക്ക്. അതിന് താഴെ ഞെട്ടിവിറച്ച നോട്ടവുമായി ശശിയും കുടുംബാം​ഗങ്ങളും. ഭിത്തിയിൽ എല്ലാത്തിനും സാക്ഷിയായി ​ഗുരുവായൂരപ്പനരികെ ഭരതൻനായരുടെ ഫോട്ടോ. എന്താണ് അവിടെ സംഭവിച്ചതെന്നും ഇനിയെന്താണ് സംഭവിക്കാൻ പോകുന്നതെന്നും മോഹിനിയാട്ടം പറഞ്ഞുതരും. ഭരതനാട്യത്തിന്റെ അടുത്ത ചുവടിൽ ഇനി മോഹിനിയാട്ടം.

ഒടിടി ബ്ലോക്ബസ്റ്ററായി മാറിയ ഭരതനാട്യത്തിന്റെ രണ്ടാംഭാ​ഗമാണ് മോഹിനിയാട്ടം. കൃഷ്ണദാസ് മുരളി തിരക്കഥയെഴുതി സംവിധാനം ചെയ്യുന്ന ഈ ഡാർക്ക് ഹ്യൂമർ ചിത്രത്തിൻ്റെ ഒഫീഷ്യൽ ഫസ്റ്റ് ലുക്ക് പോസ്റ്റർ റിലീസായി. 'ഭരതനാട്യ'ത്തിലെപ്പോലെ ഇതിലും സൈജു കുറുപ്പ് കേന്ദ്ര കഥാപാത്രത്തെ അവതരിപ്പിക്കുന്നു. ഭരതനാട്യത്തിലെ മുഖ്യ താരങ്ങളായ കലാരഞ്ജിനി,ശ്രീജ രവി,നന്ദുപൊതുവാൾ തുടങ്ങിയവർക്കുപുറമേ ഇത്തവണ, മലയാളത്തിലെ മുഖ്യധാരയിലുള്ള മറ്റു താരങ്ങളും ഈ ചിത്രത്തിൽ അഭിനയിക്കുന്നു.

സൈജു കുറുപ്പ് എന്റർടെയ്ൻമെന്റ്സ്, തോമസ് തിരുവല്ല ഫിലിംസ് എന്നീ ബാനറുകളിൽ ലിനി മറിയം ഡേവിഡ്,അനുപമ ബി. നമ്പ്യാർ എന്നിവർ ചേർന്ന് നിർമിക്കുന്ന ഈ ചിത്രത്തിൻ്റെ ഛായാഗ്രഹണം ബബുലു അജു നിർവ്വഹിക്കുന്നു.കോ റൈറ്റർ-വിഷ്ണു ആർ. പ്രദീപ്, എക്സിക്യൂട്ടീവ് പ്രൊഡ്യൂസർ-സൽമാൻ കെ.എം, എഡിറ്റിങ്-ഷഫീഖ് വി.ബി,ഗാനരചന-മുത്തു, സംഗീതം-ഇലക്ട്രോണിക് കിളി, പ്രൊഡക്ഷൻ കൺട്രോളർ-ജിതേഷ് അഞ്ചുമന,കല-ദിൽജിത് എം ദാസ്,മേക്കപ്പ്- മനോജ് കിരൺ രാജ്, വസ്ത്രാലങ്കാരം-സുജിത് മട്ടന്നൂർ, സ്റ്റിൽസ്-വിഷ്ണു എസ് രാജൻ,പരസ്യകല-യെല്ലോ ടൂത്ത്സ്, ചീഫ് അസോസിയേറ്റ് ഡയറക്ടർ-സാംസൺ സെബാസ്റ്റ്യൻ,സൗണ്ട് ഡിസൈൻ-ധനുഷ് നായനാർ, സൗണ്ട് മിക്സിംഗ്-വിപിൻ നായർ,മോഷൻ-ഡോട്ട് വിഎഫ്എക്സ് സ്റ്റുഡിയോ, ഡിഐ-കളർ പ്ലാനറ്റ് സ്റ്റുഡിയോസ്, പ്രൊഡക്ഷൻ മാനേജർ-ജോബി,വിവേക്,പബ്ലിസിറ്റി ഡിസൈൻ-യെല്ലോ ടൂത്ത്സ്,മാർക്കറ്റിങ് ഡിസൈൻ-പപ്പെറ്റ് മീഡിയ. പിആർഒ- എ.എസ് ദിനേശ്.