ഇതാണ് ലൗലജന്റെ നൈസി; മോ​ഹ​ൻ​ലാ​ലി​ന്‍റെ നാ​യി​ക​യാ​യി വീണ്ടും മീ​രാ ജാ​സ്മി​ൻ

മ​ല​യാ​ളി​ക​ളു​ടെ പ്രി​യ​പ്പെ​ട്ട സ്ക്രീ​ൻ ജോ​ഡി​ക​ളി​ലൊ​ന്നാ​യ മോ​ഹ​ൻ​ലാ​ലും മീ​രാ ജാ​സ്മി​നും നീ​ണ്ട ഇ​ട​വേ​ള​യ്ക്ക് ശേ​ഷം വീ​ണ്ടും ഒ​ന്നി​ക്കു​ന്നു. ഹി​റ്റ് ചി​ത്രം 'തു​ട​രും' എ​ന്ന സി​നി​മ​യ്ക്ക് ശേ​ഷം ത​രു​ൺ മൂ​ർ​ത്തി സം​വി​ധാ​നം ചെ​യ്യു​ന്ന ചി​ത്ര​ത്തി​ലാ​ണ് മീ​ര ജാ​സ്മി​ൻ മോ​ഹ​ൻ​ലാ​ലി​ന്‍റെ നാ​യി​ക​യാ​കു​ന്ന​ത്. ആ​രാ​ധ​ക​ർ ആ​കാം​ക്ഷ​യോ​ടെ കാ​ത്തി​രു​ന്ന താ​ര​ത്തി​ന്‍റെ ക്യാ​ര​ക്ട​ർ പോ​സ്റ്റ​ർ റി​ലീ​സ് ചെ​യ്തി​രി​ക്കു​ക​യാ​ണ് അ​ണി​യ​റ പ്ര​വ​ർ​ത്ത​ക​ർ.

മീ​ര ജാ​സ്മി​ന്‍റെ ജ​ന്മ​ദി​ന​ത്തോ​ട​നു​ബ​ന്ധി​ച്ചാ​ണ് ക്യാ​ര​ക്ട​ർ പോ​സ്റ്റ​ർ പു​റ​ത്തു​വി​ട്ട​ത്. നൈ​സി എ​ന്നാ​ണ് മീ​ര അ​വ​ത​രി​പ്പി​ക്കു​ന്ന ക​ഥാ​പാ​ത്ര​ത്തി​ന്‍റെ പേ​ര്. 'ലൗ​ല​ജ​ന്‍റെ നൈ​സി’ എ​ന്ന കൗ​തു​ക​ക​ര​മാ​യ അ​ടി​ക്കു​റി​പ്പോ​ടെ സം​വി​ധാ​യ​ക​ൻ ത​രു​ൺ മൂ​ർ​ത്തി ത​ന്നെ​യാ​ണ് പോ​സ്റ്റ​ർ പ​ങ്കുവ​ച്ച​ത്. ഇ​ത് മീ​ര​യു​ടെ ക​രി​യ​റി​ലെ ത​ന്നെ ശ്ര​ദ്ധേ​യ​മാ​യ ഒ​രു വേ​ഷ​മാ​യി​രി​ക്കു​മെ​ന്നാ​ണ് സൂ​ച​ന. L366 എന്ന് താത്കാലികമായി പേരിട്ട സിനിമയിൽ മോഹൻലാൽ ടി.എസ്.ലൗലജൻ എന്നുപേരുള്ള പോലീസ് ഉദ്യോ​ഗസ്ഥനായാണ് അഭിനയിക്കുന്നത്.

2013-ൽ ​പു​റ​ത്തി​റ​ങ്ങി​യ 'ലേ​ഡീ​സ് ആ​ൻ​ഡ് ജെന്‍റി​ൽ​മാ​ൻ’ എ​ന്ന ചി​ത്ര​ത്തി​ലാ​ണ് ഇ​തി​നു​മു​മ്പ് മോ​ഹ​ൻ​ലാ​ലി​നൊ​പ്പം മീ​ര ജാ​സ്മി​ൻ ഒ​രു മു​ഴു​നീ​ള വേ​ഷ​ത്തി​ൽ അ​ഭി​ന​യി​ച്ച​ത്. 13 വ​ർ​ഷ​ങ്ങ​ൾ​ക്ക് ശേ​ഷ​മാ​ണ് ഒ​രു പ്ര​ധാ​ന വേ​ഷ​ത്തി​ൽ ഇ​രു​വ​രും വെ​ള്ളി​ത്തി​ര​യി​ൽ വീ​ണ്ടും ഒ​ന്നി​ക്കു​ന്ന​തെന്ന പ്രത്യേകതയും പുതിയ ചിത്രത്തിനുണ്ട്. 'രസതന്ത്രം','ഇന്നത്തെ ചിന്താവിഷയം' എന്നിവയാണ് മോഹൻലാലും മീരാ ജാസ്മിനും ഒന്നിച്ചഭിനയിച്ച മറ്റ് സിനിമകൾ. അടുത്തിടെ മോഹൻലാൽ നായകനായ 'ഹൃദയപൂർവ'ത്തിന്റെ ക്ലൈമാക്സ് രം​ഗത്തിൽ അതിഥിവേഷത്തിലും മീര പ്രത്യക്ഷപ്പെട്ടു.

ആ​ഷി​ഖ് ഉ​സ്മാ​ൻ നി​ർമി​ക്കു​ന്ന L366 ന് തി​ര​ക്ക​ഥ ഒ​രു​ക്കു​ന്ന​ത് ര​തീ​ഷ് ര​വി​യാ​ണ്. മനോജ്.കെ. ജയൻ, ജഗദീഷ്,ഇർഷാദ്, വിഷ്ണു.ജി. വാര്യർ, പ്രമോദ് വെളിയനാട്, കിരൺ പീതാംബരൻ, വിജി വിശ്വനാഥ്, ഭാമ അരുൺ, പ്രാർത്ഥന,സജീവൻ തുടങ്ങിയവരും അഭിനയിക്കുന്നു.

തു​ട​രും എ​ന്ന സി​നി​മ​യി​ലെ സാ​ങ്കേ​തി​ക പ്ര​വ​ർ​ത്ത​ക​ർ ഭൂ​രി​ഭാ​ഗ​വും ഈ ​ചി​ത്ര​ത്തി​ലും ഒ​ന്നി​ക്കു​ന്നു എ​ന്ന​താ​ണ് മ​റ്റൊ​രു പ്ര​ത്യേ​ക​ത. ഷാജി കുമാറാണ് ഛായാഗ്രഹണം. വിനായക് ശശികുമാർ എഴുതിയ വരികൾക്ക് ജെയ്ക്ക് ബിജോയ്സ് സംഗീതം പകരുന്നു. കോ-ഡയറക്ഷൻ -ബിനു പപ്പു, എഡിറ്റിങ്- വിവേക്ഹർഷൻ, പ്രൊഡക്ഷൻ കൺട്രോളർ-സുധർമ്മൻ വള്ളിക്കുന്ന്, പ്രൊഡക്ഷൻ ഡിസൈനർ-ഗോകുൽ ദാസ്,വസ്ത്രാലങ്കാരം-മഷർ ഹംസ,മേക്കപ്പ്- റോണക്സ് സേവ്യർ,സ്റ്റിൽസ്-അമൽ സി സദർ.

സെൻട്രൽ പിക്ചേഴ്സ് വിതരണത്തിനെത്തിക്കുന്ന ചിത്രത്തിന്റെ ശബ്ദസംവിധാനം -വിഷ്ണു ഗോവിന്ദ്, ചീഫ് അസോസിയേറ്റ് ഡയറക്ടർ-മിറാഷ് ഖാൻ,അസോസിയേറ്റ് ഡയറക്ടർ-അനസ് വി, പ്രൊഡക്ഷൻ മാനേജർ-ജോമോൻ ജോയ് ചാലക്കുടി,പ്രൊഡക്ഷൻ എക്സിക്യൂട്ടീവ്-എസ്സാ കെ. എസ്തപ്പാൻ 'ദൃശ്യം 3' യുടെ ഷൂട്ടിങ്ങിനുശേഷം മോഹൻലാൽ ജോയിന്‍ ചെയ്ത ഈ ചിത്രം ഈ വര്‍ഷം അവസാനമോ അല്ലെങ്കില്‍ അടുത്ത വര്‍ഷം ആദ്യമോ തിയറ്ററുകളില്‍ എത്തുമെന്നാണ് സൂചന.