ഇത് 'ലിറ്റിൽ' അല്ല ബി​ഗ്;ആക്ഷൻ ഹീറോയായി 'ചത്താ പച്ച'യിൽ ഇഷാൻ ഷൗക്കത്ത്

റീൽ വേൾഡ് എന്റർടെയ്ൻമെന്റ് നിർമിക്കുന്ന റെസ്ലിങ് ആക്ഷൻ എന്റർടെയ്നർ 'ചത്താ പച്ച'യിലെ ഇഷാൻ ഷൗക്കത്തിന്റെ ക്യാരക്ടർ പോസ്റ്റർ പുറത്തുവിട്ടു. ജനുവരി 22 ന് ചിത്രം തിയറ്ററുകളിലെത്താനിരിക്കെ, ഓരോ കഥാപാത്രത്തെയും പരിചയപ്പെടുത്തുന്ന പോസ്റ്ററുകളാണ് ഇപ്പോൾ പുറത്തുവരുന്നത്. 'മാർക്കോ'യിലൂടെ മലയാളി പ്രേക്ഷകർക്ക് സുപരിചിതനായ ഇഷാൻ, 'ചത്താ പച്ച'യിൽ ലിറ്റിൽ എന്ന കഥാപാത്രമായാണ് പ്രേക്ഷകരുടെ മുന്നിലേക്കെത്തുന്നത്.

ക്രിയേറ്റീവ് പ്രൊഡ്യൂസർ ഷിഹാൻ ഷൗക്കത്ത്, പ്രൊഡ്യൂസർ രിതേഷ് ആന്റ് രമേഷ് എസ്. രാമകൃഷ്ണൻ, ഷൗക്കത്ത് അലി എന്നിവർ ചേർന്ന് നിർമിക്കുന്ന ഈ ചിത്രം നവാഗതനായ ആദ്വൈത് നായർ സംവിധാനം ചെയ്യുന്നു. സനൂപ് തൈക്കൂടമാണ് തിരക്കഥ. അർജുൻ അശോകൻ, റോഷൻ മാത്യു, വിശാഖ് നായർ തുടങ്ങിയവർ പ്രധാന കഥാപാത്രങ്ങളെ അവതരിപ്പിക്കുന്നു. കൂടാതെ അടുത്തിറങ്ങിയ റിലീസ് ഡേറ്റ് പോസ്റ്റർ മമ്മൂട്ടിയും ചിത്രത്തിലുണ്ട് എന്ന വാർത്ത സ്ഥിരീകരിക്കുന്നതായി.

ഐതിഹാസിക സംഗീത സംവിധായക കൂട്ടുകെട്ടായ ശങ്കർ-എഹ്സാൻ-ലോയ് മലയാള സിനിമയിൽ ആദ്യമായി മലയാളത്തിലേക്ക് എത്തുന്ന ചിത്രം കൂടിയാണ് 'ചത്താ പച്ച'. ഗാനരചന- വിനായക് ശശികുമാർ, മ്യൂസിക് റൈറ്റ്സ്- ടീ സീരീസ്. ബാക്ക്ഗ്രൗണ്ട് സ്കോർ- മുജീബ് മജീദ്. ഛായാ​ഗ്രഹണം: അനന്ദ് സി. ചന്ദ്രൻ, ആക്ഷൻ കൊറിയോഗ്രാഫി: കലൈ കിംഗ്സൺ, എഡിറ്റിങ്: പ്രവീൺ പ്രഭാകർ എന്നിവർ അടങ്ങുന്ന മികച്ച ഒരു ടീം ആണ് ചത്ത പച്ചയ്ക്ക് പിന്നിൽ. പുതുവർഷത്തിൽ മലയാളത്തിലെ ആദ്യ ബിഗ് റിലീസ് ആയിരിക്കും 'ചത്താ പച്ച'.