ഫെഫ്ക പി.ആര്‍.ഒയൂണിയന്‍: എബ്രഹാംലിങ്കൺ പ്രസിഡന്റ്, അജയ് തുണ്ടത്തിൽ സെക്രട്ടറി

മലയാള ചലച്ചിത്ര മേഖലയിലെ പി.ആർ.ഒ മാരുടെ സംഘടനയായ ഫെഫ്ക പി.ആർ.ഒയൂണിയൻ്റെ പുതിയ ഭാരവാഹികളെ തെരഞ്ഞെടുത്തു. എബ്രഹാം ലിങ്കൺ ആണ് പ്രസിഡന്റ്. സെക്രട്ടറിയായി അജയ് തുണ്ടത്തിലും. ട്രഷററായി മഞ്ജു ഗോപിനാഥും തിരഞ്ഞെടുക്കപ്പെട്ടു. ആതിര ദിൽജിത്ത് (വൈസ് പ്രസിഡന്റ്), പി ശിവപ്രസാദ് (ജോയിൻ്റ് സെക്രട്ടറി) എന്നിവരാണ് മറ്റുഭാരവാഹികൾ.

എക്സിക്യൂട്ടീവ് കമ്മിറ്റിയംഗങ്ങളായി വാഴൂർ ജോസ്, സി.കെ.അജയകുമാർ, പ്രതീഷ് ശേഖർ, അഞ്ജു അഷറഫ്, ബിജു പുത്തൂർ, റഹീം പനവൂർ, എം.കെ ഷെജിൻ ആലപ്പുഴ,പി.ആർ സുമേരൻ എന്നിവരെയും തിരഞ്ഞെടുത്തു.

മാക്ട ഓഫീസിലായിരുന്നു ഭാരവാഹി തിരഞ്ഞെടുപ്പും വാർഷിക പൊതുയോഗവും. ഫെഫ്ക ചെയർമാനും പ്രശസ്ത സംവിധായകനുമായ സിബി മലയിൽ യോഗം ഉദ്ഘാടനം ചെയ്തു.