ദൃശ്യം 3 നേടിയത് 350കോടിയുടെ പ്രീ ബിസിനസ്-എം.രഞ്ജിത്

ലോകമെമ്പാടുമുള്ള സിനിമാപ്രേമികൾ ആവേശത്തോടെ കാത്തിരിക്കുന്ന, ജീത്തു ജോസഫ്-മോഹൻലാൽ ത്രില്ലർ "ദ്യ​ശ്യം-3' റിലീസിനുമുമ്പുതന്നെ ചരിത്രമായി മാറി. 350 കോ​ടി രൂ​പ​യു​ടെ പ്രീ-​ബി​സി​ന​സ് ആ​ണ് 'ദ്യ​ശ്യം-3' സ്വന്തമാക്കിയത്. മോഹൻലാലിന്‍റെ ഹിറ്റ് ചിത്രമായ 'തുടരു'മിന്റെ നിർമാതാവ് എം. രഞ്ജിത് ആണ് മലയാള മനോരമയുടെ ഹോർത്തൂസ് സാംസ്കാരികോത്സവവേദിയിൽ ഇക്കാര്യം വെളിപ്പെടുത്തിയത്. നി​ര്‍മാ​ണം പൂർത്തിയാകുന്നതിനുമുമ്പ്, നേരത്തെ ഇ​ന്ത്യ​ന്‍ പ്രാ​ദേ​ശി​കഭാഷാ സിനിമകളൊന്നും ഇ​ത്ര​യും വ​ലി​യ വ​രു​മാ​നം നേ​ടി​യി​ട്ടില്ലെന്നും രഞ്ജിത് പറഞ്ഞു.

ഈ വെളിപ്പെടുത്തൽ ശരിയെങ്കിൽ മലയാളസിനിമയിൽ ഇതിഹാസനേട്ടം സ്വന്തമാക്കിയ ലോകയെയും 'ദ്യ​ശ്യം-3' മറികടന്നു. ലോകയുടെ ആഗോള കളക്ഷൻ 300 കോടി കടന്നിരുന്നു. ഇന്ത്യയിലെ പ്രാ​ദേ​ശി​ക ച​ല​ച്ചി​ത്രനേ​ട്ട​ങ്ങ​ളെ മ​റി​ക​ട​ന്നാ​ണ് ദൃശ്യം3 ​റെ​ക്കോ​​ഡ് സൃഷ്ടിക്കുന്നത്. റിലീസിനു മുമ്പ് ഇത്രയും കളക്ഷൻ നേടിയെങ്കിൽ ചിത്രം 1000 കോടി ക്ലബിൽ സ്ഥാനമുറപ്പിക്കുമോ എന്നാണ് ഇപ്പോൾ എല്ലാവരും ഉറ്റുനോക്കുന്നത്.

നിർമാതാവ് ലിസ്റ്റിൻ സ്റ്റീഫനൊപ്പം മലയാളം സിനിമ-ദ് പവർ ബി​ഹൈൻഡ് ദ് റൈസ് എന്ന സെഷനിലാണ് ഹോർത്തൂസ് വേദിയിൽ എം.ര‍ഞ്ജിത് പങ്കെടുത്തത്. ഷൂട്ടിങ് നടന്നുകൊണ്ടിരിക്കുമ്പോൾ തന്നെ ഇന്ത്യയിലെ ഒരു പ്രാദേശിക ഭാഷ ചിത്രത്തിന് ഇത്രയും വലിയ ബിസിനസ് ലഭിക്കുന്നത് ആദ്യമായാണ്. അങ്ങനെ നോക്കിയാൽ എത്രയോ ഉയരത്തിലാണ് മലയാള സിനിമ എത്തിയിരിക്കുന്നത്. മികവുള്ള സിനിമകൾ കൂടുന്നുമുണ്ട്. ഏറ്റവും നല്ല തിയറ്റർ ഉള്ളതും കേരളത്തിലാണ്. തുടരും സിനിമ ഇറങ്ങിയതിനു ശേഷം കിട്ടിയ ഷെയർ 55 കോടി രൂപയാണ്. സിനിമ വിജയിക്കുമ്പോൾ ഏറ്റവും കൂടുതൽ പണം കിട്ടുന്നത് സർക്കാരിനാണെന്നും എം.രഞ്ജിത്ത് പറഞ്ഞു.

മ​ല​യാ​ള​ത്തി​ലും ഹി​ന്ദി​യി​ലും ഒ​രേ സ​മ​യം 'ദ്യ​ശ്യം-3' റി​ലീ​സ് ചെ​യ്യു​മോ എ​ന്ന കാ​ര്യ​ത്തി​ല്‍ ഫാ​ന്‍ പേ​ജു​ക​ളി​ലു​ട​നീ​ളം ചർച്ചകൾ നിറഞ്ഞിരുന്നു. എന്നാൽ, മ​ല​യാ​ള പ​തി​പ്പ് ക​ഴി​ഞ്ഞ് ര​ണ്ടു മാ​സ​ത്തിനു ശേ​ഷമാണ് ഹി​ന്ദി പ​തി​പ്പ് റിലീസ് ചെയ്യുകയെന്ന വാർത്തയും അതോടൊപ്പം നെറ്റിസൺസിനിടയിൽ തരംഗമായി. ഇതുമായി ബന്ധപ്പെട്ട് ജീ​ത്തു ജോ​സ​ഫും ദൃശ്യം ആ​രാ​ധ​ക​നും ത​മ്മി​ലു​ള്ള ചാ​റ്റിന്‍റെ സ്‌​ക്രീ​ന്‍​ഷോ​ട്ടും പ്രചരിച്ചിരുന്നു. എന്നാൽ ഇതിന്‍റെ ആ​ധി​കാ​രി​ക​ത സ്ഥി​രീ​ക​രി​ക്ക​പ്പെ​ട്ടി​ട്ടി​ല്ല. നേരത്തെ, മലയാളം റിലീസിനുശേഷമായിരിക്കും ഹിന്ദി റിലീസ് എന്ന് ജീത്തു ജോസഫ് പറഞ്ഞിരുന്നു.