വീണ്ടും പോലീസ് വേഷത്തിൽ ഷെയ്ൻനി​ഗം; 'ദൃഢം' മെയ് എട്ടിന് റിലീസ്

പ്രശസ്ത താരം ഷെയ്ന്‍ നിഗത്തെ നായകനാക്കി മാർട്ടിൻ ജോസഫ് സംവിധാനം ചെയ്യുന്ന 'ദൃഢം' മെയ് എട്ടിന് പ്രദർശനത്തിനെത്തുന്നു. ഷോബി തിലകൻ,കോട്ടയം രമേശ്, ദിനേശ് പ്രഭാകർ,നന്ദൻ ഉണ്ണി,വിനോദ് ബോസ്,അഭിരാം രാധാകൃഷ്ണൻ, പ്രശാന്ത് മുരളി, മാത്യു വർഗീസ്,ജോജി കെ ജോൺ,ബ്രിട്ടോ ഡേവിഡ്,അഭിഷേക് രവീന്ദ്രൻ,സാനിയ ഫാത്തിമ,കൃഷ്ണ പ്രഭ തുടങ്ങിയവരാണ് മറ്റു പ്രമുഖ താരങ്ങൾ.

ഏറെ ആഗ്രഹത്തോടെയും അതിലേറെ ആത്മവിശ്വാസത്തോടെയും നാട്ടിന്‍പുറത്തെ പൊലീസ് സ്റ്റേഷനില്‍ ചുമതലയേൽക്കുന്ന വിജയ് രാധാകൃഷ്‌ണന്‍ എന്ന ചെറുപ്പക്കാരന്റെ മുന്നലേക്ക് ഒട്ടും പ്രതീക്ഷിക്കാതെ എത്തുന്ന ചില പ്രശ്നങ്ങളുടെ സംഭവബഹുലമായ മുഹൂർത്തങ്ങളാണ് ചിത്രത്തിന്റെ കഥാതന്തു. കൊറോണ പേപ്പേഴ്സ്,വേല എന്നീ ചിത്രങ്ങൾക്കു ശേഷം ഷെയ്ൻ നി​ഗം അവതരിപ്പിക്കുന്ന വേറിട്ട പോലീസ് കഥാപാത്രണ് 'ദൃഢ'ത്തിലെ വിജയ് രാധാകൃഷ്ണൻ.

Protect, Serve, Survive എന്ന ടാഗ് ലൈൻ നല്കി ഒരുക്കുന്ന 'ദൃഢം",ഇഫോർ എക്സ്പെരിമെന്റ്സ്, ജീത്തു ജോസഫ് (ബെഡ് ടൈം സ്റ്റോറീസ്) എന്നിവർ ചേർന്ന് പ്രേക്ഷകരുടെ മുന്നിൽ അവതരിപ്പിക്കുന്നു. മുകേഷ് ആർ. മേത്ത സി. വി. സാരഥി എന്നിവർ ചേർന്ന് നിർമിക്കുന്ന ഈ ചിത്രത്തിന്റെ ഛായാഗ്രഹണം പി.എം ഉണ്ണികൃഷ്ണൻ നിർവഹിക്കുന്നു. ജോമോൻ ജോൺ, ലിന്റോ ദേവസ്യ എന്നിവർ ചേർന്ന് കഥ തിരക്കഥ സംഭാഷണമെഴുതുന്നു.

എഡിറ്റർ-വിനായക്,പ്രൊഡക്ഷൻ ഡിസൈൻ-സുനിൽ ദാസ്,ചീഫ് അസോസിയേറ്റ് ഡയറക്ടർ-അമരേഷ്കു മാർ,വസ്ത്രാലങ്കാരം-ലേഖാ മോഹൻ, പ്രൊഡക്ഷൻ കൺട്രോളർ-ദീപക് പരമേശ്വരൻ,മേക്കപ്പ്-രതീഷ് വിജയൻ,സ്റ്റണ്ട് സൂപ്പർവിഷൻ-ടോണി മാഗ്വിത്ത്,എക്സിക്യൂട്ടീവ് പ്രൊഡ്യൂസർ-കറ്റീന ജീത്തു,സ്റ്റിൽസ്-നന്ദു ഗോപാലകൃഷ്ണൻ പബ്ലിസിറ്റി ഡിസൈൻ – ടെൻ പോയിന്റ്,പിആർഒ-എ.എസ് ദിനേശ്.